Երևանում`
Ապրիլի 15-ի ցերեկը, 16-17-ին, 18-ի գիշերը սպասվում է առանց տեղումների եղանակ։ Ապրիլի 18-ի երեկոյան, 19-ին սպասվում է անձրև և ամպրոպ։
Հանրապետության տարածքում`
Ապրիլի 15-ի ցերեկը, 16-17-ին, 18-ի գիշերը սպասվում է առանց տեղումների եղանակ։ Ապրիլի 18-ի ցերեկը, 19-ին առանձին շրջաններում սպասվում է անձրև, հնարավոր է ամպրոպ։
Քամին հյուսիսարևմտյան 2-5 մ/վ:
Օդի ջերմաստիճանն ապրիլի 15-ի գիշերը կնվազի ևս 2-4 աստիճանով, 15-18-ի ցերեկային ժամերին աստիճանաբար կբարձրանա 8-12 աստիճանով։
ԱՄՆ նախագահ Դոնալդ Թրամփը հայտարարել է, որ Իրանի հետ բանակցությունների երկրորդ փուլը կարող է կայանալ առաջիկա երկու օրերի ընթացքում։ Նրա խոսքով՝ քննարկումների շարունակման հնարավորությունը դեռևս պահպանվում է։
«Հաջորդ երկու օրերին ինչ-որ բան կարող է պատահել, և մենք ավելի հակված ենք այնտեղ գնալ»,-ասել է Թրամփը New York Post-ին տված հեռախոսազրույցում։
Բանակցությունների առաջին փուլը տեղի էր ունեցել շաբաթավերջին Իսլամաբադում, սակայն ավարտվել էր առանց արդյունքի։
Ավելի վաղ պակիստանյան բարձրաստիճան աղբյուրները Agence France-Presse-ին հայտնել էին, որ երկրի իշխանությունները շարունակում են միջնորդական ջանքերը՝ Վաշինգտոնի և Թեհրանի միջև երկխոսությունը վերականգնելու և գործող երկշաբաթյա հրադադարը երկարաձգելու ուղղությամբ։
Պակիստանի ֆինանսների նախարար Մուհամմադ Աուրանգզեբը ևս հաստատել է, որ երկիրը շարունակում է աջակցել ԱՄՆ-ի և Իրանի միջև բանակցությունների վերականգնմանը։
Նրա խոսքով՝ Իսլամաբադում կայացած հանդիպումը վերջին մոտ 50 տարիների ընթացքում երկու երկրների միջև առաջին ուղիղ շփումն էր։ «Մենք կցանկանայինք տեսնել, արդյոք հնարավոր է շարունակել այս երկխոսությունը։ Կշարունակենք մեր ջանքերը, և մեր ղեկավարությունն ակտիվորեն աշխատում է այդ ուղղությամբ», – նշել է նա։
ՀՀ հակակոռուպցիոն կոմիտեի օպերատիվ–հետախուզական ստորաբաժանումների կողմից իրականացված միջոցառումների արդյունքում փաստական տվյալներ են ստացվել այն մասին, որ ՀՀ Ազգային ժողովի հերթական ընտրությունները նշանակելու մասին ՀՀ նախագահի հրամանագրի՝ 2026 թվականի փետրվարի 7-ին ուժի մեջ մտնելուց հետո՝ բարեգործություն իրականացնելու օրենսդրական արգելքի պայմաններում, համապետական ընտրություններին մասնակցող ՀՀ տարբեր բնակիչների, բարեգործության անվան տակ, «Ուժեղ Հայաստան» կուսակցության անդամի կողմից այլ անձի օժանդակությամբ 2026 թվականի մարտ ամսվա ընթացքում մի դեպքում անհատույց տրամադրվել է դրամական միջոց, մեկ այլ դեպքում՝ արտոնյալ պայմանով խոստացվել է ծառայության մատուցում։
Դեպքի առթիվ ՀՀ քրեական օրենսգրքի համապատասխան հոդվածով նախաձեռնվել է քրեական վարույթ, հանրային քրեական հետապնդում է հարուցվել երկու անձի նկատմամբ, ովքեր ձերբակալվել են։
ՀՀ հակակոռուպցիոն կոմիտեն կրկին հորդորում է զերծ մնալ բարեգործության վերաբերյալ օրենսդրական արգելքը խախտելու հանցավոր վարքագծից, իսկ քաղաքացիներին կոչ է արվում խուսափել ընտրական հանցագործությունների կամ դրանց հետ առնչվող կասկածելի գործողությունների մեջ ներգրավվելուց։
