Երեկ սոցիալական հարթակների ուշադրության կենտրոնում է հայտնվել Մարիամ Մարգարյանի (Ալեն Սիմոնյանի նախկին կինը) հրապարակած հոլովակը, որտեղ նա պատկերել է իր տանը տիրող ջերմ ու մտերմիկ մթնոլորտը։
Երեկոյի հյուրերն էին պարուհի, դերասանուհի Սոֆի Դևոյան կրտսերն ու նրա ամուսինը։ Մարիամը, ներկայացնելով հավաքույթի կադրերը, հատուկ շեշտադրում է արել ընտանեկան կապերի և մտերմության վրա։ Հոլովակում տեսանելի է այն անկաշկանդ ու հաճելի միջավայրը, որտեղ ներկաները վայելում են միմյանց ընկերակցությունը։
«Ընտանեկան միջավայր»,– այսպես է մակագրել հոլովակը Մարիամը՝ ընդգծելով հարաբերությունների խորությունը։
Հրապարակման ընթացքում Մարիամը նաև հումորով նշել է իր որդու բացակայության մասին՝ ակնարկելով, որ նրան ևս սպասում են տանը:
«Որդիս երևի դրսում է, շուտով կգա»,– ասել է նա՝ ամբողջացնելով տան լիարժեք պատկերը։
Ապրիլի 7-ը Հայաստանում նշվում է որպես օր, երբ ցանկանում ենք ջերմություն և ուշադրություն նվիրել ամենաթանկ մարդկանց՝ մայրիկներին։ Այդ օրը նույնիսկ ամենափոքր մանրուքը դառնում է հոգատարության և սիրո փոքր նշան։
Մինչ ոմանք փնտրում են տոնական տրամադրություն, մյուսներն ընտրում են հարմարավետություն։ Ընդ որում՝ ուղիղ իմաստով․ մարտի 6-ից մինչև ապրիլի 6-ն ընկած ժամանակահատվածում տան ինտերիերի ապրանքների վաճառքը աճել է միանգամից 1100%-ով։ Դրանց հետ միասին աճում է նաև հետաքրքրությունը հարմարավետության նկատմամբ․ վարագույրները, գորգերը և տան համար այլ իրերը կայուն դրական դինամիկա են ցույց տալիս։
Այս օրը օգտատերերը ավանդաբար բաժանվում են երկու խմբի՝ նրանք, ովքեր վերջին պահին փնտրում են «ինչ-որ գեղեցիկ նվեր», և նրանք, ովքեր նախապես ընտրում են իսկապես անհրաժեշտ իր։
Եվ եթե թվում է, թե մայրիկներին հիմնականում դեռևս նվիրում են ծաղիկներ և խորհրդանշական նվերներ, ապա Wildberries-ի տվյալները մի փոքր ավելի անկեղծ պատկեր են ներկայացնում։
Գլխավոր միտումը սեփական անձի նկատմամբ հոգատարությունն է։ Գեղեցկության կատեգորիան շարունակում է աճել, իսկ որոշ ապրանքներ նույնիսկ տպավորիչ արդյունքներ են ցույց տալիս։ Օրինակ՝ մազերի խնամքի միջոցների պահանջարկը աճել է գրեթե 30 անգամ, իսկ դեմքի խնամքի միջոցներինը՝ ավելի քան երեք անգամ։
Եվ սա արդեն պարզապես «նվեր» չէ, այլ փոքրիկ հնարավորություն՝ դադար առնելու և հոգ տանելու սեփական անձի մասին։
Զուգահեռաբար օգտատերերը ավելի հաճախ կատարում են գործնական և երկարաժամկետ գնումներ․ աճում է հետաքրքրությունը տեխնիկայի նկատմամբ՝ նոթբուքերից մինչև աուդիոհամակարգեր, ինչպես նաև հոբբիների և հանգստի համար նախատեսված ապրանքների նկատմամբ։
Բացի այդ, աճում է հետաքրքրությունը պարզ, բայց հաճելի իրերի հանդեպ։ Գիշերազգեստները, գոտիները, առօրյա աքսեսուարները վստահորեն մտնում են աճի առաջատարների շարքը։ Որովհետև երբեմն լավագույն նվերը ոչ թե «հատուկ» իրն է, այլ պարզապես հարմարավետը։
Արդյունքում ստացվում է բավական անկեղծ պատկեր․ մինչ ոմանք սովորության համաձայն ընտրում են ծաղիկներ, մյուսները՝ և հաճախ հենց մայրիկները, իրենց զամբյուղում ավելացնում են մի փոքր հարմարավետություն, ինքնախնամք և հանգստություն։
Եվ թվում է, որ հենց այս սցենարն է ավելի ու ավելի դառնում այս տոնի գլխավոր միտումը։
