Author: Julbaz

Քաղաքագետ Սուրեն Սուրենյանցի ֆեյսբուքյան գրառումը․ «Իրանի և ԱՄՆ-ի միջև հրադադար է հաստատվել:
     Ըստ իս, ԱՄՆ-Իսրայել տանդեմի ավանտյուրան ավարտվել է ռազմավարական ֆիասկոյով: Բայց դա հիմա պակաս կարևոր է:
     Կարևորն այն է, որ այլևս անմեղ մարդիկ չեն զոհվի:
     Իհարկե, այս հակամարտությունը կարգավորված չէ, ինստիտուցիոնալ խաղաղություն հաստատված չէ, բայց բանակցությունները, ինչքան էլ դրանք դժվար լինեն, խաղաղ հանգուցալուծումների հնարավորություն են:
     Այս պոզիտիվ լուրով էլ սկսենք օրը: Բարի և անփորձանք օր բոլորիս»:

Թյուրքագետ Վարուժան Գեղամյանի թելեգրամյան գրառումը․ «ՀՐԱԴԱԴԱՐ

Եթե իսկապես ԱՄՆ և Իրանի միջև այս գիշեր բանակցված երկշաբաթյա հրադադարը պահպանվի, ապա դրանից շահելու է առավելապես Իրանը` ոչ միայն մեծացնելով բանակցային կողմերի շրջանակը, այլև բարձրացնելով զինված գործողությունների վերսկսկման գինը ԱՄՆ ու Իսրայելի համար:
     Իսկ բանակցային տրամաբանությունը արդեն իսկ փոխվել է հօգուտ Իրանի. Հորմուզի նեղուցը բացվում է Իրանի թույլտվությամբ: Մի բան, որ չկար պատերազմից առաջ:

Պատերազմներն առաջադեմ զենքի մասին չեն, դրանք այդ զենքն աշխատացնող համակարգերի ու աշխատացնելուն պատրաստ էլիտաների կամքի ու դիմադրողականության մասին են: Իրանը դա ցույց տվեց փայլուն կերպով վերջին 1,5 ամիսների ընթացքում:
     Մնում է սովորել այս դասը»:

Միացյալ Նահանգները համաձայնել է Հորմուզի նեղուցի վերահսկողությունը թողնել Իրանին, վճարել փոխհատուցում, վերացնել Թեհրանի նկատմամբ պատժամիջոցները, հայտարարել է Իսլամական Հանրապետության ազգային անվտանգության բարձրագույն խորհուրդը։

«ԱՄՆ-ն ճանաչում է Իրանի նկատմամբ չհարձակվելու սկզբունքը, ընդունում է Իրանի վերահսկողության պահպանումը Հորմուզի նեղուցի նկատմամբ, Իրանի կողմից ուրանի հարստացման շարունակումը, բոլոր առաջնային և երկրորդային պատժամիջոցների վերացումը, ՄԱԿ-ի Անվտանգության խորհրդի և ԱԷՄԳ-ի կառավարիչների խորհրդի բոլոր բանաձևերի գործողության դադարեցումը, համաձայն է Իրանին փոխհատուցում վճարել, ինչպես նաև ամերիկյան զորքերը դուրսբերել Մերձավոր Արևելքից և բոլոր ճակատներում պատերազմը դադարեցնել»,- ասվում է հայտարարության մեջ, որը մեջբերում է Իրանի պետական հեռուստառադիոընկերությունը։