Կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։ Բոլոր լրատվական հրապարակումները անհատական օգտագործման համար են։
Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։
Մեծ Բրիտանիայում 26-ամյա Լեոն Գիլեսփիին տուգանել են այն բանի համար, որ մահվան հրեշտակի ընդունված կերպարին համահունչ սեւ գույնի շորեր հագած եւ գերանդի վերցրած, բարձրացած է եղել հիվանդանոցի տանիքը՝ վախեցնելով թե բուժառուներին, թե այցելուներին ու հիվանդանոցի աշխատակազմին։ Այս մասին հայտնում է Mirror պարբերականը։ Այդ կերպարով նա հիվանդանոցի տանիքից որոշ ժամանակ հետեւել է մարդկանց անցուդարձին։ Ահազանգին ի արձագանք, դեպքի վայր են ժամանել իրավապահներն ու հշեջները։
Տղամարդուն բարեհաջող կերպով իջեցրել են տանիքից։ Նա սակայն այդպես էլ չի բացատրել, թե ինչու է այդպես վարվել։ Արդյունքում՝ դատարանը նրան 200 ֆունտ ստերլինգի տուգանք է առաջացրել։ Պարզվել է նաեւ, որ տղամարդը նախկինում կատվի կերեր ու կատուների համար նախատեսված սննդային հավելումներ է գողացել խանութներից եւ դրա համար եւս տուգանքներ է վճարել։
Ուկրաինայի նախագահ Վլադիմիր Զելենսկին պետության ղեկավարի պաշտոնը ստանձնելուց հետո առաջին անգամ այցելել է Սերբիա։ Բելգրադում նա բանակցություններ կվարի երկրի նախագահ Ալեքսանդր Վուչիչի հետ, հայտնում է ուկրաինական ТСН պարբերականը։
Ավելի վաղ Վուչիչը հայտարարել էր, որ Զելենսկուն սպասում է օգոստոսի 8-ին։ Սերբ առաջնորդը նշել է, որ հանդիպման ընթացքում կողմերը կքննարկեն երկկողմ համագործակցության զարգացումը, դրանց թվում՝ տնտեսական և էներգետիկ ոլորտներում, ինչպես նաև փոխադարձ հետաքրքրություն ներկայացնող այլ ուղղություններ։
Հուլիսին Վուչիչն ինքն էր այցելել Կիև, որտեղ մասնակցել էր «Հարավարևելյան Եվրոպա-Ուկրաինա» գագաթնաժողովին։ Այցի արդյունքներով Սերբիայի նախագահը հայտարարել էր նաև ուկրաինական ղեկավարության հետ հետագա շփումների մասին։
Աննա Հակոբյանի հասցեին հնչած բռնության կոչերի և կյանքից զրկելու սպառնալիքների մասին նրա հրապարակումից հետո ՀՀ գլխավոր դատախազությունը տեղեկացրեց, որ նախաձեռնվել է քրեական վարույթ։ Այդ զարգացումների ֆոնին ABC Media-ն հարցում է ուղարկել ՀՀ պետական պահպանության ծառայություն՝ պարզելու, թե ինչ իրավական հիմքով է Աննա Հակոբյանը գտնվում պետական պահպանության ներքո և ինչ կարգավիճակով է օգտվում այդ պաշտպանությունից։
ABC Media-ի հարցմանն ի պատասխան՝ ՀՀ պետական պահպանության ծառայությունը հայտնել է, որ Աննա Հակոբյանը պետական պահպանության ներքո է և համարվում է վարչապետի ընտանիքի անդամ։ Մենք հետաքրքրվել էինք՝ արդյոք Աննա Հակոբյանը ներկայում կամ երբևէ գտնվել կամ գտնվո՞ւմ է պետական պահպանության ներքո, ինչպես նաև՝ հաշվի առնելով, որ Նիկոլ Փաշինյանի և Աննա Հակոբյանի ամուսնությունը պաշտոնապես գրանցված չէ, արդյոք նա օրենքի ուժով ունի՞ վարչապետի ընտանիքի անդամի կարգավիճակ։
Պետական պահպանության ծառայությունը պարզաբանել է, որ թեև նրանց ամուսնությունը գրանցված չէ, Մարդու իրավունքների եվրոպական դատարանի մի շարք մեկնաբանությունների համաձայն՝ համատեղ բնակությունը, ընդհանուր երեխաների առկայությունը, փոխադարձ խնամքը, ինչպես նաև տնտեսական և սոցիալական կապերը թույլ են տալիս նրանց հարաբերությունները դիտարկել որպես ընտանեկան հարաբերություններ։ Հենց այս հիմքով, ծառայության տեղեկացմամբ, Աննա Հակոբյանին տրամադրվում է պետական պահպանություն՝ «Հատուկ պետական պաշտպանության ենթակա անձանց անվտանգության ապահովման մասին» օրենքի 6.1-րդ հոդվածի 3-րդ մասի համաձայն։Այդ դրույթը նախատեսում է, որ վարչապետի պաշտոնավարման ընթացքում պետական պահպանություն տրամադրվում է նաև նրա հետ համատեղ բնակվող և նրան ուղեկցող ընտանիքի անդամներին։ Այսպիսով, Պետական պահպանության ծառայությունը հաստատում է, որ Աննա Հակոբյանի պետական պահպանության իրավական հիմքը ոչ թե պաշտոնապես գրանցված ամուսնությունն է, այլ վարչապետի հետ նրա ընտանեկան հարաբերությունների իրավական գնահատականը և համատեղ բնակության փաստը։
