Category: BanksNews.am

Պետական եկամուտների կոմիտեն (ՊԵԿ) հրապարակել է 2026 թվականի առաջին կիսամյակի (հունվար-հունիս) Հայաստանի 1,000 խոշոր հարկ վճարողների ցուցանիշները։ BanksNews.am-ն ուսումնասիրելով ցանկը, պարզել է, որ տասնյակում տեղի են ունեցել նկատելի տեղաշարժեր ու դիրքային փոփոխություններ։

Ընդհանուր առմամբ, առաջին 10 խոշոր հարկատուները 2026 թ․ առաջին 6 ամիսներին պետական բյուջե են վճարել շուրջ 261.01 մլրդ դրամ։ Սա նախորդ տարվա նույն ժամանակահատվածի համեմատ (207.03 մլրդ դրամ) 26.08%-ով կամ 53.99 մլրդ դրամով ավելի է։

Առաջատարների տասնյակը

Զանգեզուրի պղնձամոլիբդենային կոմբինատ — 41.61 մլրդ դրամ (+104.24% կամ +21.24 մլրդ դրամ)

Մոբայլ Սենթր Արթ — 38.16 մլրդ դրամ (+15.91% կամ +5.24 մլրդ դրամ)

Արդշինբանկ — 33.60 մլրդ դրամ (+20.16% կամ +5.64 մլրդ դրամ)

Գազպրոմ Արմենիա — 31.50 մլրդ դրամ (+12.34% կամ +3.46 մլրդ դրամ)

Գրանդ Տոբակո — 28.95 մլրդ դրամ (-4.96% կամ -1.51 մլրդ դրամ)

Ամերիաբանկ — 22.15 մլրդ դրամ (+3.50% կամ +0.75 մլրդ դրամ)

Դիջիթեյն — 17.91 մլրդ դրամ (+62.38% կամ +6.88 մլրդ դրամ)

Սոֆթ Կոնստրակտ — 17.49 մլրդ դրամ (+76.20% կամ +7.57 մլրդ դրամ)

Կապանի լեռնահարստացման կոմբինատ — 15.71 մլրդ դրամ (+52.24% կամ +5.39 մլրդ դրամ)

ԻՄՎԲԱՄ (նախկին Wildberries) — 13.92 մլրդ դրամ (+72.63% կամ +5.86 մլրդ դրամ)

Ոլորտային բաշխվածությունը

Top-10-ում ոլորտները բաշխվել են հետևյալ կերպ.

2-ական ընկերություն՝ Հանքարդյունաբերություն, Բանկային համակարգ, Տեղեկատվական տեխնոլոգիաներ (IT)։

1-ական ընկերություն՝ Էլեկտրոնիկայի վաճառք, Էներգետիկա, Ծխախոտագործություն, Առցանց առևտուր։

Հիմնական միտումներն ու եզրակացությունները

Նախկին առաջատարը զիջել է դիրքերը․ 2025 թվականի առաջին կիսամյակի առաջատար «Մոբայլ Սենթր Արթ»-ը, չնայած վճարած հարկերի ծավալի աճին (38.16 մլրդ դրամ), նահանջել է 2-րդ հորիզոնական։

Հետնապահների թռիչքը դեպի առաջատար դիրքեր․ 2025-ի առաջին կիսամյակում 6-րդ տեղում գտնվող Զանգեզուրի պղնձամոլիբդենային կոմբինատը, հարկային մուտքերն ավելի քան կրկնապատկելով (+104.24%), վստահորեն գլխավորել է ցուցակը։ Նմանօրինակ տպավորիչ աճ է գրանցել նաև ԻՄՎԲԱՄ-ը (Wildberries), որը 19-րդ հորիզոնականից բարձրացել է Top-10՝ եզրափակելով տասնյակը։

ՏՏ և էլեկտրոնային առևտրի շեշտակի աճ․ Տեխնոլոգիական և առցանց տիրույթի ընկերությունները (Դիջիթեյն, Սոֆթ Կոնստրակտ, ԻՄՎԲԱՄ) ցույց են տվել աճի ամենաբարձր տեմպերից մեկը (60%-ից մինչև 76%), ինչը վկայում է տնտեսության մեջ թվային ոլորտի կշռի շարունակական ընդլայնման մասին։

