Category: BanksNews.am

Այժմ սպասելու կարիք չկա․ կատարեք ցանկալի գնումները՝ ձևակերպելով արագ վարկ ընդամենը մի քանի րոպեում AMIO Mobile հավելվածի միջոցով:

AMIO Mobile-ում օնլայն վարկի պայմաններն են՝

• Մրցունակ տոկոսադրույք տարեկան անվանական՝ 16%-21% (տարեկան փաստացի տոկոսադրույք՝ 17.23%-23.25%)
• Առանց միջնորդավճարների
• Բարձր վարկային սահմանաչափ՝ մինչև 15,000,000 ՀՀ դրամ
• Նվազագույն գումար՝ 100,000 ՀՀ դրամ
• Ժամկետ՝ 12-60 ամիս
• Արագ և հարմար գործընթաց

Վարկի հայտը լրացվում է ամբողջությամբ առցանց, որոշումը կայացվում է տեղում, գումարը անմիջապես հասանելի է դառնում հաշվին:

Օնլայն վարկից կարող են օգտվել նաև նրանք, ովքեր դեռևս Ամիօ բանկի հաճախորդ չեն։ Ամիօի հաճախորդ դառնալը հնարավոր է ամբողջությամբ օնլայն՝ պարզապես ներբեռնելով AMIO Mobile հավելվածը App Store-ից կամ Google Play-ից։

Մանրամասներին ծանոթացիր նշված հղմամբ՝ https://bit.ly/3O4WHcv

Բանկը վերահսկվում է ՀՀ ԿԲ կողմից

Էլ․ հասցե։ [email protected]

Հեռ․ +374 10 59 20 20

amiobank.am

Առաջընթաց ամեն օր․ Ամիօ բանկը՝ որպես գրավիչ գործատու

Բաժանորդագրվեք մեր ալիքին Telegram-ում

Ավելացող եկամուտներ և հանրության վստահություն․ ինչի՞ վրա է այսօր կառուցվում հաջողակ բիզնեսը։

Կորպորատիվ սոցիալական պատասխանատվություն․ սա ոչ թե նորաոճ թրենդային ձևակերպում է, այլ իրական առաջնահերթություն, որով կարող ես տարբերակել իսկապես կայացած ընկերություններին։

Տասնյակ ՀԿ-ների, հիմնադրամների և իհարկե, բիզնեսների է միավորել Impacture 2026-ը։  Համաժողովի առանցքում բարեգործությունն է, կորպորատիվ սոցիալական պատասխանատվությունն ու հանրօգուտ ներդրումերը։

Սոցիալական ծրագրերի իր հարուստ ու հաջողակ պորտֆելով՝ այստեղ է նաև IDBank-ը։

IDBank-ն այսօր  ունի սոցիալական պատասխանատվության ութ հիմնական ուղղություն, որի շրջանակներում էլ պարբերաբար ուսումնասիրութուններ է անում, ընտրում այդ պահին  հանրության համար ամենից կարևոր ծրագրերն ու դառնում այս կամ այն  կառույցի գործընկերը։ Կյանքի կոչված բազմաթիվ նախաձեռնություններից մեկի արդյունքում, օրինակ, այս տարվա ապրիլին ԵՊՀ արցախցի 103 ուսանող Բանկի կողմից ստացավ կրթաթոշակ, ինչի շնորհիվ կարողացան շարունակել կրթությունը։

Դե իսկ IDBank-ի «Մի դրամի ուժը» ծրագրի գործընկեր կազմակերպությունների թիվն այսօր 45-ից ավելի է, ներդրումները հասնում են 300 մլն դրամի։

Մանրամասն` տեսանյութում։

Բաժանորդագրվեք մեր ալիքին Telegram-ում

Երկրում հանցավորության դեմ պայքարը մարդկանց բարեկեցության ապահովման կարևոր բաղադրիչներից է։ Բազմաթիվ երկրներում հանցավոր աշխարհին մեծ հովանավորչություն է տրամադրվում իշխանությունների կողմից։ Այս առումով Հայաստանում իրավիճակը բավականին հանդարտ է, թեև մեր երկրում ևս հանցագործությունների թիվը շարունակաբար աճում է։

