Category: Oragir.news

Թուրքիայի արտգործնախարար Հաքան Ֆիդանը սիրիացի իր գործընկերոջ՝ Ասադ Հասան ալ-Շիբանիի հետ հանդիպումից հետո հանդես է եկել համատեղ մամուլի ասուլիսով: Ֆիդանն ընդգծել է առկա ճգնաժամային իրավիճակներից դասեր քաղելու, ինչպես նաև ողջամտորեն գործելու անհրաժեշտությունը՝ հաշվի առնելով Իսրայելի կողմից բանակցությունները խաթարելու գործողությունները:

«Աշխարհի հասարակությունը հատկապես պետք է պատրաստ լինի Իսրայելի հնարավոր սաբոտաժային գործողություններին հակադարձելուն, ինչպես նաև այնպիսի արձագանք տալուն, որն անհրաժեշտ է»,- հավելել է նա:

Բացի այդ, վերջինս անդրադարձել է ԱՄՆ-Իսրայել և Իրան բախումների ֆոնին Թեհրանի և Մերձավոր Արևելքի պետությունների միջև առկա հարաբերություններին՝ հույս հայտնելով, որ այդ հարաբերությունները, հիմնվելով ավելի առողջ հիմքի վրա, կկարգավորվեն, ինչպես նաև տարածաշրջանում կձևավորվի անվտանգության ու խաղաղության նոր ճարտարապետություն:

«Որպես Թուրքիա մենք շարունակելու ենք այս գործընթացում ակտիվ դերակատարում ունենալ: Ես ևս մեկ անգամ ասում եմ՝ պատրաստ ենք ամեն կերպ մեր ներդրումն ունենալ»:

Բացի այդ, Թուրքիայի արտգործնախարարը խոսել է Իսրայելի կողմից Գազայում և Լիբանանում իրականացվող գործողության մասին՝ այն որակելով որպես «ցեղասպանություն»: «Իսրայելն այժմ Գազայում ընթացող ցեղասպանությունը տեղափոխում է Լիբանան»,- ասել է նա:

Ermenihaber

Ադրբեջանի նախագահ Իլհամ Ալիևն ընդունել է Թուրքիայի ներքին գործերի նախարար Մուստաֆա Չիֆթչիին:

Օրակարգում է եղել երկու պետությունների միջև առկա կապերն ու ռազմավարական համագործակցությունը:

Բաքվում կայացած հանդիպմանն ընդգծվել է, որ երկկողմ հարաբերությունները ընդլայնվել են բոլոր ոլորտներում, ինչպես նաև կարևորվել այդ համատեքստում համապատասխան կառույցների միջև արդյունավետ գործընկերությունը:

Թուրքական մամուլի համաձայն՝ կողմերը նշել են նաև, որ ներկայումս ընթացող համատեղ աշխատանքներն ամրապնդում են երկու պետությունների միջև առկա վստահությունն և կայունությունը: Ըստ այդմ նաև՝ Չիֆթչիի այցն Ադրբեջան միտված է երկրների հարաբերություններն էլ ավելի խորացնելուն:

Թուրքիայի և Ադրբեջանի միջև ռազմարդյունաբերության ոլորտում նոր համագործակցության մասին պայմանագիր է ստորագրվել, որը նպատակ ունի զարգացնել ռազմավարական կարողությունները և վերափոխել էկոհամակարգը: Այս մասին սոցիալական մեդիայում կատարած գրառմամբ տեղեկացրել է Թուրքիայի նախագահականի ռազմարդյունաբերության վարչության ղեկավար Հալուք Գյորգյունը:

«Ռազմարդյունաբերության մեջ ամբողջական էկոհամակարգային մեր մոտեցումն այժմ հասել է մի մակարդակի, որտեղ այն միջազգային ճանաչում ունի ոչ միայն հարթակի և արտադրանքի մշակման հնարավորությունների, այլև կորպորատիվ կառուցվածքի, կառավարման մոդելի և կայուն արդյունաբերականացման ըմբռնման առումով»,- նշել է նա:

Գրառման համաձայն՝ Թուրքիայի նախագահականի ռազմարդյունաբերության վարչության անունից փաստաթուղթը ստորագրել է վարչության ղեկավարի օգնական Հաքան Քարաթաշը, իսկ Ադրբեջանի ռազմարդյունաբերության նախարարության անունից՝ գերատեսչության ղեկավարի օգնական Հիդայեթ Ազիմովը:

Ermenihaber

Թուրքիայի և Ադրբեջանի միջև ռազմարդյունաբերության ոլորտում նոր համագործակցության մասին պայմանագիր է ստորագրվել, որը նպատակ ունի զարգացնել ռազմավարական կարողությունները և վերափոխել էկոհամակարգը: Այս մասին սոցիալական մեդիայում կատարած գրառմամբ տեղեկացրել է Թուրքիայի նախագահականի ռազմարդյունաբերության վարչության ղեկավար Հալուք Գյորգյունը:

«Ռազմարդյունաբերության մեջ ամբողջական էկոհամակարգային մեր մոտեցումն այժմ հասել է մի մակարդակի, որտեղ այն միջազգային ճանաչում ունի ոչ միայն հարթակի և արտադրանքի մշակման հնարավորությունների, այլև կորպորատիվ կառուցվածքի, կառավարման մոդելի և կայուն արդյունաբերականացման ըմբռնման առումով»,- նշել է նա:

Գրառման համաձայն՝ Թուրքիայի նախագահականի ռազմարդյունաբերության վարչության անունից փաստաթուղթը ստորագրել է վարչության ղեկավարի օգնական Հաքան Քարաթաշը, իսկ Ադրբեջանի ռազմարդյունաբերության նախարարության անունից՝ գերատեսչության ղեկավարի օգնական Հիդայեթ Ազիմովը:

Ermenihaber

«Հրապարակ» թերթը գրում է. «Ներսում առյուծ կտրած եւ Ռուսաստանի դեմ կատաղի պայքարի դուրս եկած ՀՀ պաշտոնյաները, պարզվում է՝ Ռուսաստանում կատու են դառնում եւ պատրաստ են մկան ծակը հազար թումանով առնել։

Փաշինյանի գլխավորած պատվիրակության՝ Մոսկվա ապրիլմեկյան այցի ընթացքում, երբ հայկական եւ ռուսական պատվիրակությունները սպասելիս են եղել ՌԴ նախագահի եւ Փաշինյանի ժամանմանը, ՌԴ արտգործնախարար Լավրովը խայթել է ՀՀ պաշտոնյաներին եւ հեգնախառն հարցրել՝ եկա՞ն ձեր ԵՄ հիբրիդային խմբերը եւ ո՞ւմ դեմ են պայքարում։ Ի դեպ, ռեպլիկի մի մասը տեղ է գտել նաեւ ռուսական լրատվամիջոցների ռեպորտաժներում, սակայն հայկական կողմի արձագանքը ներառված չէ։

Մեր աղբյուրներից տեղեկացանք, որ Լավրովին ափալ-թափալ տեղից արձագանքել է արտգործնախարար Միրզոյանը, որ շտապել է արդարանալ, թե ինքը տեղյակ չէ, իբր չի էլ հասկանում, թե ինչի մասին է Լավրովը հարցնում։ Մինչդեռ հենց Միրզոյանի նամակին ի պատասխան, ԵՄ արտաքին գործերի եւ անվտանգության քաղաքականության հարցերով բարձր ներկայացուցիչ Կայա Կալլասը հայտարարեց, որ ԵՄ-ն, ընտրություններին ընդառաջ, Հայաստան կուղարկի հիբրիդային արագ արձագանքման խումբ։

«Մեր հարեւանության ժողովրդավարական դիմադրողականության աջակցությունը մնում է կարեւոր։ Մենք չենք թողնի, որ Հայաստանը միայնակ դիմակայի արտաքին միջամտությանը։ Ճնշման տակ գտնվող ժողովրդավարությունները կարող են հույսը դնել Եվրոպայի վրա»,- նշել էր նա»

«Փաստ» օրաթերթը գրում է.

Հունիսի 7-ին տեղի կունենան Ազգային ժողովի նոր ընտրություններ: Սակայն նույնիսկ արդյունքների վերջնական ամփոփումից հետո գործող Ազգային ժողովն ու կառավարությունը դեռևս կշարունակեն պաշտոնավարել: Իսկ ե՞րբ կնշանակվի նոր վարչապետը, ե՞րբ կկայանա նորընտիր ԱԺ առաջին նիստը, և ե՞րբ կձևավորվի նոր կառավարությունը:

Ըստ Սահմանադրության, Հանրապետության նախագահը նորընտիր Ազգային ժողովի լիազորությունների ժամկետն սկսվելուց հետո անհապաղ վարչապետ է նշանակում Սահմանադրության 89-րդ հոդվածով սահմանված կարգով ձևավորված խորհրդարանական մեծամասնության ներկայացրած թեկնածուին: Այդ օրը կլինի նաև ԱԺ առաջին նիստը:

Սահմանադրագետ Վարդան Պողոսյանը «Փաստի» հետ զրույցում նշում է, որ Սահմանադրությունը հստակ նշում է, թե երբ են սկսվում և երբ են վերջանում Ազգային ժողովի լիազորությունները։ Այս գործող գումարման Ազգային ժողովը 2021 թվականի օգոստոսի 2-ին է սկսել իր աշխատանքները։ Հինգ տարին լրանում է 2026 թվականի օգոստոսի 2-ին։ Դա հստակ սահմանված է Սահմանադրության 90-րդ հոդվածի 2-րդ մասով՝ ԱԺ լիազորությունների ժամկետը սկսվում է նախորդ գումարման խորհրդարանի լիազորությունների ժամկետի ավարտման օրը։ Այսինքն, ԱԺ առաջին նիստը տեղի կունենա օգոստոսի 2-ին։ Ամենայն հավանականությամբ, նույն օրն էլ ՀՀ նախագահը կնշանակի վարչապետ:

Ի դեպ, քանի որ օգոստոսի 2-ը կիրակի է, հնարավոր է՝ նիստը կայանա և վարչապետ նշանակվի հաջորդ օրը՝ օգոստոսի 3-ին:
Ինչ վերաբերում է կառավարության ձևավորմանը, ապա, ըստ Սահմանադրության, այն կազմավորվում է վարչապետ նշանակվելուց հետո տասնհինգօրյա ժամկետում, այսինքն՝ առավելագույնը մինչև օգոստոսի 16-ը:

Պակիստանի արտաքին գործերի նախարարությունը վերջապես հաստատել է իրանական պատվիրակության ժամանումը՝ ԱՄՆ-ի հետ բանակցություններին մասնակցելու համար։

Թեհրանը պատրաստ է բանակցել, եթե ԱՄՆ-ն առաջարկի «իսկական համաձայնագիր»։ Սա նշանակում է, որ ԱՄՆ-ն կատարել է այն պայմանները, որոնք ի սկզբաներ ստանձնել էր, սակայն Իսրայելի պատճառով ամեն բան սրվեց: Խոսքն առաջին հերթին Լիբանանում հրադադարի, ապա` Իրանի սառեցված ակտիվները մասամբ ապասառեցնելու մասին է:

Ամեն դեպքում, Իրանը շարունակում է թերհավատորեն վերաբերվել բանակցություններին: «Մենք ունենք բարի կամք, բայց չունենք վստահություն», – ասել է Իրանի խորհրդարանի խոսնակ Մոհամմադ Բաղեր Ղալիբաֆը, ով արտգործնախարարի հետ միասին ներկայացնում է Իրանի պատվիրակությունը։