«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ ապրիլի 15-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը`
Երևանի Կենտրոն վարչական շրջան՝
11:00–17:00 Ալեք Մանուկյան փողոց 10, 15, 15Ա, 17 շենքեր, Այգեստան 7-րդ փողոց 1–18 առանձնատներ, Հ. Շահինյան փողոց 1, 2, 11, 12 առանձնատներ, Իսակովի պողոտա 26 շինություն,
Երևանի Արաբկիր վարչական շրջան՝
11:00-17:00 Դավիթ Անհաղթի փողոց 10-18 շենքեր, Գոգոլի փողոց 24/23 շենք և 2-26 առանձնատներ,
Երևանի Աջափնյակ վարչական շրջան՝
10:00–16:00 Հակոբյանց, Առաքելյան, Խաչատրյան, Բաշինջաղյան փողոցներ մասնակի, Սիսակյան փողոց 22 շենք և հարակից ոչ բնակիչ-բաժանորդներ,
Երևանի Մալաթիա Սեբաստիա վարչական շրջան՝
10:00-16:00 Ծիծեռնակաբերդի խճուղի 1՝ Կարեն Դեմիրճյանի անվան մարզահամերգային համալիր,
Երևանի Շենգավիթ վարչական շրջան՝
11:00-17:00 Գ․ Նժդեհի փողոց 45 շենք և հարակից ոչ բնակիչ-բաժանորդներ, Արտաշիսյան փողոց 59, 61, 63, 63Ա, 63Բ, 65, 67, 69, 57/12, 55/13, 53/14, 53/15 շենքեր, Արտաշիսյան փողոց 57/1, 59/1 շենքեր և հարակից ոչ բնակիչ բաժանորդներ, Մանանդյան փողոց 41/44, Չեխովի փողոց 47 շենքեր և հարակից ոչ բնակիչ-բաժանորդներ, Չեխովի փողոց 48, 50, 52, 57Ա, 59Ա,
Երևանի Էրեբունի վարչական շրջան՝
10:00–16:00 Արշակունյաց պողոտա 18, 18Ա, 18Բ, 18Գ, 18Դ, 18Ե, 18Զ շենքեր և հարակից ոչ բնակիչ-բաժանորդներ,
Երևանի Նոր Նորք վարչական շրջան՝
13:00–16:00 Նոր Նորք 2-րդ զանգված՝ Մոլդովական փողոց 21, 23, 25, 25/1, 25/2, 25/3, 25/4, 27 շենքեր և հարակից տարածքների առանձնատներ, «Արզնի Կաթնամթերք» ՍՊԸ, «Զորախաչ» ՍՊԸ, «Կամուրջ» ՍՊԸ և հարակից ոչ բնակիչ-բաժանորդներ,
Կոտայքի մարզ՝
11:00-14:00 Աբովյան համայնք, «Քարափ» և «Ուռենի» ենթակայանների հարակից այգետնակներ, Աբովյան քաղաք՝ Ի․ Զաքարյանի անվան այգի,
11:00–15:00 Հրազդան քաղաք՝ մասնակի, «Տրեստ-Շինինդուստրիա» ՍՊԸ, Երկաթ Բետոնե արտադրամաս, «ՍԴՄ կենտրոն» ՍՊԸ և հարակից բաժանորդներ, Կաթնաղբյուր, Դավթաշեն, Աշնակ գյուղեր, Զառ գյուղ մասնակի,
11։00-17։00 «Զատիկ» մանկատան տնտեսական գոտի (գոմեր) և հարակից ոչ բնակիչ-բաժանորդներ, Ջրաբեր գյուղի հանքարդյունաբերական տարածք, հարակից բնակիչ և ոչ բնակիչ-բաժանորդներ, Առինջ գյուղ մասնակի,
Գեղարքունիքի մարզ՝
11:00–12:30 Գավառ քաղաք՝ Ազատության փողոց 21, 23, 24, 25, 26, 33, 34, 36, 39, 41, 47, 48, 70, 62, 67, 42, 46, 53, 61, 43, 69, 50, 57, 55 շենքեր, թիվ 9 միջնակարգ դպրոց, նախկին «Յունիբանկ» ընկերություն, «Դոմիկներ» տարածք, «Օժանդակ դպրոց», «Գյուղատնտեսական քոլեջ», «Սովխոզի մուտք»,
11:30–12:50 Վարդենիս քաղաք՝ Զորավար Անդրանիկի փողոց մասնակի,
14:00–15:00 Վարդենիս քաղաք Վիկտոր Համբարձումյան փողոց մասնակի,
11:00-16:00 Վարդենիս քաղաք՝ Իսակովի փողոց մասնակի,
13:00–14:30 Գավառ քաղաք՝ Միքայելյան փողոցի առանձնատներ, «Ամեն ինչ տան համար» խանութ-սրահ, Ազատության փողոց մասնակի, Միքայելյան փողոցի փակուղի, Միքայելյան 2-րդ նրբանցք «Փեփոյի ձոր» տարածք, դատախազության շենք, Գավառի պետական համալսարան, Գավառի կենտրոնական հիվանդանոց և հարակից բնակիչ-բաժանորդներ, «Գավառ» ՍՊԸ գազալցակայան, Օգոստոսի 23-ի փողոցի առանձնատներ, Աստղձոր, Զոլաքար համայնքներն ամբողջությամբ և հարակից ոչ բնակիչ-բաժանորդներ:
«Հայաստանի էլեկտրական ցանցեր» ընկերությունը հորդորում է հետևել էլեկտրաանվտանգության կանոններին:
Ապրիլի 14-ին Բրյուսելում ՀՀ ԱԳ նախարար Արարատ Միրզոյանը հանդիպում է ունեցել Եվրոպական հանձնաժողովի փոխնախագահ, ԵՄ արտաքին գործերի ու անվտանգության քաղաքականության հարցերով բարձր ներկայացուցիչ Կայա Կալասի հետ։ Զրուցակիցները քննարկել են ՀՀ-ԵՄ գործընկերության ռազմավարական օրակարգի հետևողական կյանքի կոչման հարցեր:
Հանգամանալից անդրադարձ է կատարվել մայիսին Երևանում կայանալիք ՀՀ-ԵՄ գագաթնաժողովի բովանդակային նախապատրաստման հարցերին. ընդգծվել է ՀՀ քաղաքացիների համար շոշափելի արդյունքների ապահովմանն ուղղված ծրագրերի իրականացման շուրջ համաձայնությունը:
Արարատ Միրզոյանը և Կայա Կալասը քննարկել են ժողովրդավարական դիմակայունության շարունակական ամրապնդմանն ուղղված նախաձեռնությունները, որոնք ՀՀ-ԵՄ արժեքահեն գործընկերության և ռազմավարական օրակարգի կարևոր մաս են կազմում: Այս համատեքստում համաձայնություն է ձեռք բերվել ժողովրդավարական գործընթացներին աջակցության նպատակով առկա հստակ մեխանիզմների շարունակականության և արդյունավետության ապահովման շուրջ:
ՀՀ ԱԳ նախարարը և ԵՄ ԱԳԱՔ բարձր ներկայացուցիչն ընդգծել են տնտեսական ու տրանսպորտային փոխկապակցվածության, ինչպես նաև էներգետիկայի ոլորտում համագործակցության խթանման հարցում փոխշահավետ ծրագրերի կյանքի կոչման կարևորությունը:
Հանդիպմանը մտքեր են փոխանակվել նաև փոխադարձ հետաքրքրություն ներկյացնող այլ հարցերի շուրջ։
Վարչապետ Նիկոլ Փաշինյանի գլխավորությամբ ապրիլի 14-ին այցելեցինք Վայոց ձորի և Արարատի մարզեր՝ տեղում ծանոթանալու մարզում իրականացվող կրթական, ենթակառուցվածքային և համայնքային զարգացման ծրագրերի ընթացքին։ Այս մասին հայտնում է ՀՀ Տարածքային կառավարման և ենթակառուցվածքների նախարար Դավիթ Խուդաթյանը։
«Վարչապետի, փոխվարչապետ Տիգրան Խաչատրյանի, ԿԳՄՍ նախարար Ժաննա Անդրեասյանի, մարզպետներ Վահագն Արսենյանի, Սեդրակ Թևոնյանի և համայնքապետերի հետ շրջայց ենք կատարել երկու մարզերի մի շարք համայնքներում և բնակավայրերում։
Առաջին կանգառը Արենի համայնքն էր: Շրջայց կատարեցինք Ելփին բնակավայրի նորակառույց մանկապարտեզի շենքում, ապա այցելեցինք Արարատի մարզ, որտեղ ներկա գտնվեցինք Արարատ համայնքի Պարույր Սևակ բնակավայրի նորակառույց կրթահամալիրի բացման արարողությանը:
Այցելեցինք նաև Արարատ համայնքի Երիտասարդական կենտրոն, որը վերանորոգվել է դրամաշնորհային ծրագրի շրջանակում: Վեդի համայնքի Նոր Ուղի բնակավայրում ներկա գտնվեցինք նորակառույց նախադպրոցական հաստատության բացման արարողությանը: Այն կառուցվել է սուբվենցիոն ծրագրի շրջանակում:
Վարչապետի հետ այցելեցինք նաև Արտաշատ համայնք, ծանոթացանք Արտաշատի ավագ դպրոցի վերակառուցման աշխատանքներին, եղանք Արտաշատ համայնքի Վարդաշեն բնակավայրի վերանորոգված միջնակարգ դպրոցում:
Եղանք նաև Մասիս համայնքում, որտեղ Սայաթ-Նովա բնակավայրում
մասնավոր հատվածի կողմից հիմնվել է խելացի անասնաշենք»,-նշել է նա։
ՀՀ բարձր տեխնոլոգիական արդյունաբերության նախարար Մխիթար Հայրապետյանն ապրիլի 14-ին ընդունել է Ֆրանսիայի Հանրապետության Եվրոպայի հարցերով լիազոր նախարար Բենժամեն Հադադի գլխավորած պատվիրակությանը։
Հանդիպման ընթացքում կողմերը գոհունակությամբ ընդգծել են Հայաստանի և Ֆրանսիայի միջև պատմականորեն ձևավորված բարեկամական հարաբերություններն ու քաղաքական երկխոսության բարձր մակարդակը՝ դրանք դիտարկելով որպես ամուր հիմք տեխնոլոգիական և տնտեսական ոլորտներում նոր նախաձեռնությունների իրականացման համար։
Նախարար Մխիթար Հայրապետյանը ներկայացրել է Հայաստանի մարդկային կապիտալի ներուժը՝ ընդգծելով, որ երկու երկրների մասնագիտական կարողությունների համադրումը, հատկապես կիսահաղորդչային արդյունաբերության, գիտական հետազոտությունների և փորձարարական մշակումների (R&D) ոլորտում, կարող է ստեղծել փոխշահավետ համագործակցության լայն հնարավորություններ և նպաստել համատեղ բարձրարժեք արտադրանքների ստեղծմանը։
Նախարար Հայրապետյանը կարևորել է ներկա պետական քաղաքականությունը, որը նպատակ ունի Հայաստանը դիրքավորել որպես գրավիչ հարթակ եվրոպական, մասնավորապես՝ ֆրանսիական առաջատար տեխնոլոգիական ընկերությունների համար։ Այս համատեքստում նախարարն ընդգծել է բարենպաստ բիզնես միջավայրի բարելավումը և այնպիսի քայլերի իրականացումը, որոնք կխթանեն խոշոր տեխնոլոգիական ընկերությունների մուտքը հայկական շուկա՝ հնարավորություն տալով լիարժեք օգտագործել երկրի ինժեներական և գիտատեխնիկական ներուժը։
Անդրադարձ է կատարվել նաև Հայաստանի հնարավորություններին՝ հանդիսանալու որպես գիտահետազոտական հարթակ ֆրանսիական ընկերությունների համար՝ նախագծման, նորարարական լուծումների մշակման և փորձարկման փուլերում։
Կողմերը նշել են, որ ֆրանսիական տեխնոլոգիական ընկերությունների ներգրավվածությունը կարևոր նշանակություն ունի Հայաստանի տնտեսական զարգացման, դիմակայունության բարձրացման, տնտեսության դիվերսիֆիկացման, ինչպես նաև եվրոպական ինտեգրման գործընթացի առաջմղման տեսանկյունից։
Հանդիպման ընթացքում քննարկվել են նաև բարձրաստիճան փոխայցելությունների կարևորությունը, ինչպես նաև բարձր տեխնոլոգիական ոլորտում Հայաստան-Ֆրանսիա համագործակցության ընդլայնման հնարավորությունները՝ մասնավորապես արհեստական բանականության, կիսահաղորդչային արդյունաբերության և կիբեռանվտանգության ուղղություններով։ Այս համատեքստում քննարկվել են արդեն ձևավորված համագործակցությունները, «Mistral AI» և այլ ընկերությունների հետ ընթացիկ ծրագրերն ու դրանց զարգացման հեռանկարները։
Հանդիպման ավարտին կողմերը վերահաստատել են ռազմավարական գործընկերության ձևավորման կարևորությունը՝ ընդգծելով ակտիվ երկխոսության և համատեղ նախաձեռնությունների արդյունավետ իրականացման անհրաժեշտությունը։
ՆԳՆ սպասարկման գրասենյակները շարունակում են իրականացնել շրջիկ սպասարկում՝ քաղաքացիներին մատուցելով և՛ միգրացիայի և քաղաքացիության ծառայության, և՛ հաշվառման-քննական բաժինների ծառայություններ։