Դրա մասին են վկայում վիճակագրական տվյալները։ Ուսումնասիրենք արձանագրված հանցագործությունների թվաքանակի դինամիկան 2021-2025թթ․ ժամանակահատվածում․

Վիճակագրական տվյալները ցույց են տալիս, որ 2025թ․ երկրում արձանագրված հանցագործությունների թվաքանակը կազմել է 46,337 միավոր։ Վերջինս նախորդ տարվա համեմատ աճել է 15%-ով, իսկ 2021թ․ համեմատ՝ 53%-ով։

Նկատենք, որ Երևանում արձանագրված հանցագործությունների թվաքանակը 2025թ․ 2024թ․ համեմատ աճել է 8%-ով, իսկ 2021թ․ համեմատ՝ 21%-ով՝ կազմելով 19,930 միավոր։

Մարզերում 2025թ․ 2024թ․ համեմատ հանցագործությունների ամենամեծ աճը՝ 7%-ով, արձանագրվել է Արարատում, իսկ ամենամեծ անկումը՝ 24%-ով, Սյունիքում։

Մարզերում 2025թ․ 2021թ․ համեմատ հանցագործությունների թվաքանակի ամենամեծ աճը՝ 87%-ով, դիտվել է Վայոց ձորի մարզում։

Հարկ է նշել, որ 2025թ․ 2021թ․ համեմատ արձանագրված հանցագործությունների թվաքանակի անկում որևէ մարզում չի արձանագրվել։ 

Սակայն կարևոր է ոչ միայն արձանագրել հանրապետությունում հանցագործությունների թվաքանակի փոփոխությունը, այլև հասկանալ, թե կոնկրետ ինչ տեսակի հանցագործությունների մասին է խոսքը․

Վիճակագրական տվյալները փաստում են, որ 2025թ․ 2024թ․ համեմատ ամենամեծ աճը՝ 40%-ով, արձանագրվել է տնտեսական հանցագործությունների մասով՝ կազմելով 1,414 միավոր։

2025թ․ 2021թ․ համեմատ հանցագործությունների թվաքանակի ամենամեծ աճը՝ 208%-ով, արձանագրվել է հասարակական անվտանգության, հասարակական կարգի և բնակչության առողջության դեմ ուղղված հանցագործությունների մասով։

2025թ․ 2021թ․ համեմատ 101%-ով աճել են պետական իշխանության, ծառայության և կառավարման կարգի դեմ ուղղված հանցագործությունները։

2025թ․ 2021թ․ համեմատ հանցագործությունների թվաքանակի ամենամեծ անկումը՝ 18%-ով, դիտվել է սեփականության դեմ ուղղված հանցագործությունների մասով։

Բաժանորդագրվեք մեր ալիքին Telegram-ում

Հայաստանում պատմության մեջ առաջին անգամ անցկացվող Concours Mondial de Bruxelles 2026 միջազգային հեղինակավոր մրցույթի պաշտոնական մեկնարկից հետո Team ընկերությունների խմբի Northern Terroir ընկերությունը Grand Hotel Yerevan-ում կազմակերպել է մասնավոր դեգուստացիոն երեկո: Միջոցառմանը հյուրընկալվել են մրցույթի շրջանակում Հայաստան ժամանած միջազգային   սոմելյեներ, գինեգործության ոլորտի լրագրողներ և ներկայացուցիչներ, հյուրընկալության ոլորտի մասնագետներ և տուրօպերատորներ:

Մոտ 130 հյուրի համախմբած միջոցառման նպատակն էր միջազգային մասնագիտական հանրությանը ներկայացնել Հայաստանի հյուսիսային գինեգործական կարևոր տարածաշրջաններից մեկի՝ Տավուշի բնաշխարհը, գաստրոնոմիական մշակույթն ու հայկական տեղական խաղողի տեսակները՝ միաժամանակ ընդգծելով Հայաստանի աճող դերը համաշխարհային գինեգործության քարտեզում։

«Wild Luxury» ոճով կազմակերպված երեկոն ձևավորվել էր որպես հյուսիսային Հայաստանի բազմաշերտ ներկայացում՝ գինու, համերի, բույրերի և պատմությունների միջոցով։ Հյուրերը մասնակցել են դեգուստացիոն փորձառության, որի առանցքում Northern Terroir-ի գինիների հիմքը կազմող հայկական տեղական Լալվարի և Բանանց խաղողի տեսակներն էին։

