Category: Armbanks

Յունիբանկը կմասնակցի Leasing Expo 2026 ցուցահանդեսին հատուկ առաջարկով

ԵՐԵՎԱՆ, 7 ապրիլի․/ԱՌԿԱ/․ 2026թ.-ի ապրիլի 10-12-ը Յունիբանկը կմասնակցի Հայաստանի լիզինգային և ֆինանսական լուծումների ոլորտի միջազգային ամենամեծ ցուցահանդես-վաճառքին՝ այցելուներին առաջարկելով շահավետ պայմաններ, հաղորդում է Յունիբանկի մամուլի ծառայությունը։

Բիզնեսի ընդլայնման և արդյունավետության բարձրացման համար անհրաժեշտ նորագույն տեխնիկան և սարքավորումները Յունիբանկի լիզինգի միջոցով կարելի է ձեռք բերել սկսած 0% կանխավճարով և մինչև 84 ամիս մարման ժամկետով։ Լիզինգի նախահաստատումն իրականացվելու է անմիջապես բանկի տաղավարում՝ ընդամենը 5 րոպեում։

Լիզինգը վերջին տարիներին լայն կիրառություն է ստացել Հայաստանում՝ բիզնեսի համար դառնալով զարգացման հաջորդ փուլն ապահովող ճկուն և ժամանակակից գործիք: Յունիբանկի լիզինգային պորտֆելը 2025 թվականին նախորդ տարվա համեմատ գրեթե կրկնապատկվել է:

Լիզինգի միջոցով ընկերությունները և անհատ ձեռնարկատերերը կարող են առանց մեծ ներդրումների ձեռք բերել բժշկական սարքավորումներ, արտադրական և շինարարական տեխնիկա, տրանսպորտային միջոցներ, արևային վահանակներ և այլն։

Leasing Expo 2026 ցուցահանդեսը կկայանա «Մերիդիան» կենտրոնում՝ համախմբելով ոլորտի առաջատար կազմակերպություններին:

ՓՄՁ զարգացումը մարզերում. IDBank-ը ներկայացրել է նոր լուծումներ (ՎԻԴԵՈ)

ԵՐԵՎԱՆ, 7 ապրիլի․/ԱՌԿԱ/․ IDBank-ը Վանաձորում մասնակցեց «Լոռու մարզում բիզնեսի և բանկային համակարգի համագործակցության հնարավորությունները և հեռանկարները» թեմայով համաժողովին, հաղորդում է բանկի մամուլի ծառայությունը։

Կարևորելով մարզերում բիզնեսների հետ սերտ համագործակցությունը՝ Բանկը մշտապես փորձում է հասանելի լինել Հայաստանի բոլոր մարզերի բիզնեսների համար թե՛ նոր առաջարկներով, թե՛ նորարար ֆինանսական գործիքներով։

«ՓՄՁ վարկավորումը և զարգացումը Բանկի ռազմավարության կարևորագույն մասերից է։ Հաշվի առնելով, որ գրեթե ամեն ինչ մեծամասամբ կենտրոնացած է մայրաքաղաքում, մարզերում գտնվող բիզնեսներն ունեն ուշադրության կարիք, ինչի ուղղությամբ էլ մենք կարևոր քայլեր ենք ձեռնարկում՝ ներկայացված լինելով գրեթե բոլոր մարզերում, համագործակցելով նորարար թվային գործիքներով և այլն», – ասաց IDBank-ի Վարչության նախագահ Մհեր Աբրահամյանը։

Դեռևս տարիներ առաջ IDBank-ը գործարկել է բիզնեսների համար բջջային հավելվածը՝ IDBusiness Mobile հավելվածը, որտեղ բիզնեսների համար հասանելի են գրեթե բոլոր ֆինանսական ծառայությունները։

Վերջերս էլ Բանկը ներկայացրեց իր բոլորովին նոր և բացառիկ ֆինանսական գործիքը՝ IDDistributor-ը։

«Գործիքի միջոցով մատակարարման պահին կազմակերպության առաքիչը IDDistributor հավելվածում մուտքագրում է վճարման համար անհրաժեշտ տվյալները, ձևավորում QR-կոդ, իսկ առևտրային կետը IDBusiness Mobile հավելվածով սքանավորում է այն և կատարում վճարումը ինչպես իր կազմակերպության՝ IDBank-ի հաշիվներին առկա դրամական միջոցներից, այնպես էլ նորարարական Rocket Distributor վարկային սահմանաչափով:           

Վճարումը կատարվում է ակնթարթորեն, և գումարն անմիջապես փոխանցվում է մատակարար ընկերության բանկային հաշվին՝ հասանելի դառնալով մատակարար կամ արտադրող ընկերությանը և ապահովելով գործընթացների արագությունն ու անխափանությունը», – նշեց IDBank-ի Վարչության նախագահ Մհեր Աբրահամյանը։

Բանկը մասնակցում էր նաև համաժողովի «Բանկերը և բիզնեսը Վանաձորում» խորագրով էքսպոյին, որտեղ մասնակիցները հնարավորություն ունեցան ծանոթանալու բանկերի ֆինանսավորման ծրագրերին, անմիջական շփում ունենալ ոլորտի ներկայացուցիչների հետ և քննարկել իրենց բիզնեսի զարգացման հնարավորությունները։

ԲԱՆԿԸ ՎԵՐԱՀՍԿՎՈՒՄ Է ՀՀ ԿԲ ԿՈՂՄԻՑ

IDBank-ը և Idram-ը ֆինանսական գրագիտության դասընթաց են անցկացրել Լոռու մարզի երեխաների համար (ՎԻԴԵՈ)

ԵՐԵՎԱՆ, 7 ապրիլի ․/ԱՌԿԱ/․ IDBank-ի և Իդրամի կողմից Լոռու մարզի Վահագնի և հարակից գյուղերում բնակվող երեխաների համար անցկացվել է ֆինանսական գրագիտության դասընթաց։ Այն հնարավորություն տվեց 60 երեխաների և պատանիների ստանալ խորքային գիտելիքներ ֆինանսական ոլորտի, խնայողությունների և ֆինանսական պատասխանատու վարքագծի վերաբերյալ։

 «Մաթեմիկ» հասարակական-կրթական կազմակերպությունը փետրվար ամսին ընտրվել էր որպես շահառու՝  «Մի դրամի ուժը»  նախաձեռնության շրջանակում։ Արդյունքում կազմակերպությանն էր փոխանցվել հավաքված 4․644․456 դրամը, որը հնարավորություն է տվել «Մաթեմիկ» ՀԿ-ին ընդլայնել իր ծրագրերը, մասնավորապես՝ շարունակել Կամավորի տան կառուցումը Վահագնի գյուղում, որտեղ հրավիրված տարբեր մասնագետներ կկարողանան սեմինարներ անցկացնել Վահագնիի և հարակից գյուղերի բնակիչների համար։

IDBank-ի և Իդրամի Հաղորդակցության և սոցիալական պատասխանատվության ծրագրերի վարչության ղեկավար Տաթևիկ Վարդևանյանի խոսքով՝ ինչպես Երևանում, այնպես էլ մարզերում ընկերությունները նպատակ ունեն բարձրացնել երեխաների ու պատանիների ֆինանսական և թվային գրագիտության ոլորտում իրազեկվածության մակարդակը․ «Հանդիպումն անցավ բավական արդյունավետ և ակտիվ միջավայրում։ Երեխաների շրջանում կա աճող հետաքրքրություն ֆինանսական ոլորտի նկատմամբ։ Սա մեզ համար մեծագույն շարժիչ ուժ է՝ շարունակելու նման նախաձեռնությունները», – ասաց Տաթևիկ Վարդևանյանը։

«Մաթեմիկ» ՀԿ-ի տնօրեն Տիգրան Առուշանյանը նշում է․ «Նման ծրագրերը կարևորագույն նշանակություն ունեն մեզ համար։ Մենք բարձր ենք գնահատում IDBank-ի և Իդրամի հետ հաստատված այս համագործակցությունը։ Սա սոցիալական պատասխանատվության վառ օրինակ է, որը մեզ հնարավորություն տվեց ոչ միայն շարունակել Կամավորի տան կառուցման աշխատանքները, այլ որպես հավելյալ արժեք՝ երեխաներին տալ ֆինանսական գրագիտության մասին հիմնարար գիտելիքներ»։

IDBank-ն ու Իդրամը շարունակում են «Ֆինանսապես գրագետ Իդրամի և IDBank-ի հետ» նախաձեռնությունը՝ նպատակ ունենալով նպաստել համայնքների զարգացմանն ու բնակչության շրջանում ֆինանսական և թվային գրագիտության տարածմանը։

ԸՆԿԵՐՈՒԹՅՈՒՆՆԵՐԸ ՎԵՐԱՀՍԿՎՈՒՄ ԵՆ ՀՀ ԿԲ ԿՈՂՄԻՑ