Բացասական դինամիկայով միակ ընկերությունը․ Առաջատար տասնյակում միակ ընկերությունը, որի վճարած հարկերը նախորդ տարվա համադրելի ցուցանիշի համեմատ նվազել են, «Գրանդ Տոբակոն» է (-4.96%), ինչի պատճառով ընկերությունը 2-րդ տեղից նահանջել է 5-րդ հորիզոնական։

Որքա՞ն հարկ են վճարել 1000 խոշոր հարկ վճարողները առաջին կիսամյակում

Բաժանորդագրվեք մեր ալիքին Telegram-ում

Հուլիսի 28-ին ներկայացված տարադրամի փոխարժեքները կանխիկ գործարքների համար հետևյալն են.

ԱՄՆ դոլարի առքի առավելագույն արժեք է սահմանվել 364 դրամը, վաճառքի նվազագույն արժեք՝ 367 դրամը:

ԱՄՆ դոլարի առքի միջինացված արժեք է սահմանվել 362.97 դրամը, վաճառքի միջին փոխարժեք՝ 368.26 դրամը:

Եվրոյի առքի առավելագույն արժեք է սահմանվել է 411.50 դրամը, վաճառքի նվազագույն արժեք՝ 418.5 դրամը:

Եվրոյի առքի միջինացված արժեք է սահմանվել 410.5 դրամ, վաճառքի միջին փոխարժեք՝ 422.41 դրամ:

Ռուսական ռուբլու առքի առավելագույն արժեք է սահմանվել 4.54 դրամը, վաճառքի նվազագույն արժեք՝ 4.75 դրամը:

Ռուսական ռուբլու առքի միջինացված արժեք է սահմանվել 4.42  դրամը, վաճառքի միջին արժեք՝ 4.81 դրամը:

Բանկերի, փոխանակման կետերի, վարկային կազմակերպությունների ներկայացրած փոխարժեքների վերաբերյալ մանրամասն տեղեկատվությունն՝ այստեղ:

Բաժանորդագրվեք մեր ալիքին Telegram-ում

Բրենդը ընկերության համար նույնն է, ինչ հեղինակությունը մարդու համար։ Դուք հեղինակություն եք ձեռք բերում՝ փորձելով դժվար բաները լավ անել։

Ջեֆ Բեզոս, Amazon-ի հիմնադիր և գործադիր տնօրեն

Ռիսկը կայսրությունների անկյունաքարն է։

 Էստի Լաուդեր, ձեռնարկատեր և Estée Lauder-ի համահիմնադիր

Արդյունավետ փոփոխությունը գործնականում անհնար է առանց արդյունաբերական համագործակցության, հաղորդակցության և կոնսենսուսի:

Սայմոն Մեյնվարինգ, առաջատար գլոբալ խոսնակ, We First-ի գործադիր տնօրեն և բեսթսելլերների հեղինակ

Կարծում եմ՝ բիզնեսի պարզ կանոնն այն է, որ եթե դուք նախ անեք ամենահեշտ բանը, կարող եք մեծ առաջընթաց գրանցել:

Մարկ Ցուկերբերգ, Facebook-ի գործադիր տնօրեն և համահիմնադիր

Առաջնորդը նախկինում ղեկավար էր։ Այսօրվա առաջնորդները պետք է գործընկերներ լինեն իրենց մարդկանց հետ… նրանք այլևս չեն կարող առաջնորդել միայն դիրքորոշման հեղինակությունից ելնելով:

Քեն Բլանշարդ, հեղինակ և մոտիվացիոն խոսնակ

Հնարավորություններից օգտվելու համար դուք պետք է վստահ զգաք կամ գոնե ձևացնեք, որ վստահ եք։ Սա կլիշե է, բայց հնարավորությունները հազվադեպ են առաջարկվում. դրանք օգտագործվում են:

Շերիլ Սանդբերգ, Facebook-ի բիզնես գործադիր տնօրեն և գործառնական տնօրեն

Ընդունեք այն, ինչ չգիտեք, հատկապես սկզբում, քանի որ դա կարող է լինել ձեր ամենամեծ ակտիվը։ Դա ապահովում է, որ դուք գործերը անեք այլ կերպ, քան մյուսները:

Սառա Բլեյքլի, ձեռնարկատեր և Spanx-ի հիմնադիր

Գլխավորը ձեր ժամանակացույցը առաջնահերթ համարելը չէ, այլ ձեր առաջնահերթությունները ժամանակացույց կազմելը:

Սթիվեն Քովի, ուսուցիչ և հեղինակ

Խնդիրները պարգևներ են, որոնք մեզ ստիպում են գտնել նոր ծանրության կենտրոն։ Մի՛ պայքարեք դրանց դեմ։ Պարզապես գտեք նոր ճանապարհ՝ կանգնելու համար:

Օփրա Ուինֆրի, թոք-շոուի հաղորդավար և մեդիա մագնատ

Ես ունեմ մի տեսություն, և ես իսկապես հավատում եմ դրան։ Կարծում եմ, որ ձեր ամենամեծ թուլությունը կարող է լինել ձեր ամենամեծ ուժը:

Բարբարա Կորկորան, ձեռնարկատեր և ABC ռեալիթի շոուի «շնաձուկ»

Համբերությունն անհամբերությունը թաքցնելու արվեստն է:

Գայ Կավասակի, մարքեթինգի ղեկավար և ռիսկային կապիտալիստ Սիլիկոնյան հովտում

Եթե սկսեք մտածել, որ միայն կարևորագույն կետերն են կարևոր, ժամանակի մեծ մասում ձեզ կզգաք ձախողված:

Քրիս Հադֆիլդ, Կանադայի տիեզերական գործակալության նախկին տիեզերագնաց

Բաժանորդագրվեք մեր ալիքին Telegram-ում

Աշխարհի ամենահարուստ ընտանիքները տասնամյակների, իսկ որոշ դեպքերում՝ դարերի ընթացքում ստեղծել են հսկայական բիզնես կայսրություններ։ Նրանց կարողությունը հիմնված է մանրածախ առևտրի, էներգետիկայի, նորաձևության, սննդի, ներդրումների և արդյունաբերության ոլորտներում գործող խոշոր ընկերությունների վրա։

Ըստ միջազգային ֆինանսական վերլուծությունների և հեղինակավոր վարկանիշների, աշխարհի ամենահարուստ ընտանիքների ընդհանուր կարողությունը գերազանցում է 1,5 տրիլիոն ԱՄՆ դոլարը։

1. Ուոլթոնների ընտանիք (Walton Family)

Մոտավոր կարողություն՝ ավելի քան 430 միլիարդ ԱՄՆ դոլար

Ուոլթոնների ընտանիքը համարվում է աշխարհի ամենահարուստ ընտանիքը։ Նրանց հարստության հիմքում Walmart-ն է՝ աշխարհի խոշորագույն մանրածախ առևտրային ցանցը, որն ունի ավելի քան 10 000 խանութ և միլիոնավոր հաճախորդներ ամբողջ աշխարհում։

2. Ալ Նահյանների ընտանիք (Al Nahyan Family)

Մոտավոր կարողություն՝ շուրջ 320 միլիարդ ԱՄՆ դոլար

Աբու Դաբիի իշխող Ալ Նահյանների ընտանիքի կարողությունը ձևավորվել է նավթագազային արդյունաբերության, պետական ներդրումային հիմնադրամների, անշարժ գույքի և միջազգային ներդրումների շնորհիվ։

3. Հերմեսի ընտանիք (Hermès Family)

Մոտավոր կարողություն՝ ավելի քան 170 միլիարդ ԱՄՆ դոլար

Hermès նորաձևության տան ժառանգները շարունակում են վերահսկել աշխարհի ամենահայտնի լյուքս բրենդներից մեկը։ Ընկերությունը հայտնի է բացառիկ պայուսակներով, ժամացույցներով, օծանելիքով և այլ շքեղ ապրանքներով։

4. Մարսների ընտանիք (Mars Family)

Մոտավոր կարողություն՝ շուրջ 160 միլիարդ ԱՄՆ դոլար

Mars ընտանիքը հանդիսանում է համաշխարհային սննդարդյունաբերության առաջատարներից մեկի սեփականատերը։ Ընկերության արտադրանքի շարքում են Mars, Snickers, Twix, M&M’s, Pedigree և բազմաթիվ այլ հայտնի ապրանքանիշեր։