«CMB 2026-ի շրջանակում միջազգային գինեգործական մասնագետների հյուրընկալումը կարևոր էր ոչ միայն Northern Terroir-ի, այլև հայկական գինեգործության համար: Մենք ցանկանում էինք, որ հյուրերը Տավուշը բացահայտեն ոչ միայն գինու, այլև տարածաշրջանի խոհարարական մշակույթի, մթնոլորտի և մարդկանց միջոցով»,-նշում է Northern Terroir-ի գլխավոր տնօրեն Զառա Մազմանյանը։

Դեգուստացիոն ներկայացումը վարել է Northern Terroir-ի բրենդային դեսպան Արամ Կիրակոսյանը, որը հյուրերին ներկայացրել է գինեգործարանը, գինու ստեղծման փիլիսոփայությունը և Տավուշի տերուարի առանձնահատկությունները։

Երեկոյի ընթացքում գինիները համադրվել են տարածաշրջանային բաղադրիչներով և տեղական խոհարարական ավանդույթներով ոգեշնչված ուտեստներով։ Գաստրոնոմիական կոնցեպտի հեղինակը եղել է Arm Food Lab-ի հիմնադիր, Ootelie Artisan Bakery և Caffeine Coffee Roasters նախագծերի համահիմնադիր Անի Հարությունյանը՝ գինու փորձագետ Ստեփան Հաջյանի հետ համագործակցությամբ։

«Տավուշի խոհանոցը խորապես կապված է սեզոնայնության, պահպանման մշակույթի և շրջակա բնությունից ստացվող բաղադրիչների հետ: Համադրությունները ստեղծվել էին այնպես, որ արտացոլեն տարածաշրջանի բնավորությունը և, միաժամանակ, բնականորեն լրացնեն գինիները»,-ասում է Անի Հարությունյանը։

Հյուրերին ներկայացվել են ZOÉ Sparkling-ը՝ վայրի գարնանային կանաչիներով և ավանդական հացահատիկներով պատրաստված թթխմորային խրթխրթան հացի հետ, TUS Classic-ը՝ վայրի սնկով գաթայի ժամանակակից մեկնաբանությամբ, և TUS Reserve-ը՝ Տավուշում աճեցված խոզի մսով։

Նման միջոցառումները նպաստում են երկրի աճող տեսանելիությանը ոչ միայն որպես գինեգործական տարածաշրջան, այլև որպես գինու տուրիզմի, գաստրոնոմիայի և հյուրընկալության նոր ուղղություն։

***

Northern Terroir-ը հիմնադրվել է 2017 թվականին՝ նպատակ ունենալով գինիների միջոցով փոխանցել Հայաստանի Տավուշի մարզի ինքնատիպ բնույթն ու առանձնահատկությունները։ Ընդգրկելով Տավուշի հյուսիսային տերուարի բացառիկ հնարավորությունները՝ Հաղթանակ գյուղում գտնվող խաղողի այգիները մշակվում են մեծ ուշադրությամբ՝ բացահայտելու տարածաշրջանի բնական ներուժը։ Ծովի մակարդակից միջինում 450 մետր բարձրության վրա գտնվող այգիները տեղակայված են մայրցամաքային կլիմայում՝ տաք ամառներով և մեղմ ձմեռներով։

Մասնագետների պրոֆեսիոնալիզմը, համակարգված մոտեցումը, նվիրվածությունն ու թիմին պատկանելու ուժեղ զգացողությունը նպաստում են Northern Terroir-ի հաջողությանը և լայն ճանաչմանը։

Team Holding-ը հայտարարում է դոլարային պարտատոմսերի երրորդ՝ եզրափակիչ փուլի տեղաբաշխման մեկնարկը․ տեղաբաշխողը՝ Freedom Broker Armenia

Բաժանորդագրվեք մեր ալիքին Telegram-ում

Amazon, Google, Meta և Microsoft ընկերությունները 2026 թվականին արհեստական բանականության ենթակառուցվածքների վրա կարող են ծախսել մինչև 725 միլիարդ դոլար։

