Month: April 2026

Նարեկ Մկրտչյանը ԱՄՆ-ում հանդիպել է Ջորջթաունի ուսանողների հետ

Նարեկ Մկրտչյանն այսօր դեսպանությունում հյուրընկալել է Ջորջթաունի համալսարանի մագիստրոսական ծրագրի մի խումբ ուսանողների, ովքեր Nexus ծրագրի շրջանակում շաբաթներ առաջ եղել են Հայաստանում՝ ծանոթանալու և ուսումնասիրելու ՀՀ-ԱՄՆ հարաբերությունները, հայտնում են դեսպանությունից։

 

Հանդիպման ընթացքում դեսպան  Մկրտչյանը ներկայացրել է մանրամասներ՝ ԱՄՆ-Հայաստան օրակարգի, Վաշինգտոնյան հուշագրերի, ինչպես նաև երկկողմ համագործակցության ընթացիկ նախաձեռնությունների վերաբերյալ։ Քննարկվել են էներգետիկայի, արհեստական բանականության, ինչպես նաև առողջապահության, կրթության և տեխնոլոգիական ոլորտներում համագործակցության ընդլայնման հնարավորությունները։ 

 

Ուսանողները տվել են իրենց հետաքրքրող հարցերը՝ աշխարհաքաղաքական զարգացումների, հիբրիդային սպառնալիքների, ապատեղեկատվության դեմ պայքարի և այլնի վերաբերյալ։ 

Նիկոլ Փաշինյանը՝ 6 մարդու կյանք խլած ավտովթարի մասին

Վարչապետ Նիկոլ Փաշինյանն անդրադարձել է ապրիլի 10-ին տեղի ունեցած ողբերգական ավտովթարին։

«Իհարկե, շատ էլի տխուր իրադարձություններ են տեղի ունեցել:

 

Խնդրում եմ՝ ճանապարհներին լինել հնարավորինս զգույշ և պահել երթևեկության կանոնները։ Հիմա ճանապարհների լավ վիճակը երբեմն լրացուցիչ գայթակղություն է վարորդների համար ավելի արագ վարել մեքենաները, ինչը բերում է շատ ցավալի, շատ ցավալի դեպքերի»,-նշել է նա:

Հիշեցնենք՝ Շիրակի մարզի Աղին բնակավայրի մոտակայքում տեղի ունեցած վթարի հետևանքով տուժել է 11 քաղաքացի:

Հանրապետական շտապօգնության ծառայության միջոցով 5 երեխա հոսպիտալացվել է, որոնցից երկուսի կյանքը փրկել չի հաջողվել: Կազմակերպվել է տուժած 3 երեխայի  տեղափոխումը երևանյան բուժհաստատություն:

 

Մյուս տուժածների առողջական վիճակը գնահատվել է ծանր և ծայրահեղ ծանր, նրանք գտնվում են վերակենդանացման բաժանմունքում:

 

Պատահարից գրանցվել է 6 քաղաքացու մահ:

Արցախի թեմի առաջնորդը զղջո՞ւմ է. Ժողովուրդ

«Ժողովուրդ» օրաթերթը գրում է. «Ըստ արցախցիների շրջանում տարածված ներքին խոսակցությունների՝ Արցախի թեմի առաջնորդ Գերաշնորհ Տեր Վրթանես եպիսկոպոս Աբրահամյանը նեղսրտված է և զղջում է Վեհափառ Հայրապետի դեմ պայքարին միանալու համար։

Ավելի հավաստի տեղեկություններ ստանալու համար ArmLur.am-ը դիմել է Արցախի թեմի առաջնորդ Վրթանես Սրբազանին, սակայն նա որևէ կերպ չարձագանքեց մեր հարցերին։

Նույն հարցով մենք դիմել ենք նաև Արցախի թեմական խորհրդին։ Խորհրդից մեզ պատասխանեցին, որ թեմի առաջնորդի հետ դեկտեմբերի 8-ից խզել են իրենց հարաբերությունները։ Թեմից նաև հայտնեցին, որ նպատակ ու ցանկություն էլ չունեն հետևելու կամ անդրադառնալու Վրթանես Սրբազանի գործողություններին։ «Թեմի որևէ անդամ դեկտեմբերի 8-ից որևէ առնչություն չի ունեցել նրա հետ»,- կրկին շեշտում են Արցախի թեմական խորհրդից։

Հիշեցնենք, որ Վրթանես Սրբազանն այն բարձրաստիճան հոգևորականներից է, որ միացել է Վեհափառ Հայրապետի դեմ տարվող պայքարին»։

ԱՄՆ-ի հետ բանակցություններում Իրանի պատվիրակության ղեկավարն ինքնաթիռից սրտառուչ լուսանկար է հրապարակել

«Այս չվերթի իմ ուղեկիցները»,- գրել է Իրանի խորհրդարանի խոսնակ Մոհամմադ Բաղեր Ղալիբաֆը…