«Գերմանիայի միլիտարիզացիայի ուղին ունենալու է իր բացասական հետևանքները»․ Գարիկ Քեռյան

«Գերմանիայի միլիտարիզացիայի ուղին ունենալու է իր բացասական հետևանքները»․ Գարիկ Քեռյան

Քաղաքագետ Գարիկ Քեռյանի ֆեյսբուքյան գրառումը. «Վերջին հինգ վեց տարվա միջազգային իրադարձությունները, հատկապես ուկրաինական և իրանական կոշտ պատերազմական ճգնաժամերի հետ կապված, առաջ են բերում լուրջ մտահոգություններ արևմտյան ժողովրդավարական վարչակարգերի քաղաքականության շուրջ: Գործի և խոսքի, իրական նպատակների և բարձրագոչ հռետորաբանության միջև շատ մեծ խզում կա: Այս հանգամանքը հատկապես երևում է Գերմանիայի օրինակով: 20-րդ դարում, լինելով երկու համաշխարհային պատերազմների նախաձեռնողների առաջին շարքում, այս երկիրը պատմական մեծ պատասխանատվության բեռ է կրում մոտ 200 միլիոն զոհերի և ցեղասպանության համար: Գերմանիան նաև հսկայական կորուստներ է կրել և տարածքային, և մարդկային և նյութական առումներով: Գերմանական պատմական հայրենիքի տարածքի մոտ քառասուն տոկոսը այսօր իրենը չեն, դրանք անվերադարձ կորսված են և գտնվում են հարևան պետությունների կազմում: Գերմանական ոգու և ազգային խորհրդանիշ Քյոնիգսբերգն արդեն Կալինինգրադ է: Թվում էր, թե պատմության այս դասերն հաշվի առնելով՝ ինտելեկտուալ շատ բարձր մակարդակի վրա գտնվող գերմանական քաղաքական միտքը այլևս չպետք է կրկնի անցյալի կործանարար սխալները: Բայց ցավոք, այսօր ռազմատենչ հռետորաբանությամբ առանձնանում է կանցլեր Մերցը, նաև նրա նախորդ՝ Շոլցը: Ուկրաինայում անհեռանկար պատերազմը շարունակելու, գերմանական բանակի կարողությունների բազմապատկման և Ռուսաստանի հետ բախման շունչն անընդհատ շեշտադրվում նրանց քաղաքական քայլերում: Դեռ 19-րդ դարում ամենախելոք գերմանացին՝ Բիսմարկը, զգուշացնում էր ռուսների հետ բախման վտանգի մասին: Հնարավոր չէ հաղթել Ռուսաստանին, սա էր նրա ուղերձը ապագա սերունդներին: Գերմանացիները չպետք է մոռանան, որ Կանցլեր Հելմուտ Քոլը կարողացավ հասնել երկրի միավորմանը մեծամասամբ շնորհիվ Կրեմլի հետ ճիշտ քաղաքականության: Նրանք պետք է միշտ հիշեն, որ Կանցլեր Գերհարդ Շրյոդերը Ռուսաստանից ստացվող էներգակիրների ծավալների ավելացմամբ միայն ապահովեց տնտեսական մեծ վերելքը: Այնինչ պատժամիջոցներին միանալով՝ երկիրն ընկղմվում է դեինդուստրալիզացիայի մեջ: Շատ զարմանալի է, որ իրատես չեն բեռլինյան ղեկավարները, հաճախ ընկնում են Բրյուսելի թելադրանքի տակ: Համոզված եմ, որ Գերմանիայի միլիտարիզացիայի ուղին ունենալու է իր բացասական հետևանքները»:

«Պետք է պատասխանատվություն ստանձնել ջահել սերնդի զոհաբերման համար ու հեռանալ»․ Լիլիթ Բլեյան (տեսանյութ)

«Պետք է պատասխանատվություն ստանձնել ջահել սերնդի զոհաբերման համար ու հեռանալ»․ Լիլիթ Բլեյան

Երգչուհի Լիլիթ Բլեյանի ֆեյսբուքյան էջում գրել է․․ «Հայաստանում մահապատիժ չկա, ընդամենը պետք է քաղաքական պատասխանատվություն ստանձնել Արցախի կորստի ու ջահել սերնդի զոհաբերման համար ու հեռանալ»։

Նշենք, որ այսօր ճեպազրույցում Նիկոլ Փաշինյանն ասել է․ «Եթե ժողովուրդը որոշի, որ ես պետք է կանգնեմ գնդակահարության պատի տակ՝ ես կկանգնեմ»։

Իրանը հայտնել է, որ պայմանները Հորմուզի նեղուցում այլեւս երբեք մինչպատերազմյան վիճակին չեն վերադառնա

Անվտանգության ապահովումն իր գինն ունի…

Իրանի խորհրդարանի նախագահը հայտնել է, թե անձամբ ինչ է զգուշացրել ԱՄՆ պատվիրակությանը բանակցություններում

Մոհամադ Բաղեր Ղալիբաֆը Իսլամաբադում ԱՄՆ պատվիրակությանը զգուշացրել է Հորմուզի նեղուցում թեժացումից զերծ մնալու մասին…

Կիևում կրակոցներ են հնչել, կան զոհեր

Կիևի թաղամասերից մեկում ռուսաստանցի մի տղամարդ կրակ է բացել անցորդների վրա, կա վեց զոհ, Reuters-ի փոխանցմամբ՝ հայտնում են իշխանությունները։