Սա 77%-ով ավելի է նախորդ տարվա համեմատ։

Google Cloud-ի եռամսյակային եկամուտը աճել է 63%-ով, իսկ պատվերների պորտֆելը կրկնապատկվել է՝ հասնելով 460 միլիարդ դոլարի։

Փորձագետների գնահատմամբ՝ մրցակցությունն այժմ ընթանում է ոչ թե AI մոդելների, այլ ենթակառուցվածքային «երկաթի» ոլորտում։

Խնդիրների հիմնական կետը դարձել է տվյալների փոխանցումը․ հազարավոր AI արագացուցիչներ չեն կարող արդյունավետ աշխատել առանց մասնագիտացված կապի ենթակառուցվածքների։

AI-ից ստացվող եկամուտները Broadcom-ի դեպքում աճել են 106%-ով, իսկ Credo Technology-ի դեպքում՝ 273%-ով։

Միաժամանակ Nvidia-ը 2 միլիարդ դոլար է ներդրել օպտիկական սարքավորումներ արտադրող Lumentum ընկերությունում։

Բաժանորդագրվեք մեր ալիքին Telegram-ում

«Ռոսիմուշչեստվո»-ն հայտարարել է «Աէրոֆլոտ»-ի բաժնետոմսերի 23,76%-ը բորսայի միջոցով վաճառելու մտադրության մասին։

Միաժամանակ պետությունը կպահպանի վերահսկիչ փաթեթը՝ 50% + 1 բաժնետոմս։

Շուկայական գներով գործարքի արժեքը գնահատվում է մոտ 44 միլիարդ ռուբլի, ինչը պակաս է 2022 թվականին ավիաընկերության աջակցությանը պետության հատկացրած միջոցներից։

Վերլուծաբանների գնահատմամբ՝ նման ծավալի բաժնետոմսերի տեղաբաշխումը հնարավոր չի լինի առանց շուկայական զեղչի, քանի որ մանրածախ ներդրողները նախընտրում են ավանդներն ու պարտատոմսերը, իսկ խոշոր ներդրողների շրջանակը սահմանափակված է պատժամիջոցներով։

Սպասվում է SPO՝ 5-10% զեղչով և խարիսխային ներդրողների մասնակցությամբ։

Նիկիտա Բրեդիխինի խոսքով՝ «Աէրոֆլոտ»-ի բաժնետոմսերի գնման հաջողությունը կախված է ղեկավարության կարողությունից՝ զսպելու ծախսերի աճը և ժամանակին ստանալու պետական սուբսիդիաներ։

Բաժանորդագրվեք մեր ալիքին Telegram-ում

Forbes Russia-ի տվյալներով՝ Ռուսաստանում մարդու հնարավորությունների ուժեղացման տեխնոլոգիաների՝ էկզոսկելետների, նեյրոինտերֆեյսների և բիոնիկ պրոթեզների շուկան 2025 թվականին աճել է 7%-ով՝ հասնելով 142,7 միլիարդ ռուբլու։

Strategy Partners-ի կանխատեսմամբ՝ մինչև 2030 թվականը շուկայի ծավալը կհասնի 187,7 միլիարդ ռուբլու։

Ամենաարագ աճող ուղղությունը էկզոսկելետներն են, որոնց շուկան մեկ տարվա ընթացքում աճել է 31%-ով։

Պահանջարկի հիմնական պատճառներից են ժողովրդագրական փոփոխությունները․ Ռուսաստանում կա ավելի քան 11 միլիոն հաշմանդամություն ունեցող անձ, ինչպես նաև զգալիորեն երիտասարդացել է անդամահատված պացիենտների միջին տարիքը։

Իվան Խուդյակովի խոսքով՝ երիտասարդները ցանկանում են հնարավորինս արագ վերադառնալ ակտիվ կյանքին, ինչը կարող են ապահովել միայն բիոնիկ պրոթեզները։

Միաժամանակ, նման պրոթեզների արժեքը համեմատվում է «Նոր Մոսկվայում մեկսենյականոց բնակարանի» գնի հետ, և տեխնոլոգիաների բարձր ինքնարժեքի պատճառով դրանց արժեքը չի նվազում աշխարհի ոչ մի երկրում։