ՆԳ նախարարի հրամանի համաձայն՝ ապրիլի 17-ին ծառայություններ կմատուցվեն․
ժամը՝ 10։00-16:00, Կոտայքի մարզի Չարենցավան համայնքում՝ համայնքապետարանի հարևանությամբ,
ժամը՝ 11:00-16:00, Գեղարքունիքի մարզի Վարդենիս համայնքում՝ համայնքապետարանի հարևանությամբ։
Շրջիկ սպասարկման շրջանակում քաղաքացիները կարող են փոխանակել անձնագիրը, ստանալ ժամանակավոր պաշտպանության վկայական, տեղեկանքներ։
Վարորդական իրավունքի ու սեփականության վկայականների, հաշվառման վկայագրի փոխանակման կամ կորստի դեպքում քաղաքացիները մոտենալով շրջիկ գրասենյակ` կարող են նորը ստանալ, օգտվել նաև հաշվառման-քննական բաժինների կողմից մատուցվող այլ ծառայություններից։
Ապրիլի 17-ին շրջիկ սպասարկման գրասենյակները կլինեն նաև Արարատի մարզի Արարատ և Կոտայքի մարզի Գառնի համայնքներում ապրիլի 10-ին ընդունված դիմումների շրջանակներում փաստաթղթերը հանձնելու նպատակով։
Հսկող դատախազի որոշմամբ` վերացվել է Դավիթ Մինասյանի կալանքը, նա ազատ է արձակվել Արմավիր ՔԿՀ-ից, հայտնել է փաստաբան Լուսինե Մարտիրոսյանը։ ՀՀ գլխավոր դատախազությունից հայտնել են, որ դատախազը վարույթն իրականացնող մարմնից՝ Քննչական կոմիտեից, ստացել է Դավիթ Մինասյանի վերաբերյալ քրեական վարույթը՝ մեղադրական եզրակացությունը հաստատելու և դատարան հանձնելու նպատակով:
«Հսկող դատախազի որոշմամբ դատարանի կողմից ընտրված կալանք խափանման միջոցն այսօր վերացվել է, կիրառվել է բացակայելու արգելք: Դատախազը քրեական վարույթի նյութերը՝ հաստատված մեղադրական եզրակացությամբ, այսօր հանձնել է իրավասու դատարան»,- հայտնել են դատախազությունից:
Մարտի 29-ին Սուրբ Աննա եկեղեցու բակում տեղի ունեցած միջադեպից հետո 18–ամյա դպրոցական Դավիթ Մինասյանը 2 ամսով կալանավորվել էր։
ՀՀ հակակոռուպցիոն կոմիտեի օպերատիվ-հետախուզական ստորաբաժանումների կողմից իրականացված միջոցառումների արդյունքում փաստական տվյալներ են ստացվել այն մասին, որ ՀՀ Ազգային ժողովի հերթական ընտրությունները նշանակելու մասին ՀՀ նախագահի հրամանագրի՝ 2026 թվականի փետրվարի 7-ին ուժի մեջ մտնելուց հետո՝ բարեգործություն իրականացնելու օրենսդրական արգելքի պայմաններում, համապետական ընտրություններին մասնակցող ՀՀ տարբեր բնակիչների, բարեգործության անվան տակ, «Ուժեղ Հայաստան» կուսակցության անդամի կողմից այլ անձի օժանդակությամբ 2026 թվականի մարտ ամսվա ընթացքում մի դեպքում անհատույց տրամադրվել է դրամական միջոց, մեկ այլ դեպքում՝ արտոնյալ պայմանով խոստացվել է ծառայության մատուցում։
Դեպքի առթիվ ՀՀ քրեական օրենսգրքի համապատասխան հոդվածով նախաձեռնվել է քրեական վարույթ, հանրային քրեական հետապնդում է հարուցվել երկու անձի նկատմամբ, ովքեր ձերբակալվել են։
ՀՀ հակակոռուպցիոն կոմիտեն կրկին հորդորում է զերծ մնալ բարեգործության վերաբերյալ օրենսդրական արգելքը խախտելու հանցավոր վարքագծից, իսկ քաղաքացիներին կոչ է արվում խուսափել ընտրական հանցագործությունների կամ դրանց հետ առնչվող կասկածելի գործողությունների մեջ ներգրավվելուց։
Ծանուցում. հանցագործության համար մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: