Author: Julbaz

Այսօր Հակակոռուպցիոն դատարանում տեղի է կունենա Սամվել Կարապետյանի գործով հերթական նիստը։ Նիստից առաջ ոստիկանական մեծաթիվ ուժեր են տեղակայվել դատարանի ճանապարհին և տարածքում։

Հիշեցնենք, որ առաջին նիստը ապրիլի 15-ին էր, որի ժամանակ պաշտպանները միջնորդել էին խափանման միջոցը վերացնել, իսկ դատախազը միջնորդել էր տնային կալանքի ժամկետը երկարաձգել ևս 3 ամսով։

«Մի հոգի կա, 63 երկրի քաղաքացի ա, ասում ա՝ ես վստահ եմ, որ դառնալու եմ վարչապետ։ Ուրեմն ինքը ո՛չ ընտրություններին մասնակցում ա, ո՛չ վարչապետի թեկնածու ա, ո՛չ պատգամավորի, բայց վստահ ա, որ հաղթելու ա»,- ԱԺ ելույթում ասաց վարչապետ Նիկոլ Փաշինյանը՝ շարունակելով․ «Մի անգամ հղում չեն անում ժողովրդին, մի հատ նախադասություն չկա, որ՝ մենք վստահ ենք, որ ժողովուրդը գալու ա՝ մեզ ընտրի»։

Լրագրող Ոսկան Սարգսյանը ֆեյսբուքյան էջում գրում է․ «Սամվել Կարապետյանի կալանքը երկարաձգելով՝ կասկածի տակ է դրվում ԱԺ ընտրությունների լեգիտիմությունը․
     Բոլրին էլ պարզ է, որ հունիսի 7-ի ընտրություններում Նիկոլ Փաշինյանի իշխանության, ՔՊ-ի գլխավոր մրցակիցը «ՈւԺեղ Հայաստան»-ն է։ Հնարովի մեղադրանքով Սամվել Կարապետյանին երկար ամիսներ կալանքի, ապա տնային կալանքի տակ պահելով՝ հունիսի 7-ի ԱԺ ընտրությունների լեգիտիմությունը կասկածի տակ է դրվում։ Դա նման է այն բանին, որ վազքի մրցումներից առաջ գլխավոր մրցակցիդ ոտքերը կապես, որ չկարողանա վազել, հաղթել։ Այսօր՝ ապրիլի 17-ին Հակակոռուպցիոն դատարանում Սամվել Կարապետյանի դեմ հարուցված քրեական գործով նիստ է նշանակված։ Պաշտպանական կողմը նրա խափանման միջոցը փոխելու միջնորդություն է ներկայացրել, իսկ դատախազը միջնորդել է 3 ամսով երկարաձգել տնային կալանքը: Դատավոր Վահե Դոլմազյանը պետք է կարողանա արդար որոշում կայացնել, արդարադատություն իրականացրել, որքան էլ դա դժվար լինի»։