Ոլորտի զարգացման հիմնական խոչընդոտներն են թանկարժեք կլինիկական փորձարկումները, բժշկական սարքերի գրանցման երկար գործընթացը և արտասահմանյան բաղադրիչներից կախվածությունը։

Բաժանորդագրվեք մեր ալիքին Telegram-ում

Համաշխարհային տնտեսությունում նկատվող բացասական երևույթները դեռևս չեն կարողանում ամբողջությամբ խափանել երկրների միջև ընթացող ակտիվ առևտուրը։ Այս համատեքստում հետաքրքիր է ուսումնասիրել աշխարհում ամենաշատը գնվող և վաճառվող ապրանքների ծավալների աճի տեմպերը 2025թ․ 2024թ․ համեմատ.

Վիճակագրական տվյալները փաստում են, որ ամենից շատ գնվող ու վաճառվող ապրանքները ներառում են հետևյալ երեք հիմնական ապրանքախմբերը` էներգետիկա, էլեկտրոնիկա և տրանսպորտային միջոցներ։

Ապրանքների հիմնական մասը վերաբերում է էներգետիկ ոլորտին։ Մասնավորապես, նավթի առևտրի ծավալները 2025թ․ 2024թ․ համեմատ կրճատվել են 13%-ով, ածուխինը՝ 27%-ով։

Մյուս կողմից, հեղուկ գազի առևտրի ծավալներն աճել են 5%-ով, քամու էներգիայինը՝ 17%-ով, մարտկոցներինը՝ 8%-ով։

Բացառիկ գործարք Հայաստանում. Ամիօ բանկի ֆինանսավորմամբ ստեղծվում է արտադրական տարածաշրջանային հաբ

Հաջորդ խումբ ապրանքները վերաբերում են էլեկտրոնիկային։

Տեղեկատվական և հաղորդակցական տեխնոլոգիաների առևտրի ծավալներն աճել են 19%-ով, իսկ կիսահաղորդիչներինը՝ 12%-ով։

Իսկ տրանսպորտային միջոցների ապրանքախմբում նկատվում է այրման տեխնոլոգիաների առևտրի ծավալների նվազում՝ 11%-ով։

Բաժանորդագրվեք մեր ալիքին Telegram-ում

Համաշխարհային տնտեսությունում նկատվող բացասական երևույթները դեռևս չեն կարողանում ամբողջությամբ խափանել երկրների միջև ընթացող ակտիվ առևտուրը։ Այս համատեքստում հետաքրքիր է ուսումնասիրել աշխարհում ամենաշատը գնվող և վաճառվող ապրանքների ծավալների աճի տեմպերը 2025թ․ 2024թ․ համեմատ.

Վիճակագրական տվյալները փաստում են, որ ամենից շատ գնվող ու վաճառվող ապրանքները ներառում են հետևյալ երեք հիմնական ապրանքախմբերը` էներգետիկա, էլեկտրոնիկա և տրանսպորտային միջոցներ։

Ապրանքների հիմնական մասը վերաբերում է էներգետիկ ոլորտին։ Մասնավորապես, նավթի առևտրի ծավալները 2025թ․ 2024թ․ համեմատ կրճատվել են 13%-ով, ածուխինը՝ 27%-ով։

Մյուս կողմից, հեղուկ գազի առևտրի ծավալներն աճել են 5%-ով, քամու էներգիայինը՝ 17%-ով, մարտկոցներինը՝ 8%-ով։

Բացառիկ գործարք Հայաստանում. Ամիօ բանկի ֆինանսավորմամբ ստեղծվում է արտադրական տարածաշրջանային հաբ

Հաջորդ խումբ ապրանքները վերաբերում են էլեկտրոնիկային։

Տեղեկատվական և հաղորդակցական տեխնոլոգիաների առևտրի ծավալներն աճել են 19%-ով, իսկ կիսահաղորդիչներինը՝ 12%-ով։

Իսկ տրանսպորտային միջոցների ապրանքախմբում նկատվում է այրման տեխնոլոգիաների առևտրի ծավալների նվազում՝ 11%-ով։

Բաժանորդագրվեք մեր ալիքին Telegram-ում