Category: Civic.am

Մամուլում շրջանառվող տեղեկատվությունը, թե, իբր, Պիրացետամ, Ամարիլ 4 մգ, Կորդարոն 200 մգ, Կո-Վամլոսետ 10/160/25, Միդոկալմ 150 մգ հաբեր, Անալգին և այլ դեղամիջոցներ առկա չեն դեղատներում, չի համապատասխանում իրականությանը: Այս մասին ֆեյսբուքյան իր էջում գրել է ՀՀ առողջապահության նախարարի խոսնակ Մարիամ Ծատրյանը:

«Գրառման մեջ տեղ գտած դեղերը հասանելի են ՀՀ դեղատներում: Մեկ անգամ ևս համոզվելու համար պատահականության սկզբունքով զանգահարեցինք «Ալֆա ֆարմ», «Վագա Ֆարմ», «Գեդեոն Ռիխտեր» և «Նատալի ֆարմ» դեղատներ:

Միաժամանակ, տեղեկացնում եմ, որ ներկայումս վերոնշյալ դեղերի նոր խմբաքանակ, ինչպես մշտապես, ներմուծվել են ՀՀ և գտնվում են մաքսազերծման փուլում:

Թվարկված դեղերը ներառված են պետության կողմից փոխհատուցվող դեղերի ցանկում`առողջության համընդհանուր ապահովագրության և հրապարակային օֆերտայի ցանկերում»,- գրել է նա:

ՆԳՆ ոստիկանությունից հայտնել են, որ մայիսի 11-ին տեղեկություններ են ստացվել, որ մայիսի 10-ին՝ ժամը 17։00-ի սահմաններում, Ստեփանավան քաղաքի բնակիչ երեք տղամարդկանց միջև Գյուլագարակ համայնքում գործող ռեստորաններից մեկում վիճաբանություն է տեղի ունեցել։

Պարզվել է, որ ալկոհոլ օգտագործելուց հետո 45 և 44 տարեկան տղամարդիկ վիճաբանել են համաքաղաքացու հետ, ձեռքերով հարվածներ հասցրել նրան՝ պատճառելով մարմնական վնասվածքներ։

Տղամարդիկ հայտնաբերվել և անմիջականորեն ծագած հիմնավոր կասկածի հիմքով ձերբակալվել են։ Նրանք կազմված փաստաթղթերի հետ ներկայացվել են Ստեփանավանի քննչական բաժին։

Նախաձեռնվել է քրեական վարույթ, հանգամանքները պարզվում են։

«Հայկական ժամանակ»-ի Ստեփանավանի աղբյուրները հայտնում են, որ վիճաբանությունը տեղի է ունեցել Գյուլագարակի «Հեքիաթներ» կոչվող ռեստորանում: Վիճաբանողներից երկուսը՝ Արսեն Գևորգյանը և Մանվել Չերքեզյանը, «Ուժեղ Հայաստան» կուսակցության համակիր-ակտիվիստներ են, իսկ երրորդ անձը՝ Ալբերտ Ղարաքեշիշյանը, եղել է նույն կուսակցության համակիր, իսկ այժմ փոխել է քաղաքական հայացքները և սատարում է «Քաղաքացիական պայմանագիր» կուսակցությանը:

Ըստ մեզ հասած տեղեկությունների՝ նրանք միասին ճաշել են նշված ռեստորանում, ապա Արսեն Գևորգյանը և Մանվել Չերքեզյանը վիճաբանել են Ալբերտ Ղարաքեշիշյանի հետ, ծեծել նրան՝ պատճառելով մարմանական վնասվածքներ:

Մեզ հասած տեղեկություններով՝ վերջիններս փորձել են կոծկել այս դեպքը, սակայն ոստիկանները օպերատիվ տվյալներով պարզել են դեպքի մանրամասները ու հայտնաբերել նրանց:

www.esc.vote կայքում արդեն բաց է քվեարկությունն այն երկրների համար, որոնք Եվրատեսիլին չեն մասնակցում:

Այցելեք www.esc.vote կայք (ձեր բանկային ու հեռախոսային քարտերը պետք է լինեն միջազգայնորեն ճանաչված), քվեարկեք Հայաստանի օգտին՝ առավելագույնը 10 քվե (եթե ցանկանում եք 10 ձայն տալ Հայաստանի պատվիրակին, ապա դա պետք է միանգամից անել՝ հաստատելուց առաջ ավելացնելով քվեների քանակը՝ մինչև 10):

Եվրատեսիլին չմասնակցող երկրներից կարող եք քվեարկել մինչև 2-րդ կիսաեզրափակիչի մեկնարկը, ինչպես նաև մրցութային ելույթներից հետո՝ բուն քվեարկության ժամանակ:

ԱԺ փոխխոսնակ Ռուբեն Ռուբինյանը «Ֆեյսբուք»-ի իր էջում տեսանյութ է հրապարակել՝ արձագանքելով «Ուժեղ Հայաստան» կուսակցության առաջնորդ Սամվել Կարապետյանի հայտարարությանը, թե դպրոց սարքելն ու ասֆալտ անելը «խելք չունենալու» մասին է խոսում:

Ըստ Ռուբինյանի՝ պետք էր բյուջեի գումարները «ուտել», դոլարային միլիոնատերեր դառնալ, ոչ թե դպրոց ու մանկապարտեզ սարքել:

«Էդ ի՜նչ թիթիզություն է»,- հեգնանքով արձագանքել է Ռուբինյանը:

«Սիրելի՛ օլիգարխներ, կլինի՞ մի միտք արտահայտեք, որը լիակատար հիմարություն չի լինի»,- հավելել է նա:

Առավել մանրամասն՝ տեսանյութում:

Կասկած ունեմ, որ Վանո Սիրադեղյանը՝ «շատ կարդացած, քիչ հասկացած» տողերը գրելիս նկատի է ունեցել Լևոն Տեր-Պետրոսյանին

Մեր հաշվարկը այն է, որ արևային էներգիայի այս տեմպով մեծ ատոմակայանի կարիք չունենք․ Փաշինյան