Այն, որ այս անգամ Ղալիբաֆն է բանակցային պատվիրակության ղեկավարը, շատ բան է ակնարկում:Արախչին, չնայած պատերազմի ժամանակ իրեն դրսեւորեց բավականին հստակ, բայց ամեն դեպքում ընկալվում է, որպես Իրանի իշխանությունների այն թեւի ներկայացուցիչը, որը հակված է Արեւմուտքի հետ կոմպրոմիսային լուծումների: Պատերազմը, իհարկե, որոշակիորեն փոխեց նաեւ այդ թեւի մոտեցումները, բայց մեկ է, իրանցի շատ փորձագետներ անվստահություն ունեն նրա հանդեպ: Իսկ ահա Ղալիբաֆը Իսլամական հեղափոխության պահապանների կորպուսի նախկին հրամանատարն է, ով հազիվ թե շեղվի ԻՊՀԿ-ի ընդհանուր կուրսից, որի կրողը, ի դեպ, նաեւ նույն ԻՊՀԿ-ական նոր Գերագույն առաջնորդն է: Ու Ղալիբաֆի կողմից իրանական պատվիրակության ղեկավարելու փաստն ինչպես արտաքին ուժերին, այնպես էլ` իրանական հանրությանն ուղղված այն մեսիջն է, որ Իրանն իր հիմնական պահանջներից շեղվող որեւէ զիջողության չի գնա:

Համենայնդեպս չմոռանանք, որ հենց Ղալիբաֆը պաշտոնապես հանդես այն վերջնագրով, որ ոչ մի բանակցություն էլ չի լինի, եթե չդադարեցվի Լիբիայում Իսրայելի հարձակումը եւ չապասառեցնեն իրանական միջոցները: Բացի այդ, մեկնելով Իսլամաբադ, Ղալիբաֆը հրապարակել էր Մինաբի դպրոցի վրա հարձակման ժամանակ զոհված երեխաների լուսանկարներով եւ նրանց դպրոցական պայուսակներով լուսանկար, որոնք նա իր հետ տարել էր բանակցություններին` «որպես ուղեկիցներ»։ Սա այն միանշանակ ազդակն է, որ իրանական պատվիրակությունը հանդես է գալիս նաեւ բոլոր նահատակների անունից, այն է` ամերիկյան կողմը որեւէ շեղում չպետք է սպասի:

Ամեն դեպքում, Իսլամաբադի բանակցությունները ընդամենը հերթական պատերազմը դադարեցնելուն միտված միջոցառում չէ: Սա շատ ավելի խորքային երեւույթ է, որից նախ` կախված է միլիոնավոր մարդկանց և համաշխարհային տնտեսության ճակատագիրը, ու հենց այս պահին: Հաջորդը, այս բանակցություններից մեծ չափով կախված է նաեւ, թե ինչ նոր համաշխարհային կառավարման համակարգ է ստեղծվում:

Այս մասին Փոխանցում է Իրավունք թերթը։

ՀՀ ԱԳ նախկին նախարար Վարդան Օսկանյանը գրում է․ «Հայաստանը շարժվում է դեպի վճռորոշ խորհրդարանական ընտրություններ՝ հունիսի 7-ին, և դրանց նշանակությունը դժվար է գերագնահատել։

Երկրի ողջ տարածքում զգացվում է հոգնածություն, հիասթափություն և դժգոհություն՝ ութ տարվա ընթացքում կուտակված ազգային ցնցումների, կորուստների, բոլոր տեսակի ձախողումների և ապագայի անորոշության հետևանքով։

Միևնույն ժամանակ, այս ընտրությունները տեղի են ունենում նոր քաղաքական միջավայրում, որտեղ արդեն ձևավորվել են մի շարք լուրջ և վստահելի ընդդիմադիր քաղաքական դաշինքներ, որոնք աչքի են ընկնում իրենց ծրագրերով, փորձով և կառավարման կարողությամբ։ Առանձին թե միասին՝ այս դաշինքները կարող են ապահովել խորհրդարանական հստակ մեծամասնություն։

Համենայնդեպս, այս իրականության պայմաններում ընդդիմության և հայ հասարակության նպատակը չպետք է լինի միայն այն, որ թույլ չտան, որպեսզի Փաշինյանը ստանա պարզ մեծամասնություն, այլ նաև այն, որ նրա կուսակցությունը չհաղթահարի նույնիսկ խորհրդարան մուտք գործելու նվազագույն շեմը։

Վերջիվերջո, այս ընտրությունները վերաբերում են հայ հասարակության իրական տրամադրությունները հստակ քաղաքական արդյունքի վերածելուն։ Պայմանները առկա են՝ դժգոհ ընտրազանգված, հիասթափված, հուսալքված ու նվաստացած հասարակություն, վստահելի ու հեռանկարային խաղաղության և զարգացման ծրագրեր, ինչպես նաև ընդհանուր գիտակցում, որ ներկա ընթացքը անընդունելի է։

Եթե հավաքական ընդդիմությունը և ընտրողները գործեն հստակությամբ և նպատակասլացությամբ, արդյունքը կարող է լինել ոչ միայն պարզ իշխանափոխություն, այլև արմատական ու լիարժեք քաղաքական վերակառուցում։

Իրոք, մեծ հնարավորություն կա ոչ միայն փոխել իշխանությունը, այլև մեկընդմիշտ փակել և հիշողությունից ջնջել մի փուլ, որը արդեն համարվում է երկրի ամենածանր և նվաստացուցիչ ժամանակը, և բացել նորը՝ հիմնված արժանապատվության, պատասխանատվության, կարողության և ազգային վերականգնման վրա»։

«Հայաստան» դաշինքը ներկայացրել է սոցիալ-տնտեսական և գյուղատնտեսական ծրագրի 10 հիմնական դրույթները․

«Աճող ընտանիք» մոդելի ներդրում. Երկրորդ երեխայից սկսած՝ յուրաքանչյուր հաջորդ երեխայի ծննդյան դեպքում եկամտահարկը կնվազի ևս 3%-ով։ Կվերականգնվի երիտասարդ ընտանիքների (մինչև 35 տարեկան) եկամտահարկի վերադարձի մեխանիզմը:

Աշխատանքային ստաժի ճանաչում. Տաքսու վարորդների և գյուղացիական տնտեսությամբ զբաղվողների գործունեությունը կհամարվի աշխատանքային ստաժ:

Գյուղատնտեսության աջակցություն. Կվերականգնվի Գյուղատնտեսության նախարարությունը: Ոլորտի ներկայացուցիչներին կտրամադրվեն մինչև 15 մլն դրամի վարկեր՝ պետության կողմից 100% սուբսիդավորմամբ:

Վարկային քաղաքականության վերանայում. Կվերանայվեն վարկառուների «սև ցուցակները»՝ թեթևացնելով քաղաքացիների ֆինանսական բեռը:

Եկամուտների և թոշակների ավելացում. Նվազագույն աշխատավարձը կհավասարեցվի նվազագույն սպառողական զամբյուղին: Բազային կենսաթոշակը կբարձրանա առնվազն 50%-ով և կինդեքսավորվի գնաճին զուգահեռ:

Կոմունալ ծախսերի փոխհատուցում. Ձմռան ամիսներին սոցիալապես անապահով խավի, միայնակ թոշակառուների և բազմազավակ անապահով ընտանիքների գազի ու էլեկտրաէներգիայի ծախսերը կփոխհատուցվեն 100%-ով:

Հարկային արդարություն. Կնվազեցվի գույքահարկը և կներդրվի «շքեղության հարկ»:

Հայտարարագրման համակարգ. Կչեղարկվի եկամուտների համատարած հայտարարագրման պարտադիր պահանջը:

Արդյունաբերական վերելք. Կիրականացվի «Արտադրված է Հայաստանում» քաղաքականությունը. արդյունաբերության ծավալները կկրկնապատկվեն՝ կազմելով ՀՆԱ-ի 25%-ը:

Փոքր բիզնեսի խթանում. Փոքր ձեռնարկատիրությամբ զբաղվողների համար կկիրառվի վճարված հարկերի 100% վերադարձի մեխանիզմ:

ՀՀ ՊՆ նախարար Սուրեն Պապիկյանը, ով նախկինում պատմության ուսուցիչ է եղել, կարծես թե, կետադրություն չգիտի:

Նա Ֆեյսբուքի իր էջում տեսանյութ է հրապարակել ու գրառում կատարել, որից պարզ է դառնում, որ նախկին մանկավարժը չգիտի, որ այդտեղ «բութ» նշանն ավելորդ է: