Մայրաքաղաքում տրանսպորտային հոսքերի անցանելիությունն ավելացնելու նպատակով ապրիլի 8-ից երթևեկության կազմակերպման փոփոխություն կկատարվի Պարոնյան փողոցում:
Պարոնյան փողոց, 22/1 հասցեի շինությանը հարակից ճանապարհահատվածից մինչև Պարոնյան փողոց, 22 հասցեի շենքին հարակից ճանապարհահատված կանգառը կարգելվի:
Մարտի 30-ը Զրոյական թափոնների միջազգային օրն է։ 2022 թվականի դեկտեմբերի 14-ին Միավորված ազգերի կազմակերպության Գլխավոր ասամբլեան իր 77-րդ նստաշրջանում ընդունեց բանաձև, որով մարտի 30-ը հռչակվեց Զրոյական թափոնների միջազգային օր։
2026 թվականին օրվա թեման կենտրոնանում է սննդի վրա՝ ինչ ենք ուտում, ինչ ենք թափում և ինչպես կարող ենք շարժվել դեպի շրջանաձև տնտեսություն։
«Պայքարը զրոյական թափոններով աշխարհի համար սկսվում է ձեր ափսեներից», – օրվա կապակցությամբ նշում է ՄԱԿ-ը։
Ամեն տարի թափվում է մոտ 1 միլիարդ տոննա սնունդ, ինչը կազմում է ամբողջ արտադրած սննդի գրեթե մեկ հինգերորդը։
Տնային տնտեսություններն արտադրում են սննդային թափոնների 60%-ը, հանրային սննդի ոլորտը՝ 28%-ը, իսկ մանրածախ առևտուրը՝ 12%-ը։
Եթե անհապաղ միջոցներ չձեռնարկվեն, ապա մինչև 2050 թվականը կոշտ կենցաղային թափոնների առաջացումը կաճի՝ հասնելով տարեկան 3.8 միլիարդ տոննայի։
Սննդային թափոններն առաջացնում են համաշխարհային ջերմոցային գազերի արտանետումների 8-10%-ը, ինչը գրեթե հինգ անգամ ավելի է, քան ավիացիոն ոլորտի արտանետումները։
Ըստ ՄԱԿ-ի՝ սա պայմանավորված է սննդային համակարգերի անարդյունավետությամբ՝ արտադրություն, բաշխում և սպառում։ Որպես լուծում առաջարկվում է վերափոխել այս համակարգերը՝ անցնելով ավելի կայուն, շրջանաձև մոտեցման, որը հիմնված է արդյունավետության, դիմակայունության և բնապահպանական կայունության վրա։
ՄԱԿ-ը նշում է, որ կառավարությունները կարող են սննդային թափոնների կրճատման միջոցները ներառել կլիմայի և կենսաբազմազանության ռազմավարություններում։ Մասնավոր հատվածը կարող է սկսել չափել կորուստները և քայլեր ձեռնարկել դրանց նվազեցման ուղղությամբ։ Իսկ սպառողները կարող են ավելի լավ պլանավորել իրենց սնունդը, կատարել գիտակցված գնումներ, ճիշտ պահպանել սնունդը և ամբողջությամբ օգտագործել գնված մթերքները։
Նշենք, որ Հայաստանում առաջանում է միջինում օրական 1,887 տոննա կամ տարեկան շուրջ 700 000 տոննա կոշտ կենցաղային աղբ։ Թափոնների 46%-ը խոհանոցային թափոններ են։
Մարտ 30, 2026 at 16:55
80 տարեկանում մահացել է ռումինացի հայտնի ֆուտբոլային մարզիչ Միրչա Լուչեսկուն: Լուչեսկուն հոսպիտալացվել էր Ռումինիայի ազգային հավաքականի մարզման ընթացքում, եր…
Երբ խոսքը վերաբերում է Ասիայի և Եվրոպայի մայրցամաքները կապող օղակին, Ադրբեջանն ու Վրաստանը կարևոր դեր են խաղում էներգիայի տարանցման գործում: Երկու երկրների ղեկավարներն ուրվագծել են, թե ինչպես են համատեղ աշխատելու «Միջին միջանցք»-ն ընդլայնելու համար. գրում է Euronews-ը՝ անդրադառնալով Իլհամ Ալիևի՝ Վրաստան այցին։
Քանի որ Իրանի պատերազմը և աշխարհաքաղաքական լարվածությունը շարունակվում է, Հարավային Կովկասի տարածաշրջանի դերն առաջնային պլան է մղվել:
«Հարավային Կովկասի երկրների միջև համագործակցությունը նոր հորիզոններ է բացում ամբողջ տարածաշրջանի համար», – նշել է Վրաստանի վարչապետ Իրաքլի Կոբախիձեն Ալիևի հետ հանդիպումից հետո:
Նա նաև նշել է, որ գլոբալ աշխարհաքաղաքական տեղաշարժերն է՛լ ավելի են բարձրացրել «Միջին միջանցք»-ի կարևորությունը: Դրա նշանակությունը մեծանում է՝ հիմնականում Հորմուզի նեղուցի հետ կապված իրավիճակի պատճառով։ Այն ներկայում մասամբ փակվել է Թեհրանի կողմից՝ Իրանի հետ շարունակվող պատերազմի պատճառով, որը հանգեցրել է համաշխարհային էներգամատակարարման խափանումների:
Հորմուզի նեղուցից կախվածությունը նվազեցնելու համար քննարկվում է այլընտրանքային ուղի՝ Կասպից ծովը: Այն բազմամոդալ լոգիստիկ ցանց է, որը Չինաստանը կապում է Եվրոպայի հետ՝ Կենտրոնական Ասիայի և Հարավային Կովկասի միջոցով։ Այն անցնում է Ադրբեջանի և Վրաստանի միջով՝ շրջանցելով Ռուսաստանը, այդպիսով՝ նվազեցնելով կախվածությունը ռուսական տարանցումից և կրճատելով տեղափոխման ժամանակը։
Այս զարգացումները նաև վերաձևավորում են իրավիճակն ամբողջ տարածաշրջանում։
Վրաստանը թույլ է տալիս իր տարածքն օգտագործել Ադրբեջանի և Հայաստանի միջև առևտրի համար, ինչը նրա դերն ավելի տեսանելի է դարձնում այս հարևան երկրների միջև խաղաղության գործընթացին նպաստելու գործում։
Ադրբեջանական նավթն ու գազը համաշխարհային շուկաներ են արտահանվում Վրաստանի միջոցով, իսկ Կասպից ծովի արևելյան ափերից նավթային պաշարները ևս տեղափոխվում են երկու երկրների միջոցով։
«Իմոնք» բարեգործական հիմնադրամի հայտարարությունը.
«Մենք՝ մի խումբ ՀՀ քաղաքացիներս, չպատկանելով որևէ կուսակցության կամ քաղաքական շարժման, նախաձեռնում ենք խաղաղ ակցիա՝ ի պաշտպանություն և հաջակցություն 18-ամյա դպրոցական Դավիթ Մինասյանի։
Ապրիլի 9-ին՝ ժամը 12:00-ին, հրավիրում ենք բոլոր սրտացավ մարդկանց ՀՀ գլխավոր դատախազության շենքի դիմաց՝ միասին բարձրաձայնելու մեր արդարացի պահանջն ու խնդրանքը։
Դավիթ Մինասյանն ընդամենը 18 տարեկան դպրոցական է։ Նա ունի առողջական մի շարք խնդիրներ, որոնք համատեղելի չեն կալանքի հետ։ Դավիթը զրկված է կրթություն ստանալու իրավունքից։ Ի դեպ, դպրոցում նա աչքի է ընկնում փայլուն առաջադիմությամբ։
Այս ակցիան խաղաղ է և բացառապես քաղաքացիական։ Սա պայքար է արդարության համար։ Սա պայքար է երիտասարդի կյանքի ու ապագայի համար։
Յուրաքանչյուրիդ ներկայությունն ու մասնակցությունը չափազանց կարևոր է։ Միայն միասին կարող ենք ցույց տալ, որ մենք չենք լռելու և չենք հանդուրժելու անարդարությունը»։
