Month: April 2026

Մոսկվան ակնկալում է, որ ռուսամետ ուժերը կկարողանան ազատորեն մասնակցել Հայաստանի խորհրդարանական ընտրություններին. ճեպազրույցի ժամանակ հայտարարել է Ռուսաստանի արտաքին գործերի նախարարության խոսնակ Մարիա Զախարովան։

«Մենք չենք կարող անտեսել հանրապետությունում տեղի ունեցող գործընթացները, և ակնկալում ենք, որ ռուսամետ ուժերը կկարողանան ազատորեն մասնակցել Հայաստանի քաղաքացիների կամարտահայտմանը», – ասել է նա։
«Այսպիսով՝ մենք կրկին չենք քննարկում ներքին գործերին միջամտությունը. դա բացառվում է։ Փոխարենը` մենք խոսում ենք այն մասին, որ ապահովվի, որ Հայաստանի բոլոր քաղաքացիները, որոնք ունեն ընտրելու իրավունք, բայց նաև աջակցում են Ռուսաստանի հետ կապերին և հարաբերությունների զարգացմանը՝ հիմնվելով մի շարք ակնհայտ, օբյեկտիվ և անվիճելի գործոնների և փաստերի վրա, նույնպես կարողանան դա անել ազատորեն և ժողովրդավարական ճանապարհով, ինչպես արվում է քաղաքակիրթ երկրներում», – նշել է դիվանագետը։

Ռուսաստանը հետաքրքրված է Հավաքական անվտանգության պայմանագրի կազմակերպությանը (ՀԱՊԿ) Հայաստանի լիիրավ մասնակցությամբ. ճեպազրույցի ժամանակ հայտարարել է Ռուսաստանի արտաքին գործերի նախարարության խոսնակ Մարիա Զախարովան։

«Կա իրավաբանորեն ձևակերպված համաձայնագիր. անվանեք այն ինչպես կուզեք՝ փոխըմբռնում, որոշում, որը հստակ ցույց է տալիս, որ Երևանը ՀԱՊԿ-ի լիիրավ անդամ է՝ դրանից բխող բոլոր իրավունքներով և պարտավորություններով։ Ինչպես մենք բազմիցս ընդգծել ենք, մենք այլ տարբերակ չենք տեսնում», – նշել է Զախարովան՝ հավելելով, որ ոչ ոք որևէ այլ որոշում չի կայացրել՝ չնայած բազմաթիվ բանավոր ենթադրություններին։ «Իհարկե, մենք հետաքրքրված ենք, որ Հայաստանը վերսկսի իր լիիրավ մասնակցությունը մեր համատեղ անվտանգային կառույցի գործունեությանը», – նշել է դիվանագետը։