Կրակ բացած անձը ոստիկանական գործողությունների արդյունքում սպանվել է: Ուկրաինայի Անվտանգության ծառայությունը հայտարարել է, որ կրակոցների դեպքը հետաքննվում է որպես ահաբեկչական գործողություն, սակայն որևէ շարժառիթ չի ներկայացվել։

Նախագահ Վլադիմիր Զելենսկին հայտնել է, որ կրակոցը տեղի է ունեցել Գոլոսիևսկի շրջանում, որի հետևանքով վիրավորվել է 14 մարդ։

«Գրեթե ամեն օր շների հարձակումներից տուժածներ են տեղափոխվում Գորիսի ԲԿ»․ Արև Աբելյան

«Գրեթե ամեն օր շների հարձակումներից տուժածներ են տեղափոխվում Գորիսի ԲԿ»․ Արև Աբելյան

Լրագրող Արև Աբելյանը ֆեյսբուքյան էջում գրել է․ «Երեկ շան կծածի հետևանքով Գորիսի ԲԿ բերված 9-ամյա երեխային երկար ժամանակ չէին կարողանում հանգստացնել։ Շունը հարձակվել էր ու մեջքից կծել նրան։ Համոզված եմ՝ երեխայի լացը միայն ֆիզիկական ցավից չէր. դա նաև վախի, սթրեսի և ծանր հոգեբանական ապրումների հետևանք էր։
     Ցավալի իրականություն է, բայց գրեթե ամեն օր շների հարձակումներից տուժածներ են տեղափոխվում ԲԿ։ Լինում են օրեր, երբ արձանագրվում է 2–3 նման դեպք։
     Գորիս քաղաքում և ընդհանրապես Սյունիքի մարզում թափառող շների խնդիրը շարունակում է մնալ չլուծված և դարձել է իրական վտանգ՝ հատկապես երեխաների համար։ Տարիներ շարունակ այս հարցը չի ստանում համակարգային լուծում։
     Պարոն Առուշ Առուշանյան,, չնայած պարբերաբար կազմակերպում եք հավաքներ, բայց վստահ եմ, որ հավաքող կազմակերպությունները օրինակ Վայոց Ձորից հավաքած շներին են բերում բաց թողնում այստեղ։ Այսինքն՝ արդյունքը ակնհայտ չէ․ մարդիկ շարունակում են բախվել նույն վտանգին, իսկ թափառող շներն օր օրի տարբեր թաղամասերում ավելանում են։
     Պարոն Արմեն Խաչատրյան, անհրաժեշտ է, որ Ազգային ժողովի մակարդակով հարցը ստանա հստակ օրենսդրական կարգավորում, քանի որ սա խնդիր է ոչ միայն Սյունիքում, այլ ամբողջ Հայաստանում։
     Հ.Գ. Կրկին հորդորում եմ շնասերներին չդարձնել այս հարցը զգացմունքային հակադրության թեմա։ Եթե սիրում եք կենդանիներին՝ հոգ տարեք նրանց մասին։ Առաջարկս նույնն է. տարեք պահեք ձեր տներում։ Իսկ երեխաներին ու առհասարակ բոլորին հեռու պահեք տրավմաներից ու սթրեսներից ու միևնույն ժամանակ ապահովեք մարդկանց անվտանգությունը։
     Մեր հասարակության ամենաբարձր արժեքը մարդն է, և մենք պարտավոր ենք պաշտպանել նրան՝ հատկապես երեխաներին»։

«Ինչքան պիտի շեֆիդ լակեյաբար ծառայող լինես ու պլինտուզի մակարդակի ուղեղ ունենաս, որ ծաղրես մայրությունը»․ Նաիրա Զոհրաբյան (տեսանյութ)

«Ինչքան պիտի շեֆիդ լակեյաբար ծառայող լինես ու պլինտուզի մակարդակի ուղեղ ունենաս, որ ծաղրես մայրությունը»․ Նաիրա Զոհրաբյան

«Ակնհայտ վախի մթնոլորտ է տիրում, Նիկոլ Փաշինյանը անցել է վախի ինչ-որ մի կատաստրոֆիկ փուլի, համատարած ձերբակալություններ են, անհասկանալի ձայնագրությունների հիման վրա կանանց են բերման ենթարկում, տնային կալանքներ են տալիս․․․ Իրենց քաղաքական թիմը հիմնական գործը թողած՝ տեսաուղերձներով սպառնում է՝ «սաղդ նստելու» եք»,- այս մասին «24Նյուզ»-ի եթերում նշեց ԱԺ նախկին պատգամավոր, հասարակական-քաղաքական գործիչ Նաիրա Զոհրաբյանը՝ անդրադառնալով վերջին օրերի իրադարձություններին։

«ՔՊ-ական մի տիկին, ով հավակնում է դառնալ ԱԺ Պետաիրավական հարցերի հանձնաժողովի նախագահ, անբարոյական մեկնաբանություն է անում կրծքով կերակրող կնոջ հասցեին։ Ինչքա՞ն պիտի կինը պլինտուզի տակ պառկած լինի, ինչքան պիտի պլինտուզի մակարդակի ուղեղ ունենաս, ինչքան պիտի քո շեֆին լակեյաբար ծառայող լինես, որ այսպես աջուձախ անվանարկես քաղաքական ընդդիմախոսներին՝ անգամ չխնայելով կանանց և անգամ ծաղրելով մայրությունն ու կրծքով կերակրելը»,- նշեց Զոհրաբյանը՝ հավելելով, որ այս ամենը իշխանության վախի սուբլիմացիան է՝ «իրենց վախերը փորձում են հաղթահարել՝ ահուսարսափ տարածելով»։