Category: Civic.am

ՀՀ Շուկայի վերահսկողության տեսչական մարմնի կողմից իրականացվող վերահսկողական միջոցառումների շրջանակում, քաղաքացու դիմումի հիման վրա, Երևան քաղաքի Ռուբինյանց 41/1 հասցեում գործող՝ «ԴԱՎՈ ՕԻԼ» ՍՊԸ-ին պատկանող լցակայանում իրականացվել են ստուգումներ։

Տեսչական մարմնից հայտնում են՝ վերահսկողական միջոցառումների արդյունքում արձանագրվել է, որ տնտեսվարող սուբյեկտը շահագործում է չստուգաչափված չափիչ սարք, ինչպես նաև թերլիցքավորում՝ խախտելով չափագիտական կանոնների և նորմերի պահանջները։

Արձանագրված խախտումների հիմքով կասեցվել է լցակայանում հեղուկ գազի վաճառքը՝ մինչև խախտումների վերացումը։

Տնտեսվարող սուբյեկտը կենթարկվի վարչական պատասխանատվության՝ օրենքով սահմանված կարգով։

ՀՀ Շուկայի վերահսկողության տեսչական մարմինը սպառողներին հորդորում է զերծ մնալ նշված լցակայանից լիցքավորում իրականացնելուց, քանի որ վերջին ամիսների ընթացքում նույն տնտեսվարողի մոտ` տարբեր հասցեներում, բազմիցս արձանագրվել են թերլիցքավորման դեպքեր։

Հաշվի առնելով դիտված և կանխատեսվող եղանակային պայմանները, ինչպես նաև մասնագիտացված ագրոօդերևութաբանական հաշվարկների արդյունքները՝ խաղողի վազի մասսայական ծաղկումը սպասվում է մայիսի 27-31-ն ընկած ժամանակահատվածում։

Այս մասին հայտնում են Հիդրոօդերևութաբանության և մոնիթորինգի կենտրոնից։

Հիդրոօդերևութաբանության և մոնիթորինգի կենտրոնը ներկայացրել է քաղաքների մթնոլորտային օդում փոշու պարունակությունը մայիսի 2-8-ը։

Մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան.

Վանաձոր քաղաքում՝

-Ծատուրյան փողոցի հարակից տարածք՝ մայիսի 2-3-ը, 5-ին և 7-ին,

-Վարդանանց փողոցի հարակից տարածք՝ մայիսի 6-ին,

-Հերացի փողոցի հարակից տարածք՝ չի գերազանցել։

Ալավերդի քաղաքում՝

-Սայաթ-Նովա փողոց՝ մայիսի 2-ին,

-Դեբեդի փողոցի հարակից տարածք՝ չի գերազանցել։

-Սանահին սարահարթ՝ չի գերազանցել։

Փարպեցի փողոցում տեղի ունեցած խուլիգանության դեպքի վերաբերյալ ՆԳՆ ոստիկանությունից 1lurer.am-ին հայտնում են, որ Ոստիկանությունը ձեռնարկում է միջոոցառումներ՝ դեպքի բոլոր հանգամանքները պարզելու ուղղությամբ։

«Տուժած անձինք չկան»,- տեղեկացնում են Ոստիկանությունից։

Ավելի վաղ լրատվամիջոցները հայտնել էին այսօր Երևանի Փարպեցի փողոցում տեղի ունեցած վիճաբանության, ապա՝ դրան հաջորդած կրակոցների մասին:

Երևան քաղաքում մայիսի 16-ի ցերեկը, 17-21-ը ժամանակ առ ժամանակ սպասվում է կարճատև անձրև և ամպրոպ, ամպրոպի ժամանակ սպասվում է նաև քամու ուժգնացում՝ 17-20 մ/վ արագությամբ։

Հանրապետության տարածքում մայիսի 16-ի ցերեկը, 19-ին՝ ժամանակ առ ժամանակ, շրջանների զգալի մասում, 17-18-ը և 20-21-ը առանձին շրջաններում սպասվում է անձրև և ամպրոպ, տեղ-տեղ հնարավոր է նաև կարկուտ:

Քամին՝ արևմտյան, 2-5 մ/վ, ամպրոպի ժամանակ սպասվում է նաև քամու ուժգնացում՝ 18-23 մ/վ արագությամբ։

Օդի ջերմաստիճանը մայիսի 16-ի ցերեկը կնվազի ևս 3-5 աստիճանով, մայիսի 17-18-ի ցերեկային ժամերին աստիճանաբար նույնքան կբարձրանա։

«300 հազար ադրբեջանցիների» սուտ թեզով հնարավոր չէ վախեցնել ժողովրդին, չեն հաջողի. Հակոբյան