5. Քոխների ընտանիք (Koch Family)

Մոտավոր կարողություն՝ ավելի քան 145 միլիարդ ԱՄՆ դոլար

Koch ընտանիքի կարողությունը կապված է Koch Industries ընկերության հետ, որը գործունեություն է ծավալում էներգետիկայի, քիմիական արդյունաբերության, արտադրության և լոգիստիկայի ոլորտներում։

6. Ալ Սաուդների ընտանիք (House of Saud)

Մոտավոր կարողություն՝ ավելի քան 140 միլիարդ ԱՄՆ դոլար

Սաուդյան Արաբիայի թագավորական ընտանիքը համարվում է աշխարհի ամենահարուստ արքայական ընտանիքներից մեկը։ Նրանց ակտիվները ներառում են ներդրումներ, անշարժ գույք և բաժնեմասեր նավթային ու ֆինանսական ոլորտներում։

7. Ամբանիների ընտանիք (Ambani Family)

Մոտավոր կարողություն՝ ավելի քան 100 միլիարդ ԱՄՆ դոլար

Հնդկաստանի ամենահարուստ ընտանիքի կարողությունը ձևավորվել է Reliance Industries ընկերության միջոցով, որն աշխատում է նավթավերամշակման, հեռահաղորդակցության, մանրածախ առևտրի և թվային ծառայությունների ոլորտներում։

8. Թոմսոնների ընտանիք (Thomson Family)

Մոտավոր կարողություն՝ շուրջ 90 միլիարդ ԱՄՆ դոլար

Կանադական Thomson ընտանիքը վերահսկում է Thomson Reuters մեդիա և տեղեկատվական ընկերությունը, որը համաշխարհային առաջատարներից է ֆինանսական տվյալների և լրատվության ոլորտում։

9. Վերտհայմերների ընտանիք (Wertheimer Family)

Մոտավոր կարողություն՝ ավելի քան 85 միլիարդ ԱՄՆ դոլար

Ֆրանսիական Wertheimer ընտանիքը Chanel նորաձևության տան հիմնական սեփականատերերից է։ Chanel-ը շարունակում է մնալ աշխարհի ամենաթանկ և ամենահայտնի լյուքս ապրանքանիշերից մեկը։

10. Քարգիլ-ՄաքՄիլանների ընտանիք (Cargill–MacMillan Family)

Մոտավոր կարողություն՝ շուրջ 70 միլիարդ ԱՄՆ դոլար

Այս ընտանիքը վերահսկում է Cargill ընկերությունը, որը գյուղատնտեսության, սննդի արտադրության և հումքային առևտրի ոլորտում գործող աշխարհի խոշորագույն մասնավոր ընկերություններից մեկն է։

Ի՞նչն է միավորում այս ընտանիքներին

Նրանց հաջողության հիմքում մի քանի ընդհանուր գործոններ են.

• սերնդեսերունդ փոխանցվող բիզնեսի կառավարում,
• ներդրումների արդյունավետ ռազմավարություն,
• գործունեության միջազգային ընդլայնում,
• ակտիվների դիվերսիֆիկացում,
• նորարարությունների և տեխնոլոգիաների ներդրում,
• երկարաժամկետ ֆինանսական պլանավորում։

Աշխարհի ամենահարուստ ընտանիքները վերահսկում են հազարավոր ընկերություններ, ստեղծում միլիոնավոր աշխատատեղեր և զգալի ազդեցություն ունեն միջազգային ֆինանսական շուկաների վրա։ Նրանց ձեռնարկությունները գործում են մանրածախ առևտրի, էներգետիկայի, նորաձևության, սննդի, մեդիայի, հեռահաղորդակցության և արդյունաբերության ոլորտներում։

Փորձագետների կարծիքով՝ խոշոր ընտանեկան բիզնեսները շարունակում են մնալ համաշխարհային տնտեսության կարևոր շարժիչ ուժերից մեկը՝ ապահովելով երկարաժամկետ ներդրումներ, նորարարական զարգացումներ և կայուն տնտեսական աճ։

 

