Month: April 2026

Մինչև 25% idcoin IDBank-իպրեմիումքարտերովավիատոմսերգնելիս – ArmBanks.am

ԵՐԵՎԱՆ, 8 ապրիլի․/ԱՌԿԱ/․ Հերթական ճամփորդությունը պլանավորելիս առաջինը սկսում ենք մեր ֆինանսներից՝ որքան գումար կարող ենք տրամադրել այս ճամփորդությանը, ինչպես գտնել շահավետ առաջարկներ և նոր երկրներ բացահայտելիս նաև խնայել։

Եվ ահա, երբ սկսում ենք մտածել գարնանային և ամառային հերթական ճամփորդությունների մասին, պլանավորում ենք՝ ուր գնալ և որտեղ հանգստանալ, IDBank-ը ներկայացնում է իր բացառիկ և idcoin-աշատ նոր առաջարկը։

IDBank-ը մեկնարկում է «All Airlines» արշավը, որի շրջանակում 2026 թվականի ապրիլի 8-ից մինչև հունիսի 30-ը ներառյալ Visa Platinum, Travel, Visa Signature, Visa Infinite և Visa Infinite Special Edition քարտապանները ավիատոմս գնելու դեպքում կարող են ստանալ մինչև 25% idcoin, հաղորդում է բանկի մամուլի ծառայությունը։

Արշավին կարող են մասնակցել ինչպես արդեն գործող, այնպես էլ արշավի ընթացքում պատվիրված համապատասխան քարտերի քարտապանները։ Յուրաքանչյուր քարտապան կարող է ստանալ առավելագույնը մինչև 25 000 idcoin ամսական (հարկումից հետո)՝ անկախ իր քարտերի քանակից։

Կարևոր է նշել, որ տուրիստական ընկերությունից կամ տուրիստական ընկերության միջոցով գնված ավիատոմսերի դիմաց վճարումները չեն մասնակցում արշավին: Իսկ idcoin-ի փոխանցումն իրականացվելու է, եթե վաճառակետն ունի համապատասխան MCC, հակառակ դեպքում քարտապանը պետք է դիմի Բանկին՝ idcoin ստանալու համար։

Արշավը գործում է բոլոր ավիաընկերություններից ավիատոմսի գնման համար։

Արշավի բոլոր մանրամասներին կարող եք ծանոթանալ այստեղ։

ԲԱՆԿԸ ՎԵՐԱՀՍԿՎՈՒՄ Է ՀՀ ԿԲ ԿՈՂՄԻՑ

Համակարգի աշխատանքը լիովին վերականգնված է․ ARCA-ն՝ խափանումների մասին

«Արմենիան Քարդ» ՓԲԸ-ն հայտարարություն է տարածել տեխնիկական խնդիրների վերաբերյալ․

«Տեղեկացնում ենք, որ 08/04/2026-ին՝ 05:30-06:30 ժամանակահատվածում, իրականացվել են համակարգի պլանային թարմացման աշխատանքներ՝ անվտանգության մակարդակի բարձրացման և համակարգի արդյունավետ աշխատանքի ապահովման նպատակով։

Արդյունքում, ժամը 07:30-09:15 ընկած ժամանակահատվածում քարտերի հավաստագրման համակարգում դիտարկվել են որոշակի խափանումներ, ինչի հետևանքով առանձին գործարքներ կարող էին չհավաստագրվել։

Այս պահին համակարգի աշխատանքը լիովին վերականգնված է։

Շնորհակալ ենք Ձեր համբերատարության համար և ներողություն ենք հայցում հնարավոր պատճառված անհարմարությունների համար»,- ասված է հայտարարության մեջ։

Մակրոնն արձագանքել է Իրանի և ԱՄՆ-ի միջև երկշաբաթյա հրադադարի մասին համաձայնագրին

Նա կոչ է արել Լիբանանը ներառել ցանկացած ավելի լայն համաձայնագրի մեջ՝ մատնանշելով երկրի սահմաններին տիրող անկայունության պահպանման ռիսկերը․․․

Թրամփի ջղաձիգ արձագանքը՝ Իրանի «հաղթանակի» մասին


ԱՄՆ նախագահ Դոնալդ Թրամփը մեղադրել է CNN-ին Իրանի կառավարության «կեղծ հաղթանակի» մասին պնդում տարածելու մեջ։ Նա քննադատել է ամերիկյան մեդիահսկային՝ պնդելով,…

Բահրեյնը հայտնել է ԱԹՍ-ի ընկնելու հետևանքով վիրավորված 2 մարդու մասին. Աբու Դաբիում դադարեցվել են Հաբշանի աշխատանքները

Գործակալության տվյալներով՝ միջադեպը տեղի է ունեցել Սիտրա բնակելի թաղամասում․․․

Ավանդույթ դարձած միջոցառում․ ՆԳՆ-ն «Հուսո տանը» տոնական համերգ էր կազմակերպել


Տեսանյութեր


Ապրիլի 6-ը առանձնահատուկ օր էր «Հուսո տուն» բարեգործական կենտրոնի շահառուների համար․ Ներքին գործերի նախարարությունը Մայրության և գեղեցկության տոնի կապակցությամբ գեղեցիկ միջոցառում էր կազմակերպել։

«Նման նախաձեռնությունները մշտական են, մենք միշտ համագործակցում ենք «Հուսո տուն» բարեգործական կենտրոնի հետ։ Շատ կարևորում ենք մարդկանց ժպիտները, այն մեկ ժամը, երբ նրանք կտրվելով առօրյայից՝ սրտանց ուրախանում են»,-ասում է ՆԳՆ մշակույթի կենտրոնի պետ Կարինե Ոսկանյանը։

«Հուսո տան» աշխատակիցների խոսքով՝ սա պարզապես միջոցառում չէր․ այն շահառուների նկատմամբ հոգատարության և ուշադրության յուրահատուկ դրսևորում էր։

«Հուսո տուն բարեգործական կենտրոն» հիմնադրամի տնօրեն Մովսես Պողոսյանի խոսքով՝ «Նման միջոցառումները ոգևորում, գոտեպնդում են՝ հատկապես ընդգծելով գարունը, գալիքը, հույսը։ Ամենակարևորն այն է, որ կենտրոնի շահառուներն ապրում են այդ պահով»։

Միջոցառումը հաջողվեց՝ դրական լիցքեր պարգևելով «Հուսո տուն» բարեգործական կենտրոնի շահառուներին։