Category: Civic.am

Արցախի ՊԲ նախկին խոսնակ Սենոր Հասրաթյանի ֆեյսբուքյան գրառումը. «Եթե նկատել եք, գրառումներիս կից՝ սովորաբար (գիտակցված համառությամբ), գրեթե միշտ, տեղադրում եմ նաև իմ անձնական լուսանկարներից… Իսկ գիտե՞ք ինչու… Որովհետև սովորություն չունեմ որևէ մեկին անդուր թվացող, կամ, պարզապես, որևէ մեկի քիմքին անհարիր սեփական դեմքս թաքցնել այն համոզմունքից, որն արժանի է իմ լուսանկարին…
     Փորձեք, եթե ոչ պարբերաբար, ապա, գոնե, առիթից առիթից ներկայանալ ինչ-որ բան ասող ձեր դիմանկարով…
     Հավատացեք, դա մարդուն օգնում է հասկանալի դառնալ ոչ այնքան դիմացինին, որքան՝ ինքն իրեն…
     Հ.գ.-…Եվ վերջում, որպես հետգրություն, մի լուսանկարի մասին, որում պատկերված են սպարապետ Վազգեն Սարգսյանն ու ոչ անհայտ Անդրանիկ Քոչարյանը…
     Հետաքրքիր է, այն ժամանա՞կ էլ ոմանք կարող էին կարծել, թե «բարձրակարգ» տղաները բանակում չեն ծառայում»։

Տնտեսագետ Հրայր Կամենդատյանի ֆեյսբուքյան գրառումը․ «Ինչ ենք մենք առաջարկում արդյունաբերության բնագավառում։
     Արդյունաբերություն
     1.Ճյուղային նախարարության ստեղծում՝ համապատասխան ռազմավարական և մարտավարական օրակարգով և գործառույթներով: Նախարարության համակարգում կընդգրկվեն նաև մասնագիտացված գիտական հաստատություններ, ինչպես նաև կգործարկվի գիտության և արտադրության միջևկապ ապահովողհարթակ,
     2.Պետություն-մասնավոր հատված գործընկերության շրջանակում նորարարական տեխնոլոգիաների ներդրման գծով համատեղ ծրագրերի գործարկում,
     3.Վերամշակող արդյունաբերության տեսակարար կշռի հետևողական բարձրացում արդյունաբերության ընդհանուր կառուցվածքում,
     4.Արդյունաբերական հանգույցների ստեղծում՝տվյալ համայնքներում կլիմայական պայմաններով, միգրացիայով, ինչպես նաև գենդերային դիսբալանսով պայմանավորված բացասական երևույթների ազդեցության չեզոքացման նպատակով
     5.Պարապուրդի մատնված և սեփականաշնորհված ձեռնարկությունների վերագործարկման ծրագրերի դիտարկում,
     6.Արդյունաբերական ռեգիոնալ կլաստերների հիմնադրում,
     7. Քիմիական ձեռնարկությունների պետական ազգային ծրագրի ներդնում և քիմիական արդյունաբերության վերագործարկում,
     8.Նավթի, ապակու,պեռլիտի վերամշակման ճյուղերի զարգացում,
     9. Թեթև արդյունաբերությունը զարգացման ազգային ծրագրի ներդրում,
     10․ Ազգային սթարթափերի խրախուսում և դրանց միջազգային գրանցում,
     11.Մտավոր սեփականության,նոր օգտակար մոդելների գրանցում առևտրային համաշխարհային հարթակներում
     12. Արդյունաբերական ոլորտի զարգացման ծրագրերին տեղեկատվական ոլորտի կազմակերպությունների մասնակցության խրախուսում և համագործակցության շրջանակների պլանավորում»:

Երևանի ավագանու «Մայր Հայաստան» խմբակցության անդամ Արմենակ Դանիելյանը ֆեյսբուքյան իր էջում տեսանյութ է հրապարակել՝ կից գրելով․ «Երևանի քաղաքապետարանի ենթակայության տակ գործող «Երևանի ավտոբուս» ՓԲԸ-ում տիրող բարձիթողի վիճակի, շարժակազմերի անմխիթար ու անսարք վիճակով շահագործելու և թաքնված կոռուպցիայի մասին»։

«Երևանի քաղաքապետարանը «Երևան ավտոբուս»-ի համար դուրս է գրում գումարներ, սակայն չգիտես այդ գումարներն ինչ նպատակով են ծախսվում։ «Երևան ավտոբուս» ՓԲԸ-ի ավտոբուսները և Գազելներն անմխիթար վիճակում են գտնվում, տեխզննման արդյունքում խնդիրներ հայտնաբերվելուց հետո էլ շարունակում են շահագործվել, որի պատճառով վտանգում են թե իրենց, թե ուղևորների կյանքը։ Երբ վարորդները պահանջում են վերացնել խնդիրները, ասում են՝ չկա գումար։ Իսկ երբ վարորդներն ասում են՝ մեքենայի շարժիչի յուղը պետք է փոխարինվի, պատճառաբանում են, որ ֆիլտր չունեն։

Թանկացրեցին տրանսպորտը, սակայն չբարելավվեց վիճակը, նաև ավելի վատացրեցին վարորդների վիճակը՝ հիմա էլ պարտավորեցնելով վարորդներին ուղեվճարների հավաքագրումներն անել։ Ուզում եմ հիշեցնել, որ վարորդը հսկից չէ, վարորդը միան վարորդ է»,- մասնավորապես ասվում է տեսանյութում։