Category: TopNews.am

Ոստիկանության գվարդիայի ստեղծմամբ ձևավորվեց պետություն-քաղաքացի հարաբերությունների նոր ձևաչափ։ Այդ համատեքստում փոխվեց նաև Գվարդիայի ծառայության մեթոդաբանությունը։ Շրջիկ կարգախմբերը ծառայություն են իրականացնում հանրային տարածքներում՝ ընդլայնելով երթուղիներն ու ապահովելով քաղաքացիների հետ շփման նոր որակ։ Այդ մասին հայտնում են ՆԳՆ-ից:

«Մենք ծառայություն ենք իրականացնում ուսումնական հաստատությունների հարակից տարածքներում, նաև ակտիվորեն համագործակցում ենք Ոստիկանության այլ ստորաբաժանումների ծառայողների հետ։ Անհրաժեշտության դեպքում արագ արձագանքում ենք և մոտենում նշված վայր»,- նշել է Ոստիկանության գվարդիայի հատուկ սպառազինության և մարտավարության գնդի 1-ին գումարտակի 1-ին վաշտի 3-րդ դասակի ծառայության տեսուչ Զեփյուռ Զոհրաբյանը։

Նոր մոտեցման հիմքում թիրախային և համապարփակ վերլուծություններն են, նպատակը՝ կանխարգելիչ աշխատանքի արդյունավետության բարձրացումն ու հնարավոր միջադեպերին արագ արձագանքումը։

«Հաշվի են առնվել մի շարք հանգամանքներ, ինչպիսիք են, օրինակ՝ եղանակային պայմանները, բուհերում դասերի վերսկսելը, դասամիջոցները, որոնց արդյունքում իրականացվել են ծառայություն իրականացնող վերակարգերի տեղորոշման փոփոխություններ, վերակարգերի քանակի ավելացում բուհերում և հարակից զբոսայգիներում»,- նշել է ՆԳՆ ոստիկանության գվարդիայի հասարակական կարգի պահպանման և հասարակական անվտանգության ապահովման վարչության պետ Էդգար Պետրոսյանը:

Հերթափոխի ընդունումն ազդարարվում է հրահանգավորմամբ․ Ոստիկանության գվարդիայի ծառայողները ծանոթանում են նախորդ օրվա օպերատիվ իրավիճակին, ստանում համապատասխան հանձնարարականներ և դուրս գալիս երթուղիներ։

«Գվարդիայի ծառայողները անհրաժեշտության դեպքում ուսումնական հաստատությունից անմիջապես կապ են հաստատում մյուս ծառայողների հետ»,- նշել է Ոստիկանության գվարդիայի հատուկ սպառազինության և մարտավարության գնդի հրամանատարի տեղակալ Միքայել Այվազյանը։

Ուսումնական հաստատությունների հարակից տարածքներում ծառայողների մշտական ներկայությունը թույլ է տալիս ոչ միայն կանխել միջադեպերի զարգացումը, այլև վաղ փուլում չեզոքացնել դրանց առաջացման ռիսկերը։

«Համագործակցությունը գնահատում եմ լավ, որովհետև անմիջական կապի մեջ ենք․ առավոտյան հեռախոսահամարներով փոխանակվում ենք, նույնը կատարվում է երկրորդ հերթափոխով՝ ժամը 16․00-ին»,- նշել է ԵՊՀ անվտանգության ծառայության պետ Արմեն Օհանյանը։

Թե՛ հետիոտն, թե՛ ավտոմեքենաներով շրջիկ ծառայությունը շարունակաբար գրանցում է դրական արդյունքներ։ Գվարդիայի ձևավորումից՝ նոյեմբերի 1-ից մինչ օրս, ծառայողները բացահայտել են 314 հանցագործության դեպք և արձանագրել 30 իրավախախտում։

«Հետևողականորեն շարունակելու ենք մեր աշխատանքը և կատարված վերլուծությունների հիման վրա հնարավոր է կատարենք նոր վերաբաշխումներ։ Մոտեցումը միատեսակ չէ. այն ձևավորվելու է ստեղծված օպերատիվ իրավիճակի հիման վրա»,- նշել է Էդգար Պետրոսյանը:

Ծառայության արդյունավետությունը բարձրացնելու նպատակով ոստիկանության գվարդիան շարունակելու է մշտադիտարկումն ու երթուղիների ընդլայնման քաղաքականությունը՝ կանխարգելելու և արձագանքելու ցանկացած միջադեպի՝ ապահովելով քաղաքացիների անվտանգությունը։

Գլխավոր դատախազությունը 2025 թվականի մարտի 11-ին հայցադիմում էր ներկայացրել Հակակոռուպցիոն դատարան՝ ընդդեմ ֆիզիկական անձի, երրորդ անձ՝ Տավուշի մարզի Իջևան համայնքի՝ Իջևանի Վալանսի փողոց թիվ 1/30 հասցեում գտնվող՝ 0.04 հա մակերեսով հողամասի նկատմամբ ֆիզիկական անձի կառուցապատման իրավունքը դադարեցնելու պահանջով: Հողամասի՝ շուկայականին մոտարկված կադաստրային արժեքը 2 միլիոն 730 հազար դրամ է: Այս մասին տեղեկացնում են ՀՀ գլխավոր դատախազությունից:

Հակակոռուպցիոն դատարանի՝ 2026 թվականի մարտի 16-ի վճռով բավարարվել է Գլխավոր դատախազության հայցը: Վճռով դադարեցվել է Վալանսի փողոց թիվ 1/30 հասցեում գտնվող հողամասի նկատմամբ ֆիզիկական անձի կառուցապատման իրավունքը:

Հակակոռուպցիոն դատարանի նշված վճիռը ստացել է օրինական ուժ:

Գլխավոր դատախազության դիմումի հիման վրա՝ Կադաստրի կոմիտեն 2026 թվականի մայիսի 5-ին դադարեցրել է հողամասի նկատմամբ ֆիզիկական անձի կառուցապատման իրավունքը. հողամասը վերադարձվել է Իջևան համայնքին:

Այսպիսով, մինչ այսօր Իջևան համայնքին են վերադարձվել Տավուշի մարզի Իջևան համայնքի քաղաքային զբոսայգու հետևյալ գույքերը՝

1. Վալանսի փողոց թիվ 1/30 հասցեում գտնվող՝ 0.04 հա մակերեսով հողամասը,
2. Թատերական փողոց 18 հասցեում գտնվող՝ 19 քմ մակերեսով հողամասը,
3. Թատերական փողոցի 18/7 հասցեում գտնվող՝ 350.1 քմ մակերեսով հողամասը,
4. Թատերական փողոցի 18/5 հասցեում գտնվող՝ 19.8 քմ մակերեսով հողամասը,
5. Անկախության փողոց 1/55 հասցեում գտնվող՝ 436 քմ մակերեսով հողամասը,
6. Վալանսի փողոցի 1/29 հասցեում գտնվող՝ 0.06 հա մակերեսով հողամասը,
7. Անկախության փողոց 1/62 հասցեում գտնվող՝ 0.001 հա մակերեսով հողամասը,
8. Անկախության 1/54 հասցեում գտնվող՝ 436.8 քմ մակերեսով հողամասը,
9. Անկախության 1/41 հասցեում գտնվող՝ 1500 քմ մակերեսով հողամասը,
10. Թատերական փողոցի 18/6 հասցեում գտնվող՝ 0.03 հա մակերեսով հողամասը,
11. Վալանսի փողոցի 1/27 հասցեում գտնվող՝ 0.03 հա մակերեսով հողամասը,
12. Վալանսի փողոցի 1/28 հասցեում գտնվող՝ 351 քմ մակերեսով հողամասը,
13. Թատերական 18/3 հասցեում գտնվող՝ 18 քմ մակերեսով հողամասը:
14. Թատերական 18/2 հասցեում գտնվող՝ 12 քմ մակերեսով հողամասը:

Բացի այդ, դատախազական ներգործության արդյունքում՝ Իջևան համայնքի տիրապետմանն ու օգտագործմանն է վերադարձվել քաղաքային զբոսայգու շատրվաններին հարակից 0.03 հա մակերեսով հողամասը:

Գլխավոր դատախազությունը 2025 թվականի մարտի 11-ին հայցադիմում էր ներկայացրել Հակակոռուպցիոն դատարան՝ ընդդեմ ֆիզիկական անձի, երրորդ անձ՝ Տավուշի մարզի Իջևան համայնքի՝ Իջևանի Թատերական փողոցի 9 հասցեում գտնվող՝ 208 քմ մակերեսով հողամասի նկատմամբ կառուցապատման իրավունքը դադարեցնելու պահանջով։
 
«Հակակոռուպցիոն դատարանի՝ 2026 թվականի հունվարի 19-ի վճռով՝ բավարարվել էր Գլխավոր դատախազության հայցը: Վճռով դադարեցվել էր Իջևան քաղաքի Թատերական փողոցի 9 հասցեում գտնվող՝ 208 քմ մակերեսով հողամասի նկատմամբ ֆիզիկական անձի կառուցապատման իրավունքը:
 
Հակակոռուպցիոն դատարանի նշված վճիռը ստացել է օրինական ուժ:
 
Գլխավոր դատախազության դիմումի հիման վրա՝ Կադաստրի կոմիտեն 2026 թվականի մայիսի 20-ին դադարեցրել է հողամասի նկատմամբ ֆիզիկական անձի կառուցապատման իրավունքը. հողամասը վերադարձվել է Իջևան համայնքին: Հողամասի՝ շուկայականին մոտարկված կադաստրային արժեքը՝ 1 միլիոն 366 հազար դրամ:
 
Այսպիսով, մինչ այսօր Իջևան համայնքին են վերադարձվել Տավուշի մարզի Իջևան համայնքի քաղաքային զբոսայգու հետևյալ գույքերը՝
 
Թատերական փողոցի 9 հասցեում գտնվող՝ 208 քմ մակերեսով հողամասը,
Վալանսի փողոց թիվ 1/30 հասցեում գտնվող՝ 0.04 հա մակերեսով հողամասը,
Թատերական փողոց 18 հասցեում գտնվող՝ 19 քմ մակերեսով հողամասը,
Թատերական փողոցի 18/7 հասցեում գտնվող՝ 350.1 քմ մակերեսով հողամասը,
Թատերական փողոցի 18/5 հասցեում գտնվող՝ 19.8 քմ մակերեսով հողամասը,
Անկախության փողոց 1/55 հասցեում գտնվող՝ 436 քմ մակերեսով հողամասը,
Վալանսի փողոցի 1/29 հասցեում գտնվող՝ 0.06 հա մակերեսով հողամասը,
Անկախության փողոց 1/62 հասցեում գտնվող՝ 0.001 հա մակերեսով հողամասը,
Անկախության 1/54 հասցեում գտնվող՝ 436.8 քմ մակերեսով հողամասը,
Անկախության 1/41 հասցեում գտնվող՝ 1500 քմ մակերեսով հողամասը,
Թատերական փողոցի 18/6 հասցեում գտնվող՝ 0.03 հա մակերեսով հողամասը,
Վալանսի փողոցի 1/27 հասցեում գտնվող՝ 0.03 հա մակերեսով հողամասը,
Վալանսի փողոցի 1/28 հասցեում գտնվող՝ 351 քմ մակերեսով հողամասը,
Թատերական 18/3 հասցեում գտնվող՝ 18 քմ մակերեսով հողամասը:
Թատերական 18/2 հասցեում գտնվող՝ 12 քմ մակերեսով հողամասը:
 
Բացի այդ, դատախազական ներգործության արդյունքում՝ Իջևան համայնքի տիրապետմանն ու օգտագործմանն է վերադարձվել քաղաքային զբոսայգու շատրվաններին հարակից 0.03 հա մակերեսով հողամասը»,- ասվում է դատախազության հաղորդագրության մեջ:

Երեկ Մեքսիկայի և Հարավաֆրիկյան Հանրապետության հավաքականների միջև
կայացած հանդիպմամբ մեկնարկեց ֆուտբոլի աշխարհի 23-րդ առաջնությունը։
Բացման խաղում մրցաշարի տանտերերը հաղթեցին 2։0 հաշվով։

Հունիսի 11-ին մեկնարկած սպորտային իրադարձությունը շուրջ մեկ ամիս կպահի
միլիոնավոր ֆուտբոլասերների ուշադրությունը՝ մինչև հուլիսի 19-ին
նախատեսված եզրափակիչ հանդիպումը։

Աշխարհի այս առաջնությունը նախորդներից տարբերվում է իր
մասշտաբներով․ առաջին անգամ մրցաշարին մասնակցում են 48 ազգային
հավաքական՝ ի տարբերություն 1998-2022 թվականների առաջնությունների,
որոնց մասնակցում էին 32-ը։ Մրցաշարը կառանձնանա նաև իր
երկարատևությամբ՝ 39 օր, իսկ այդ ընթացքում կկայանա 104 հանդիպում, ինչը
նույնպես ռեկորդային է աշխարհի առաջնության շրջանակներում։

Նոր ձևաչափի համաձայն՝ մրցաշարում առաջին անգամ կանցկացվի 1/16
եզրափակիչ փուլ, քանի որ խմբերից դուրս են գալիս ավելի շատ
հավաքականներ։

Առաջնություն պատմության մեջ նաև առաջին անգամ է երբ միջոցառումը
հյուրընկալվում է միանգամից երեք պետությունների կողմից՝ ԱՄՆ-ի, Կանադայի և Մեքսիկայի։

Top-news

Հայաստանի էկոնոմիկայի նախարարի մամուլի խոսնակ Լիլիթ Շաբոյանը հերքել է «Հրապարակ» օրաթերթի տարածած լուրը, թե իբր նախարար Գևորգ Պապոյանը «նամակ է գրել Ռուսաստանի առևտրի և արդյունաբերության նախարար  Անտոն Ալիխանովին և խնդրել իրեն հնարավորություն տալ մասնակցել հուլիսի 6-7-ը Եկատերինբուրգում կայանալիք առևտրատնտեսական ֆորումին»։

Հրապարակը նաև գրել էր, թե իբր «ռուսական կողմից դեռևս պատասխան չի ստացվել»։ 

«Արմենպրես»-ի փոխանցմամբ՝ նախարարի մամուլի խոսնակը տարածված լուրը հերքել է «Ֆեյսբուք»-ի իր էջում տարածված գրառմամբ։

Վերաքննիչ քրեական դատարանը բեկանել է Հայ Առաքելական եկեղեցու Շիրակի թեմի առաջնորդ Միքայել արքեպիսկոպոս Աջապահյանի գործով առաջին ատյանի դատարանի դատավճիռը և գործն ուղարկել նոր քննության։ «Արմենպրես»-ի հաղորդմամբ՝ դատարանը հունիսի 25-ին հրապարակել է որոշման եզրափակիչ մասը։

Դատարանը նաև վերացրել է Միքայել արքեպիսկոպոս Աջապահյանի նկատմամբ կիրառված տնային կալանքը։ Նրա նկատմամբ կիրառված բացակայելու արգելքը թողնվել է անփոփոխ։

Երևան քաղաքի ընդհանուր իրավասության դատարանը Միքայել արքեպիսկոպոս Աջապահյանին մեղավոր էր ճանաչել և դատապարտել 2 տարվա ազատազրկման։

Նրա նկատմամբ քրեական հետապնդում էր հարուցվել ՀՀ քրեական օրենսգրքի 422-րդ հոդվածի 2-րդ մասով՝ իշխանությունը զավթելուն, տարածքային ամբողջականությունը խախտելուն, ինքնիշխանությունից հրաժարվելուն կամ սահմանադրական կարգը բռնի տապալելուն ուղղված հրապարակային կոչերի համար։

Ավելի վաղ Վերաքննիչ դատարանը որոշում էր կայացրել փոխել Միքայել արքեպիսկոպոս Աջապահյանի նկատմամբ կիրառված խափանման միջոցը՝ կալանքի փոխարեն սահմանելով տնային կալանք։ Արքեպիսկոպոսը կալանավորված էր 2025 թվականի հունիսի 28-ից։

Միքայել արքեպիսկոպոս Աջապահյանը չի ընդունում իրեն առաջադրված մեղադրանքը։

Պաշտպանական կողմը վերաքննիչ բողոքով պահանջել էր ամբողջությամբ բեկանել առաջին ատյանի դատարանի դատավճիռը և հռչակել արքեպիսկոպոսի անմեղությունը։ Միքայել արքեպիսկոպոս Աջապահյանը նաև դիմել է Մարդու իրավունքների եվրոպական դատարան։

ԿԳՄՍ նախարար Ժաննա Անդրեասյանն այցելել է Հայաստանի ֆիզիկական կուլտուրայի և սպորտի պետական ինստիտուտ (ՀՖԿՍՊԻ)՝ ծանոթանալու իրականացված վերանորոգման աշխատանքներին։

ՀՖԿՍՊԻ ռեկտոր Տիգրան Սիմոնյանի ուղեկցությամբ նախարարը շրջել է ըմբշամարտի, ձյուդոյի, ծանրամարտի և սպորտային մարմնամարզության մարզադահլիճներում, որոնցում իրականացվել են վերականգնման և արդիականացման աշխատանքներ։ Ներկայացվել են ստեղծված պայմանները, ինչպես նաև մարզական գործընթացի կազմակերպման հնարավորությունները։ Ժաննա Անդրեասյանը կարևորել է մարզական ենթակառուցվածքների շարունակական արդիականացումը՝ նշելով, որ ժամանակակից և անվտանգ պայմանները կարևոր նախադրյալ են մարզիկների արդյունավետ պատրաստության, մրցունակ արդյունքների ապահովման և երիտասարդների շրջանում սպորտի նկատմամբ հետաքրքրության խթանման համար։

Նախարարն այցելել է նաև ՀՖԿՍՊԻ հրաձգարան, որի ընթացքում քննարկվել են սպորտային հրաձգության զարգացման հեռանկարները դպրոցներում։ Ընդգծվել է դպրոցներում համապատասխան միջավայր ստեղծելու, ինչպես նաև ֆիզկուլտուրայի ծրագրերում անհրաժեշտ բաղադրիչները ներառելու կարևորությունը՝ առանձնահատուկ կարևորելով նաև ֆիզկուլտուրայի ուսուցիչների վերապատրաստումը։ Կողմերը պատրաստակամություն են հայտնել համագործակցել անհրաժեշտ պայմանների ստեղծման, նյութատեխնիկական բազայի զարգացման և մասնագետների վերապատրաստման ուղղությամբ։

Հաջորդիվ Ժաննա Անդրեասյանն այցելել է վոլեյբոլի մարզադահլիճ, որտեղ տեղադրվել է պրոֆեսիոնալ մարզահատակ։ Կարևորելով խաղային մարզաձևերի զարգացումը՝ նախարարը նշել է, որ նախորդ տարի առաջին անգամ կազմակերպված «Դպրոցականների վոլեյբոլի լիգային» մասնակցել է ավելի քան 5000 երեխա, իսկ այս տարի ակնկալվում է մասնակցության աճ։ Քննարկվել է նաև ֆիզիկական կուլտուրայի և սպորտի ոլորտում մասնագետների պատրաստման հարցը՝ կարևորելով հատկապես դպրոցներում ֆիզկուլտուրայի ուսուցիչների թափուր տեղերի համալրումը որակյալ կադրերով։ Ժաննա Անդրեասյանը տեղեկացրել է, որ նախատեսվում է կամավոր ատեստավորման երկրորդ շրջափուլին մասնակցած և դրական արդյունք արձանագրած ուսուցիչների դրույքաչափը հասցնել 300 հազար դրամի, իսկ 30, 40 և 50 տոկոս հավելավճարները հաշվարկել արդեն այդ դրույքաչափի նկատմամբ՝ նպաստելով ուսուցիչների վարձատրության համակարգի բարելավմանը։

ԿԳՄՍ նախարարն այցելել է նաև ՀՖԿՍՊԻ «Սպորտ լաբ» գիտահետազոտական կենտրոն, որտեղ իրականացվում են հետազոտություններ սպորտային ֆիզիոլոգիայի, կենսամեխանիկայի և վերականգնողական գիտության բնագավառում։ Կենտրոնը հագեցած է նաև հոգեֆիզիոլոգիական
թեստավորման սարքավորումներով, որոնք անհրաժեշտ են մարզիկների գնահատման գործընթացում։ Կենտրոնի գործառույթները ներառում են գիտահետազոտական ծրագրերի իրականացում, ինչպես նաև տարբեր ակումբների և ֆեդերացիաների մարզիկների ֆունկցիոնալ վիճակի գնահատում:

 

Քննարկման ընթացքում ընդգծվել է՝ սպորտի զարգացման քաղաքականությունը պետք է հիմնված լինի ժամանակակից գիտական տվյալների վրա։

Նախարարն ընդգծել է գիտական հետազոտությունների կարևորությունը և նշել, որ համապատասխան ծրագրային հայտերի դեպքում հնարավոր է պետական աջակցություն տրամադրել նպատակային ծրագրերի շրջանակում։

«Մենք պետք է ունենանք այնպիսի հետազոտական տվյալներ, որոնք հնարավորություն կտան հիմնավորված կերպով վերանայել գործող չափորոշիչները: Սպորտը նաև գիտություն է, և շատ կարևոր է, որ բուհերը հանդես գան ոլորտի զարգացմանն ուղղված գիտական առաջարկություններով»,- նշել է Ժաննա Անդրեասյանը։

Այցի շրջանակում անդրադարձ է կատարվել նաև «Սպորտը հանուն խաղաղության և առողջության» միջազգային գիտաժողովի կազմակերպմանը, որը նախորդ տարի նվիրված էր ՀՖԿՍՊԻ 80-ամյակին և այսուհետ կանցկացվի ամեն տարի։ Նշվել է, որ գիտաժողովը նպատակ ունի վեր հանել ոլորտի խնդիրները և ձևավորել գիտականորեն հիմնավորված առաջարկություններ՝ սպորտի զարգացման քաղաքականության կատարելագործման համար։

ԿԳՄՍ նախարար Ժաննա Անդրեասյանն այցելել է Հայաստանի ֆիզիկական կուլտուրայի և սպորտի պետական ինստիտուտ (ՀՖԿՍՊԻ)՝ ծանոթանալու իրականացված վերանորոգման աշխատանքներին։

ՀՖԿՍՊԻ ռեկտոր Տիգրան Սիմոնյանի ուղեկցությամբ նախարարը շրջել է ըմբշամարտի, ձյուդոյի, ծանրամարտի և սպորտային մարմնամարզության մարզադահլիճներում, որոնցում իրականացվել են վերականգնման և արդիականացման աշխատանքներ։ Ներկայացվել են ստեղծված պայմանները, ինչպես նաև մարզական գործընթացի կազմակերպման հնարավորությունները։ Ժաննա Անդրեասյանը կարևորել է մարզական ենթակառուցվածքների շարունակական արդիականացումը՝ նշելով, որ ժամանակակից և անվտանգ պայմանները կարևոր նախադրյալ են մարզիկների արդյունավետ պատրաստության, մրցունակ արդյունքների ապահովման և երիտասարդների շրջանում սպորտի նկատմամբ հետաքրքրության խթանման համար։

Նախարարն այցելել է նաև ՀՖԿՍՊԻ հրաձգարան, որի ընթացքում քննարկվել են սպորտային հրաձգության զարգացման հեռանկարները դպրոցներում։ Ընդգծվել է դպրոցներում համապատասխան միջավայր ստեղծելու, ինչպես նաև ֆիզկուլտուրայի ծրագրերում անհրաժեշտ բաղադրիչները ներառելու կարևորությունը՝ առանձնահատուկ կարևորելով նաև ֆիզկուլտուրայի ուսուցիչների վերապատրաստումը։ Կողմերը պատրաստակամություն են հայտնել համագործակցել անհրաժեշտ պայմանների ստեղծման, նյութատեխնիկական բազայի զարգացման և մասնագետների վերապատրաստման ուղղությամբ։

Հաջորդիվ Ժաննա Անդրեասյանն այցելել է վոլեյբոլի մարզադահլիճ, որտեղ տեղադրվել է պրոֆեսիոնալ մարզահատակ։ Կարևորելով խաղային մարզաձևերի զարգացումը՝ նախարարը նշել է, որ նախորդ տարի առաջին անգամ կազմակերպված «Դպրոցականների վոլեյբոլի լիգային» մասնակցել է ավելի քան 5000 երեխա, իսկ այս տարի ակնկալվում է մասնակցության աճ։ Քննարկվել է նաև ֆիզիկական կուլտուրայի և սպորտի ոլորտում մասնագետների պատրաստման հարցը՝ կարևորելով հատկապես դպրոցներում ֆիզկուլտուրայի ուսուցիչների թափուր տեղերի համալրումը որակյալ կադրերով։ Ժաննա Անդրեասյանը տեղեկացրել է, որ նախատեսվում է կամավոր ատեստավորման երկրորդ շրջափուլին մասնակցած և դրական արդյունք արձանագրած ուսուցիչների դրույքաչափը հասցնել 300 հազար դրամի, իսկ 30, 40 և 50 տոկոս հավելավճարները հաշվարկել արդեն այդ դրույքաչափի նկատմամբ՝ նպաստելով ուսուցիչների վարձատրության համակարգի բարելավմանը։

ԿԳՄՍ նախարարն այցելել է նաև ՀՖԿՍՊԻ «Սպորտ լաբ» գիտահետազոտական կենտրոն, որտեղ իրականացվում են հետազոտություններ սպորտային ֆիզիոլոգիայի, կենսամեխանիկայի և վերականգնողական գիտության բնագավառում։ Կենտրոնը հագեցած է նաև հոգեֆիզիոլոգիական
թեստավորման սարքավորումներով, որոնք անհրաժեշտ են մարզիկների գնահատման գործընթացում։ Կենտրոնի գործառույթները ներառում են գիտահետազոտական ծրագրերի իրականացում, ինչպես նաև տարբեր ակումբների և ֆեդերացիաների մարզիկների ֆունկցիոնալ վիճակի գնահատում:

 

Քննարկման ընթացքում ընդգծվել է՝ սպորտի զարգացման քաղաքականությունը պետք է հիմնված լինի ժամանակակից գիտական տվյալների վրա։

Նախարարն ընդգծել է գիտական հետազոտությունների կարևորությունը և նշել, որ համապատասխան ծրագրային հայտերի դեպքում հնարավոր է պետական աջակցություն տրամադրել նպատակային ծրագրերի շրջանակում։

«Մենք պետք է ունենանք այնպիսի հետազոտական տվյալներ, որոնք հնարավորություն կտան հիմնավորված կերպով վերանայել գործող չափորոշիչները: Սպորտը նաև գիտություն է, և շատ կարևոր է, որ բուհերը հանդես գան ոլորտի զարգացմանն ուղղված գիտական առաջարկություններով»,- նշել է Ժաննա Անդրեասյանը։

Այցի շրջանակում անդրադարձ է կատարվել նաև «Սպորտը հանուն խաղաղության և առողջության» միջազգային գիտաժողովի կազմակերպմանը, որը նախորդ տարի նվիրված էր ՀՖԿՍՊԻ 80-ամյակին և այսուհետ կանցկացվի ամեն տարի։ Նշվել է, որ գիտաժողովը նպատակ ունի վեր հանել ոլորտի խնդիրները և ձևավորել գիտականորեն հիմնավորված առաջարկություններ՝ սպորտի զարգացման քաղաքականության կատարելագործման համար։

Հնագետները Դանիայում հայտնաբերել են վիկինգների դարաշրջանի տեքստիլ արտադրության խոշոր կենտրոն, որն ունի ավելի քան 1000 տարվա հնություն և վկայում է վիկինգների հասարակության կազմակերպվածության ու զարգացածության մասին։ «Moesgaard» թանգարանի մասնագետների տվյալներով՝ մոտ 100 հազար քառակուսի մետր տարածք զբաղեցնող հնավայրը գտնվում է Դանիայի երկրորդ ամենամեծ քաղաքի՝ Օրհուսի հյուսիսում գտնվող Սյոֆտեն բնակավայրում։ Այն թվագրվում է վաղ վիկինգների ժամանակաշրջանով՝ մոտավորապես 600-950 թվականներով։

Այս բնակավայրն առանձնանում է տեքստիլ արտադրության հստակ ուղղվածությամբ։ Տարածքում հայտնաբերվել է կտավատի մշակման հատված, ինչպես նաև ավելի քան 80 կիսագետնափոր տնակ, որոնք վիկինգների դարաշրջանում օգտագործվել են որպես արհեստանոցներ ու բնակատեղիներ։ Հնագետները գտել են նաև մանելու և գործելու համար օգտագործված առարկաներ, արծաթե մետաղադրամներ, ապակյա ուլունքներ և խեցեղեն։ Մասնագետների գնահատմամբ՝ հնավայրի բաժանումն առանձնանում է հստակ գոտիներով (արտադրության, արհեստների և բնակության համար)։ Սա հուշում է, որ աշխատանքները ղեկավարվել են ազդեցիկ անձի կողմից, ով տնօրինել է ռեսուրսներն ու արտադրությունը։

Պարագվայի ֆուտբոլի ասոցիացիան պաշտոնական բողոք է հղել ՖԻՖԱ՝ պահանջելով կարգապահական տույժի ենթարկել Անգլիայի ազգային հավաքականի կիսապաշտպան Ջուդ Բելինգեմին: Այս մասին հաղորդում է հեղինակավոր Mirror պարբերականը։

Դժգոհության առիթ է դարձել ԱԱ-2026-ի խմբային փուլի՝ Անգլիա – Գանա հանդիպման դրվագներից մեկը։ Խաղի ընթացքում անգլիացի ֆուտբոլիստը մրցակցի հարձակվող Ջորդան Այուի հետ զրուցելիս ձեռքով փակել է բերանը։
Պարագվայական կողմը ՖԻՖԱ-ին մեղադրում է կանոնակարգն անհետևողականորեն կիրառելու և երկակի ստանդարտների մեջ։

Բանն այն է, որ ավելի վաղ նույն մրցաշարում Պարագվայի հավաքականի կիսապաշտպան Միգել Ալմիրոնը Թուրքիայի ընտրանու դեմ խաղում նույնանման արարքի համար արժանացել էր ուղիղ կարմիր քարտի։ Հիշեցնենք, որ բերանը ձեռքով փակելն արգելող կանոնը ՖԻՖԱ-ի կողմից մրցաշարի մեկնարկից առաջ էր ներդրվել։ Այն հաջորդեց աղմկահարույց միջադեպին, երբ «Բենֆիկայի» վինգեր Ջանլուկա Պրեստիանին նման կերպ թաքցնելով շուրթերը՝ վիրավորանքներ էր հնչեցրել Մադրիդի «Ռեալի» աստղ Վինիսիուս Ժունիորի հասցեին և արդյունքում որակազրկվել։

Ինչ վերաբերում է Բելինգեմին, ապա նա խուսափել է հեռացումից, քանի որ մրցավարական բրիգադն այդ դրվագը չի դիտարկել որպես հակամարտություն մրցակցի հետ:

Ըստ գործող նոր կանոնակարգի պարզաբանման՝ բերանը ձեռքով փակելու համար ուղիղ կարմիր քարտը կիրառվում է բացառապես այն դեպքերում, երբ ֆուտբոլիստն այդ ժեստն օգտագործում է մրցակցի հետ բախման կամ ընդգծված ագրեսիվ շփման ժամանակ։ ՖԻՖԱ-ն առայժմ պաշտոնական արձագանք չի տվել Պարագվայի դիմումին։