ՀՅԴ ԳՄ ներկայացուցիչ, ԱԺ «Հայաստան» խմբակցության պատգամավոր Իշխան Սաղաթելյանը ֆեյսբուքում խոսել է իրեն առաջարկների մասին։
Լուր տարածվեց, որ ՀՀ ԱԳ նախարար ներկայացող Արարատ Միրզոյանը Բրյուսելում հանդիպել է ԵՄ արտաքին հարցերով հանձնակատար Կայա Կալլասի հետ։ Սովորությանս համաձայն զո…
Ռուսաստանի Անվտանգության խորհուրդը (ԱԽ) զգուշացրել է Մերձավոր Արևելքում ինտենսիվ մարտերի վերսկսման հնարավորության մասին, եթե ԱՄՆ-Իրան բանակցությունները անարդյունք լինեն։
«Եթե բանակցությունները չկարողանան հասնել նախատեսված նպատակներին, ռազմական գործողությունները կարող են վերսկսվել ավելի մեծ ինտենսիվությամբ երկու շաբաթվա ընթացքում»,- հայտարարության մեջ նշել է Ռուսաստանի Անվտանգության խորհուրդը, որին անդրադարձել է ՏԱՍՍ-ը։
Անվտանգության խորհուրդը նշել է, որ «հակամարտողների կողմից հրադադարի դրույթների խստորեն պահպանումը կասկածի տակ է»։
«Արդեն ապրիլի 8-ի առաջին կեսին երկու կողմերը փոխանակվել են ավիահարվածներով»,- նշել է Անվտանգության խորհուրդը։ «Կոալիցիոն ուժերը ավիահարվածներ են հասցրել Իրանի հարավային նահանգներին, ենթադրաբար՝ ի պատասխան Իրանի կողմից պարսկական միապետությունների տարածքին հրթիռային հարված հասցնելու փորձի»։
Հայտարարության մեջ նաև նշվել է, որ «նավերի ազատ անցման ապահովման հարցը Հորմուզի նեղուցով մնում է սուր և չլուծված»։ Այսպիսով, Իրանի արտաքին գործերի նախարար Աբբաս Արաղչին ապրիլի 8-ի առավոտյան հաստատել է, որ Հորմուզի նեղուցը կբացվի հրադադարի ժամկետի ընթացքում, բայց ընդգծել է, որ դա պատերազմի ավարտ չէ։ Ապրիլի 8-ի վերջին Իրանը կրկին դադարեցրել էր նավերի անցումը Հորմուզի նեղուցով՝ հղում անելով Իսրայելի կողմից Լիբանանում շարունակվող ռազմական գործողություններին, որոնց դադարեցումը հրադադարի պայմաններից մեկն էր։