Բաժանորդագրվեք մեր ալիքին Telegram-ում

Մոսկվայում խոշոր ընկերության թոփ-մենեջերը, որի ամսական աշխատավարձը կազմել է շուրջ 800 հազար ռուբլի, ազատվել է աշխատանքից՝ ծառայողական գաղտնի տեղեկատվությունը չարտոնված կերպով արհեստական բանականության համակարգում մշակելու համար։
Տեղեկությունների համաձայն՝ աշխատակիցը չինական DeepSeek նեյրոցանց էր ներբեռնել ընկերության գաղտնի տվյալներ, ինչպես նաև ծառայողական փաստաթղթեր ուղարկել էր իր անձնական էլեկտրոնային հասցեին։ Ղեկավարությունը հայտնաբերել է կանոնների խախտումը և նրան ազատել աշխատանքից՝ առևտրային գաղտնիքի բացահայտման հիմքով։
Նախկին աշխատակիցը փորձել է դատարանում բողոքարկել գործատուի որոշումը, սակայն դատարանը մերժել է հայցը՝ ուժի մեջ թողնելով աշխատանքից ազատման որոշումը։

Բաժանորդագրվեք մեր ալիքին Telegram-ում

Երևանը շարունակում է առերեսվել խցանումների խնդրին, որը ոչ միայն հոգեբանական, այլև տնտեսական ծանրաբեռնվածություն է առաջացնում վարորդների համար։

Ամառային ամիսներին իրավիճակը որոշ չափով թեթևացել է, սակայն սեպտեմբերին ակնկալվում է ծանրաբեռնվածության մակարդակի ավելացում։

Խցանումները հանգեցնում են ավելորդ վառելիքի ծախսի, մեքենաների արագ մաշվածության և վթարների աճի, ինչն էլ իր հերթին բարձրացնում է անձնական փոխադրամիջոցների պահպանման ընդհանուր արժեքը։

Դիտարկենք վիճակագրական տվյալները 2026թ․ հունիսին՝ նախորդ տարվա նույն ամսվա համեմատ․

• Անվադողերի գներն աճել են 0․5%։
• Դիզելային վառելիքի գները՝ 19%։
• Բենզինի գները՝ 10․5%։
• Քսանյութերի և համանման միջոցների գները՝ 1․9%։
• Տեխնիկական սպասարկման և նորոգման ծառայությունների գները՝ 9․2%։
• Վարորդական դասընթացների, թեսթերի և վարորդական իրավունքի վկայականների ծառայությունների գները՝ 3․6%։

Ընդհանուր առմամբ, անձնական փոխադրամիջոցների շահագործման գների աճը կազմել է 1․9%։

• Այս թվերը վկայում են, որ Երևանում մեքենա պահելը գնալով ավելի թանկ հաճույք է դառնում հատկապես վառելիքի և սպասարկման գների կտրուկ աճի պայմաններում։ Սա ոչ միայն ազդում է վարորդների անձնական բյուջեի, այլ նաև քաղաքային տնտեսության արդյունավետության վրա։

Բաժանորդագրվեք մեր ալիքին Telegram-ում

1000 խոշոր հարկ վճարողների կողմից 2026 թվականի հունվար-հունիս ամիսների ընթացքում պետական բյուջե ընդհանուր առմամբ վճարվել է ավելի քան 1 տրիլիոն 109 միլիարդ  895 միլիոն դրամ։ Պետական բյուջե է մուտքագրվել նախորդ տարվա նույն ցուցանիշից ավելի 123 միլիարդ 824 միլիոն դրամ․ նախորդ տարվա նույն ցուցանիշը կազմել է ավելի քան 986 միլիարդ 71 միլիոն դրամ:

Հարկային մարմին կատարված վճարումների գումարը կազմել է ավելի քան 939 միլիարդ 957 միլիոն դրամ․ պետական բյուջե է մուտքագրվել նախորդ տարվա նույն ցուցանիշից ավելի 120 միլիարդ 537 միլիոն դրամ։

Մաքսային մարմին կատարված վճարումների գումարը՝ ավելի քան 169 միլիարդ 938 միլիոն դրամ․ պետական բյուջե է մուտքագրվել նախորդ տարվա նույն ցուցանիշից ավելի 3 միլիարդ 286 միլիոն դրամ։

1000 խոշոր հարկ վճարողների վերաբերյալ ցանկը հասանելի է ՊԵԿ պաշտոնական կայքի «Տեղեկություն հարկ վճարողների վերաբերյալ» բաժնի «Հարկ վճարողների վերաբերյալ տեղեկատվական ցանկեր» ենթաբաժնում:

ՀՀ նոր առևտրային ռազմավարության արդյունքում առանձնակի դերակատարում կարող է ստանալ Ադրբեջանը, որտեղից արդեն մի քանի անգամ վառելիք է ներմուծվում։ Ադրբեջանից ներկրումները թեև բերում են որոշակի գների նվազման, էական անկումներ, սակայն, չեն արձանագրվում։

Վարորդներն այնքան էլ չեն զգում վառելիքի գների անկումը, իսկ վիճակագրական տվյալները ցույց են տալիս; փոփոխությունը 2026թ․ տվյալ ամսում նախորդ տարվա նույն ամսվա համեմատ․

2026թ․ մայիսին բենզինի գների աճը կազմել է 8․9%, դիզելային վառելիքի պարագայում՝ 17․1%։

Հաջորդիվ դիտարկենք վառելիքի գների փոփոխությունը նախորդ ամսվա համեմատ․

Վիճակագրական տվյալների համաձայն՝ 2026թ․ մայիսին նախորդ ամսվա համեմատ բենզինի գների աճը կազմել է 2․9%, որը էականորեն դանդաղել է ապրիլ ամսվա համեմատ։

Դիզելային վառելիքի գների աճը կազմել է 6%, որը կրկին դանդաղել է ապրիլ ամսին արձանագրված արդյունքի համեմատ։

Բաժանորդագրվեք մեր ալիքին Telegram-ում

Արհեստական բանականության ոլորտում կարող է կնքվել վերջին տարիների ամենախոշոր ֆինանսական գործարքներից մեկը։ Reuters-ի հաղորդմամբ՝ Nvidia-ն բանակցություններ է վարում OpenAI-ի հետ՝ շուրջ 250 միլիարդ դոլարի տվյալների կենտրոնների նախագծերի ֆինանսավորման երաշխիքներ տրամադրելու շուրջ։
Նախագիծը նպատակ ունի արագացնել նոր սերնդի AI ենթակառուցվածքների ստեղծումը, որոնք կբավարարեն խոշոր լեզվային մոդելների և ամպային ծառայությունների աճող պահանջարկը։ Փորձագետների գնահատմամբ՝ նման ներդրումները կարող են էականորեն փոխել տվյալների կենտրոնների համաշխարհային շուկան և մեծացնել կիսահաղորդիչների պահանջարկը։
Վերլուծաբանները նշում են, որ AI ոլորտում կապիտալ ծախսերը շարունակում են աճել աննախադեպ տեմպերով, իսկ տեխնոլոգիական ընկերությունները մրցում են հաշվարկային հզորությունների ընդլայնման համար։

Բաժանորդագրվեք մեր ալիքին Telegram-ում

Հուլիսի 27-ին ներկայացված տարադրամի փոխարժեքները կանխիկ գործարքների համար հետևյալն են.

ԱՄՆ դոլարի առքի առավելագույն արժեք է սահմանվել 364 դրամը, վաճառքի նվազագույն արժեք՝ 366 դրամը:

ԱՄՆ դոլարի առքի միջինացված արժեք է սահմանվել 362.52 դրամը, վաճառքի միջին փոխարժեք՝ 367.79 դրամը:

Եվրոյի առքի առավելագույն արժեք է սահմանվել է 412 դրամը, վաճառքի նվազագույն արժեք՝ 416.5 դրամը:

Եվրոյի առքի միջինացված արժեք է սահմանվել 410.38 դրամ, վաճառքի միջին փոխարժեք՝ 421.79 դրամ:

Ռուսական ռուբլու առքի առավելագույն արժեք է սահմանվել 4 դրամը, վաճառքի նվազագույն արժեք՝ 4.48 դրամը:

Ռուսական ռուբլու առքի միջինացված արժեք է սահմանվել 3.71  դրամը, վաճառքի միջին արժեք՝ 4.68 դրամը:

Բանկերի, փոխանակման կետերի, վարկային կազմակերպությունների ներկայացրած փոխարժեքների վերաբերյալ մանրամասն տեղեկատվությունն՝ այստեղ:

Բաժանորդագրվեք մեր ալիքին Telegram-ում