Ռեփեր Քայնե Ուեսթի մուտքը Մեծ Բրիտանիա արգելվել է․ տեղեկացնում է BBC-ն։
«Ռեփերը նախատեսում էր ամռանը մասնակցել Լոնդոնում անցկացվող «Wireless» երաժշտական փառատոնին, բայց ըստ Մեծ Բրիտանիայի Ներքին գործերի նախարարության՝ նրա ներկայությունը կարող է վնասել «հանրության բարօրությանը»,- նշում է աղբյուրը։
Ապրիլի 7-ին՝ ժամը 16․14-ին, «Արմավիր» ԲԿ-ից Ոստիկանություն ահազանգ է ստացվել, որ վնասվածքներով բուժօգնության է տեղափոխվել Արմավիրի մարզի Շենիկ գյուղի 48-ամյա մի բնակիչ, որը մահացել է․ տեղեկացնում է ՆԳՆ Ոստիկանությունը։
«Պարզվել է, որ Արմավիրի մարզի Շենիկ գյուղում, ըստ նախնական տվյալների, մեքենան անկանոն վարելու հետ կապված վիճաբանություն է ծագել մի խումբ անձանց միջև, ինչի ընթացքում նույն համայնքի 41-ամյա բնակիչը իր անվամբ հաշվառված որսորդական հրացանով կրակել է համագյուղացու ուղղությամբ։
Անհետաձգելի օպերատիվ գործողությունների շնորհիվ կանխվել է 41-ամյա տղամարդու փախուստը հանրապետությունից։ Ոստիկանները «Զվարթնոց» միջազգային օդանավակայանում հայտնաբերել և ձերբակալել են Արմավիրի մարզի Շենիկ գյուղի 41-ամյա բնակչին։
Դեպքի բոլոր հանգամանքները պարզվում են։ Ձերբակալված անձն ու կազմված փաստաթղթերն ուղարկվում են նախաքննական մարմին»,- ասված է հաղորդագրությունում։
`
ՄԱԿ-ի Անվտանգության խորհրդի նիստում չի ընդունվել Բահրեյնի առաջարկած Հորմուզի նեղուցի մասին բանաձևը, քանի որ վետո են կիրառ ել Ռուսաստանն ու Չինաստանը․ գրում է РИА Новости-ն։
Նշենք, որ նախագիծը Հորմուզի նեղուցից օգտվող երկրներին կոչ էր անում գործակցել պաշտպանական միջոցառումների շուրջ՝ ապահովելով նավարկության անվտանգությունն ու նեղուցի ամբողջական ապաշրջափակումը։
Հիշեցնենք, որ Թեհրանն օրեր առաջ էր հայտարարել՝ նեղուցով կարող են անցնել այն երկրների նավերը, որ Իրանին թշնամի չեն համարում։
ՄԱԿ-ում Իրանի մշտական ներկայացուցիչն ասել է, որ Թեհրանը կտրականապես մերժում է ժամանակավոր զինադադար հաստատելու գաղափարը․ գրում է ТАСС-ը։
Նշվում է, որ Իրանը կիրագործի անհրաժեշտ բոլոր քայլերը՝ ժողովրդի անվտանգությունն ու երկրի տարածքային ամբողջությունը պաշտպանելու համար
«Պաշտոնական Թեհրանը հնարավոր հետևանքների ամբողջ պատասխանատվությունը դնում է ԱՄՆ-ի և Իսրայելի վրա»,- գրում է աղբյուրը։
Բրիտանական «Environmental Research Letters» ամսագիրը գրում է, որ Երկրի բնակչության թիվը սկսել է գերազանցել մոլորակի հնարավորությունները։
Նոր հետազոտությամբ՝ 21-րդ դարի երկրորդ կեսին բնակչության առավելագույն թիվը կարող է հասնել 11-12 միլիարդ մարդու։
«Իսկ մեծացնելու է գլոբալ տաքացման վտանգն ու բացասաբար ազդի էկոհամակարգերի վրա։ Որպեսզի այդ ամենը չունենա կործանարար հետևանք, ըստ տարբեր հաշվարկների, Երկրի վրա նվազագույնը 2․5 մլրդ պակաս մարդ պետք է բնակվի»,- գրում է ТАСС-ը։
Նորին Սրբություն Արամ Ա Վեհափառ Հայրապետին են այցելել «Ընկերվար առաջադիմական» կուսակցության քաղաքական գրասենյակի ներկայացուցիչները, գլխավորությամբ Ուալիտ Ջոնբլաթի որդի՝ Թեյմուր Ջոնպլաթի, ով միաժամանակ կուսակցության նախագահն է․ տեղեկացնում են Կիլիկիո կաթողիկոսարանից։
«Հանդիպմանը ներկա էին նաև Աքրամ Շիայեպն ու Ուաէլ Ապու Ֆաուրը, ինչպես նաև Լիբանանի խորհրդարանի հայկական մասի ներկայացուցիչ Հակոբ Բագրատունին։
Մոտ մեկ ժամ տևած հանդիպումը հնարավորություն տվեց քննարկել Լիբանանին առնչվող ներքին և արտաքին դժվարությունները և մարտահրավերները։ Նորին Սրբությունն իր տեսակետը ներկայացրեց ներկայիս իրավիճակի մասին՝ շեշտելով ներքին միությունը պահպանելու առաջնահերթ կարևորությունը։ Հակոբ Բագրատունին իր հերթին ընդգծեց քաղաքական երկխոսության միջոցով համայնքներն ու կուսակցությունները միացնող հարթակը ամրապնդելու անհրաժեշտությունը»,- ասված է հաղորդագրությունում։