Մերձավոր Արևելքում պատերազմի պատճառով առևտրի խափանումները լուրջ ռիսկ են տարածաշրջանի համար…
Հայաստանը կարող է շահել կապիտալի և զբոսաշրջիկների հոսքերի վերահասցեավորումից. Արժույթի միջազգային հիմնադրամ
Եվս երկու ուժ կմիանա «Ուժեղ Հայաստանին»
Մեր տեղեկություններով, վաղը ևս երկու քաղաքական ուժ կհայտարարեն Սամվել Կարապետյանի «Ուժեղ Հայաստանին» միանալու մասին: «Ապրելու երկիր» կուսակցությունը և «ՀայաՔ…
Տոմսերի կեղծմամբ զբաղվող ինչ խմբավորում է բացահայտվել
Ֆրանսիայի մայրաքաղաքում՝ Փարիզում, իրավապահները բացահայտել և վնասազերծել են հանցավոր խմբավորում, որը զբաղվում էր ՊՍԺ ֆուտբոլային ակումբի հանդիպումների տոմսեր…
Փետրվարին Հայաստանի ոչ առևտրային փոխանցումների զուտ ներհոսքը չափավոր է աճել հունվարին գրանցված թռիչքից հետո. Համաշխարհային բանկ
ԵՐԵՎԱՆ, 20 ապրիլի․/ԱՌԿԱ/․ Փետրվարին դեպի Հայաստան ոչ առևտրային դրամական փոխանցումների զուտ ներհոսքը տարեկան կտրվածքով աճել է 5,2%-ով՝ հունվարին արձանագրված 44% թռիչքից հետո։ Այս մասին նշվում է Համաշխարհային բանկի «Armenia Monthly Economic Update – April 2026» զեկույցում։
«Սա պայմանավորված էր Ռուսաստանից զուտ ներհոսքի 10% չափավոր աճով (որին բաժին է ընկնում ընդհանուր զուտ ներհոսքի 57%-ը), ինչպես նաև ԱՄՆ-ից ներհոսքի 9,6% աճով (ընդհանուր զուտ ներհոսքի 42%-ը)», – նշվում է հետազոտության մեջ։
Զեկույցի հեղինակները նաև մատնանշում են, որ այլ երկրներից զուտ ներհոսքը կրճատվել է 74,5%-ով, թեև դրանց բաժին է ընկնում ընդհանուր ծավալի ընդամենը 1,3%-ը։
ՀՀ Կենտրոնական բանկի տվյալներով՝ 2026 թվականի փետրվարին ՀՀ բանկային համակարգի միջոցով արտերկրից ստացված ֆիզիկական անձանց օգտին ոչ առևտրային անդրսահմանային փոխանցումների զուտ ներհոսքը կազմել է մոտ 47 մլն դոլար՝ 2025 թվականի փետրվարի 44,6 մլն դոլարի դիմաց։
Բռնցքամարտի ԱԱ․ Արթուր Բազեյանն ու Նարեկ Մանասյանը հաղթանակով են մեկնարկել Աշխարհի գավաթում
Բրազիլիայում ընթացող բռնցքամարտի Աշխարհի գավաթի խաղարկությունում Հայաստանի ներկայացուցիչներ Արթուր Բազեյանն ու Նարեկ Մանասյանը հաղթանակով են սկսել իրենց ելույթները:
Այս մասին հայտնում է Հայաստանի բռնցքամարտի ֆեդերացիայի մամուլի ծառայությունը:
Արթուր Բազեյանը մրցավարների միաձայն որոշմամբ առավելության է հասել Արգենտինայի ներկայացուցչի նկատմամբ: Հայ բռնցքամարտիկը բոլոր ռաունդներում ունեցել է ընդգծված առավելություն և վստահորեն հաղթանակ տոնել:
Մրցաշարում հաղթական մեկնարկ է գրանցել նաև Նարեկ Մանասյանը: Վենեսուելացի Վիլմեռ Ռոայի հետ մրցավեճում հայ մարզիկն ի սկզբանե նախաձեռնությունն իր ձեռքն է վերցրել և, գրագետ տակտիկական մենամարտ անցկացնելով, վճռել է հանդիպման ելքն իր օգտին:
«Արարատ-Արմենիան» խոշոր հաշվով հաղթել է «Շիրակին»
Մանուել Տուլիպայի գլխավորած թիմը չորս անպատասխան գնդակ ուղարկեց դաշտի տերերի դարպասը:
Ռուսաստանի և Իրանի արտգործնախարարները հեռախոսազրույց են ունեցել
Ռուսաստանի արտաքին գործերի նախարար Սերգեյ Լավրովը հեռախոսազրույց է ունեցել Իրանի արտաքին գործերի նախարար Աբբաս Արաղչի հետ։
Ռուսական կողմը վերահաստատել է հրադադարի պահպանման անհրաժեշտությունը, որը պետք է պահպանվի պակիստանցի միջնորդների կողմից նախապես համաձայնեցված և հայտարարված պարամետրերի շրջանակներում։ Նշվել է իրավիճակի անվերահսկելի սրացումը և զինված բախման կրկնությունը կանխելու ուղղությամբ դիվանագիտական ջանքերի շարունակման կարևորությունը։
Հաստատվել է Ռուսաստանի պատրաստակամությունը՝ նպաստելու Իրանի և Պարսից ծոցի արաբական պետությունների միջև փոխադարձաբար ընդունելի համաձայնագրերի ձեռքբերմանը։ Իրանական կողմը հաստատել է իր պատրաստակամությունը՝ անել ամեն ինչ՝ վերոնշյալ ջրային ուղիով ռուսական նավերի և բեռների անարգել անցումն ապահովելու համար։
«Թե՛ հայրենիքը, թե՜ պաշտոնը Գասպարյան Օնիկը տանուլ է տվել». Կարեն Հեքիմյան
«Թե՛ հայրենիքը, թե՜ պաշտոնը Գասպարյան Օնիկը տանուլ է տվել». Կարեն Հեքիմյան
«Երևան ավտոբուս» ՓԲԸ-ի մեծ թվով վարորդներ սպառնում են դուրս գալ աշխատանքից. Shamshyan.com
Այսօր՝ ապրիլի 20-ին, Shamshyan.com-ին դիմած ավտոբուսի վարորդը, ով աշխատանքը չկորցնելու մտավախությամբ նախընտրեց մնալ անանուն, ներկայացրեց համակարգի ներսում տիրող աղետալի իրավիճակը և հայտնեց վարորդների տեսակետը՝ հաճախակի դարձած վթարների վերաբերյալ։Ըստ վարորդի՝ իրենց սկսել են պարզապես շահագործել՝ անտեսելով աշխատանքային օրենսգրքով սահմանված բոլոր նորմերը։ Շաբաթական 40 ժամվա փոխարեն վարորդներն աշխատում են օր ու մեջ, սակայն այդ մեկ աշխատանքային օրը տևում է սարսափելի երկար՝ 18-ից 20 ժամ։
Առավոտյան ժամը 5-ից սկսվող հերթափոխն ավարտվում է միայն գիշերվա ժամը 1-ին, ինչի հետևանքով վարորդները, հատկապես տարիքով տղամարդիկ, մշտական գերհոգնածության մեջ են և երբեմն պարզապես քնում են ղեկին։ Սա է այն հիմնական պատճառը, որը հանգեցնում է ծանր հետևանքներով վթարների, սակայն համակարգում տիրող «տուպիկային» վիճակը թույլ չի տալիս բարձրաձայնել խնդրի մասին։Վարորդների բողոքներին ի պատասխան հաճախ հնչում է նույն պայմանը՝ կա՛մ համակերպվել, կա՛մ թողնել աշխատանքը։
Մարդիկ ստիպված են քշել ու վտանգել սեփական ու ուրիշների կյանքը, քանի որ կանգնած են օրվա հացը վաստակելու խնդրի առաջ։ Իրավիճակն ավելի է բարդացել նոր վճարային համակարգի ներդրմամբ, որի հետ կապված ողջ պատասխանատվությունն ու հոգսը կրկին ընկել է վարորդների ուսերին։ Ավելին, ցանկացած վթարի դեպքում նյութական վնասի ծախսերը նույնպես թողնվում են վարորդի վրա։ Այսօր վարորդները խնդրում և պահանջում են կարգավորել աշխատանքային պայմանները, որպեսզի հնարավորություն ունենան արժանապատիվ աշխատելու, իսկ հակառակ դեպքում պատրաստ են բոլորով դուրս գալ աշխատանքից։