Մյունխենի «Բավարիայի» կիսապաշտպան Յոզուա Կիմիխը կիսվել է Չեմպիոնների լիգայի քառորդ եզրափակիչում Մադրիդի «Ռեալի» դեմ կայանալիք հանդիպման սպասելիքներով։ «Ինձ համար Մադրիդի «Ռեալն» ու «Բավարիան» աշխարհի երկու մեծագույն ակումբներն են: Այդ իսկ պատճառով նրանց միջև կայանալիք յուրաքանչյուր հանդիպում առանձնահատուկ է։
Եթե ցանկանում ես հաղթել «Ռեալին», պետք է լինես լավագույն մարզավիճակում թե՛ հոգեբանորեն, թե՛ տակտիկապես: Մենք հիանալի տրամադրություն ունենք, բոլոր ֆուտբոլիստները լավ մարզավիճակում են: Ուրախ ենք խաղալ այստեղ: Սա վճռորոշ փորձություն է, որի մասին երազում է յուրաքանչյուր խաղացող: Անհամբերությամբ ենք սպասում այս ճակատամարտին։
Մրցավարական հնարավոր որոշումների շուրջ անհանգստության մասին չեմ էլ մտածել: Այդ առումով բացարձակապես չեմ անհանգստանում»,- նախախաղային մամուլի ասուլիսի ժամանակ նշել է Կիմիխը։
Oragir.News-ի «Ըստ էության» հաղորդաշարի տաղավարում հյուրընկալել ենք ԱԺԲ խորհրդի անդամ Գարեգին Չուգասզյանին։
Նրա հետ խոսել ենք խորհրդարանական ընտրություններին ԱԺԲ մասնակցության, լայն ընդդիմադիր միավորման մեջ չլինելու, ինքնուրույն մասնակցելու, 2021-ի ընտրություններում 1,5 % ձայն ստանալու, պնդումների, որ Արևմուտքից ստիպել են ընտրություներին մասնակցել, Նիկոլ Փաշինյանի Արևմուտքի աջակցությունը վայելելու, Փաշինյանի վարած արտաքին քաղաքականության, Հայաստանն Արևմուտք տանելու տպավորության, ռուսաական ռազմաբազան հանելու օրակարգ չունենալու, ԱԺԲ-ի և մյուս ընդդիմադիր ուժերի տարբերության, ՌԴ այցի և Վլադիմիր Պուտինի հետ հանդիպման, «խաղաղության», սեփական ժողովրդին պատերազմով ահաբեկելու և մի շարք այլ հարցերի շուրջ։
Անդրադառնալով Արարատի և Արցախի մասին խոսելը սադրանք և պատերազմի կոչ համարելու Նիկոլ Փաշինյանի հայտարարությանը, Չուգասզյանը նկատեց, որ Նիկոլ Փաշինյանն ունի Արարատ անունով արտգործնախարար․ «Դա սադրանք չէ՞»։
Նրա պնդմամբ՝ այս 8 տարիների ընթացքում Նիկոլ Փաշինյանն ավելացրել է կախումը Ռուսաստանից։
Մանրամասները՝ տեսանյութում․
Բիզնես–բանկ-պետական օղակները՝ մեկ տանիքի տակ։ Հայաստանի բանկերի միության հերթական մարզային համաժողովն է, որի գլխավոր նպատակը ՓՄՁ ոլորտի անխոչընդոտ և ճկուն զարգացումն է։
Լոռու մարզում բիզնեսի և բանկային համակարգի համագործակցության հնարավորությունները և հեռանկարները համաժողովի կարևոր բաղադրիչներից են հենց պանելային քննարկումները։
Որքանո՞վ է գրավիչ Լոռին իր բնությամբ և հաջողակ բիզնես-նախագծերով։ Պանելային քննարկման առանցքում մարզային բիզնեսի ֆինանսավորման գործիքներն են, այդ թվում՝ պետական աջակցութան ծրագրերը։
Մանրամասն` տեսանյութում:
Բանկերն իրենց առաջարկներով, բիզնեսն՝ իր գաղափարներով քննարկել են Լոռիում բիզնեսի և բանկային համակարգի համագործակցության հնարավորությունները։ Հայաստանի բանկերի միության նախաձեռնությամբ Լոռիում կազմակերպված մարզային համաժողովը դարձել է հարթակ՝ բիզնես համայնքի, բանկերի և պետական կառույցների երկխոսության համար։
Համաժողովը մեկնարկել է «Բանկերը և բիզնեսը Վանաձորում» էքսպոյի բացմամբ, որտեղ ԱրարատԲանկը ներկայացել է բիզնեսի և տնտեսության զարգացմանն ուղղված մրցունակ առաջարկներով՝ բիզնես վարկերից մինչև գյուղատնտեսական վարկավորում։
ԱրարատԲանկի ՓՄՁ վարկավորման բաժնի պետի տեղակալ Արտակ Մայիլյանը ներկայացրել է Easygoing բիզնես վարկը, որը նախատեսված է փոքր և միջին ձեռնարկությունների համար՝ ապահովելու բիզնեսի աճը, նոր ներդրումները և շրջանառու միջոցների համալրումը։
Պրոդուկտն ունի երկու բաղադրիչ․ գրավով ապահովված բիզնես վարկ՝ գույքի գնահատված իրացվելի արժեքի մինչև 100%-ի չափով և անգրավ բիզնես վարկ։
«Երկրորդ պրոդուկտը «Արի մեզ մոտ» ակցիան է, որը գործում է մինչև այս ամսվա վերջ։ Ակցիան լավ հնարավորություն է ընձեռում բիզնեսներին՝ տեղափոխելու իրենց գործող վարկերը ԱրարատԲանկ և օգտվելու վարկի տրամադրման շահավետ պայմաններից՝ առաջին տարվա համար 10% տոկոսադրույք և 12 ամիս մայր գումարի մարման արտոնյալ ժամկետ»,- նշել է ԱրարատԲանկի ՓՄՁ վարկավորման բաժնի պետի տեղակալ Արտակ Մայիլյանը։
Լոռին զարգացող մարզ է՝ հատկապես տուրիզմի և ծառայությունների ոլորտում, բայց նաև արտադրական լուրջ ներուժ ունի։ Այդ իսկ պատճառով առաջարկները կառուցված են այնպես, որ բիզնեսը արագ ֆինանսավորման հնարավորություն ունենա։
«Մեծ թափ է ստացել գյուղվարկավորումը, որն իրականացնում ենք ամբողջ Լոռու մարզում՝ պայմանավորված անասնապահության և ցանքատարածությունների հետ։ Ունենք բազմաթիվ կորպորատիվ վարկառուներ, որոնց հետ շուրջ 10-15 տարի աշխատում ենք թե՛ հաշիվների սպասարկման, թե տարբեր ծառայությունների մատուցման շրջանակում։ Ամեն ամիս ավելանում է իրավաբանական անձանց թիվը։ Մեծ թափ են ստանում հանգստյան տների, հյուրանոցների կառուցման ֆինանսավորման հետ կապված նախագծերը»,- նշել է ԱրարատԲանկի «Վանաձոր» մասնաճյուղի կառավարիչ Վարդան Շաքարյանը և օրինակ բերել բանկի հետ համագործակցության հաջողված նախագծերից մեկը՝ Վանաձոր քաղաքից ոչ հեռու գտնվող Mounthree հյուրանոցային համալիրը։
«ԱրարատԲանկի հետ համագործակցությունը սկսել ենք 2025 թ․-ից՝ պաշտոնական բացմանը զուգահեռ, և հիմա՝ արդյունավետ ֆինանսավորման արդյունքում, Mounthree հյուրանոցային համալիրը Լոռու մարզի լավագույններից է՝ ապահովելով հաճախորդների մեծաքանակ հոսք։ ԱրարատԲանկի հետ համագործակցության արդյունքում ավարտին են հասցվել հյուրանոցի զարգացման մի շարք ծրագրեր։ Հաջորդ փուլերով նախատեսվում են նոր ենթակառուցվածքներ, ծառայություններ, նույնիսկ լեռնադահուկային ուղղություն… Եվ այդ ճանապարհը՝ նորից ԱրարատԲանկի հետ»,- ասում է Mounthree հյուրանոցային համալիրի գործադիր տնօրեն Արեն Գևորգյանը։
Համաժողովի ժամանակ շեշտադրվել էր բանկը որպես գործընկեր ընկալելու մոդելը, իսկ ֆինանսավորումը՝ զարգացման գործիք։
ԱրարատԲանկը վերահսկվում է ՀՀ կենտրոնական բանկի կողմից
Ապրիլի 7-ին՝ ժամը 16․14-ին, «Արմավիր» ԲԿ-ից Ոստիկանություն ահազանգ է ստացվել, որ վնասվածքներով բուժօգնության է տեղափոխվել Արմավիրի մարզի Շենիկ գյուղի 48-ամյա մի բնակիչ, որը մահացել է․ տեղեկացնում է ՆԳՆ Ոստիկանությունը։
«Պարզվել է, որ Արմավիրի մարզի Շենիկ գյուղում, ըստ նախնական տվյալների, մեքենան անկանոն վարելու հետ կապված վիճաբանություն է ծագել մի խումբ անձանց միջև, ինչի ընթացքում նույն համայնքի 41-ամյա բնակիչը իր անվամբ հաշվառված որսորդական հրացանով կրակել է համագյուղացու ուղղությամբ։
Անհետաձգելի օպերատիվ գործողությունների շնորհիվ կանխվել է 41-ամյա տղամարդու փախուստը հանրապետությունից։ Ոստիկանները «Զվարթնոց» միջազգային օդանավակայանում հայտնաբերել և ձերբակալել են Արմավիրի մարզի Շենիկ գյուղի 41-ամյա բնակչին։
Դեպքի բոլոր հանգամանքները պարզվում են։ Ձերբակալված անձն ու կազմված փաստաթղթերն ուղարկվում են նախաքննական մարմին»,- ասված է հաղորդագրությունում։
`