Մինչ Նիկոլ Փաշինյանը շարունակում է պնդել, թե դատական համակարգը սպասարկում է նախկիններին, Գարեգին Բ-ի դատավարական հակառակորդ Արման Սարոյանի և գործով դատախազների նկատմամբ ցուցաբերվող վերաբերմունքը, առնվազն, հակառակ տպավորությունն է ստեղծում՝ քաղաքականից բացի նաև դատավարական հովանավորչության մասին։
Այսօր լրագրողների հետ զրույցում Գարեգին Բ-ի փաստաբան Արա Զոհրաբյանը, պատասխանելով «Հրապարակ»-ի հարցին, ասաց, որ երբեմնի սրբազան Արման Սարոյանը նիստերի դահլիճ է մտել դատավորների համար նախատեսված մուտքով։
«Հրապարակ»-ի տեղեկություններով՝ նույն մուտքից օգտվել են նաև գործով երկու դատախազները։ Ըստ էության, նրանք նախընտրել են խուսափել դատարանի գլխավոր մուտքից և Վեհափառի աջակիցների բազմության միջով անցնելուց՝ օգտվելով դատավորների համար նախատեսված մուտքից։
Բելառուսի նախագահ Ալեքսանդր Լուկաշենկոյին «Զենիթ-ԲելՕՄՕ» ձեռնարկություն կատարած այցի ժամանակ ՆԱՏՕ-ի ստանդարտներով պատրաստված բելառուսական արտադրության հեռադիտակ են հանձնել։ Բելառուսի ղեկավարի՝ տվյալ ձեռնարկություն կատարած այցի տեսանյութը հրապարակել է «Пул Первого» թելեգրամյան ալիքը։
«ԲելՕՄՕ» հոլդինգի գլխավոր տնօրեն Ալեքսանդր Մորոզը, հանձնելով նվերը, պատմել է դրա բնութագրերի մասին։
«Որպես հիշատակ բելառուս օպտիկներին այցելելուց՝ մեր հեռադիտակը… պատրաստված է ՆԱՏՕ-ի ստանդարտով։ Հեռադիտակը գազալցված է, անջրանցիկ, դիմանում է մինչև 5 մետր խորության, չի քրտնում ջերմաստիճանի փոփոխության դեպքում, մինուս 3-ից մինչև պլյուս 3 հիանալի տեսնում է տեսողության առանցքները, և դիօպտրիական կարգավորում չի պահանջում, այսինքն՝ պտտել պետք չէ»,- ասել է նա։
Մորոզը նշել է նաև, որ հեռադիտակն ունի յոթնապատիկ խոշորացում և շատ հարմար է բարձրությունից դիտարկումներ անելու համար։
«Յոթնապատիկ խոշորացում: Վերևից ընդհանրապես ամեն ինչ հիանալի երևում է»,- ասել է նա՝ հիշեցնելով, որ պետության ղեկավարն աշխատանքային այցերի ժամանակ բերքահավաքի արշավի ընթացքին հետևում է ուղղաթիռից։
Լուկաշենկոն, ընդունելով նվերը, պատասխանել է.
«Այդ մենք այսօր կստուգենք: Ես ստուգող ունեմ»:
Դրանից հետո նախագահը շնորհակալություն է հայտնել նվերի համար:
«Շնորհակալություն, սա լավ նվեր է»,- ասել է բելառուս առաջնորդը:
Բացի հեռադիտակից, հոլդինգի ղեկավարը Լուկաշենկոյին նվիրել է օպտիկական ապակուց պատրաստված նկար՝ հեռադիտակով կնոջ և արագիլների պատկերով։
«Սա ինձ աշխատասենյակի համար, Կանանց տարվա առիթով»,- շնորհակալություն է հայտնել նախագահը։
Ինչպես հայտնել են պետության ղեկավարի մամուլի ծառայությունում, «Զենիթ-ԲելՕՄՕ» այցելության ժամանակ Լուկաշենկոյին ներկայացրել են հոլդինգի արտադրանքի լայն տեսականի։ Բացի դրանից, քննարկելով քարհանքային ինքնաթափերի համար ավտոբաղադրիչների թողարկման հարցը, նախագահը արդյունաբերության նախարար Անդրեյ Կուզնեցովին հանձնարարել է յուրացնել բելառուսական տեխնիկայի համար հիդրավլիկ հանգույցների արտադրությունը։
Սպիտակ տունը նոր թշնամիներ է ձեռք բերել․ այս անգամ այն հայտնվել է Marvel-ի երկրպագուների քննադատության թիրախում․ գրում է Euronews-ը։
Սպիտակ տան Instagram-ի պաշտոնական էջում հրապարակված վերջին գրառման մեջ մարվելյան հայտնի հերոս Սարդ-մարդու (Spider-Man) պատկերներն օգտագործվել են ԱՄՆ ներգաղթի և մաքսային հսկողության ծառայությանը (ICE) ներկայացնող տեղեկատվական արշավի շրջանակում։
«Ձեր բարեկամ հարևան ICE գործակալները» (Your friendly neighborhood ICE agents) գրությամբ ուղեկցվող չորս նկարից բաղկացած հրապարակման մեջ երևում է՝ ինչպես է Սարդ-մարդը սարդոստայն արձակում։ Սարդոստայնը վերջին պատկերում հասնում է մի խումբ տղամարդկանց, որոնք հայտնվում են դրա մեջ։ Այս վերջին պատկերի վրա նաև գրված է․ «Հանցագործություն կատարած անօրինական ներգաղթյալները կբացահայտվեն և կարտաքսվեն»։
Այստեղ Սպիտակ տունը դիմել է բառախաղի օգնությանը։ «Your friendly neighborhood ICE agents» («Ձեր բարեկամ հարևան ICE գործակալները») արտահայտությունը կառուցվել է Սարդ-մարդու կողմից հաճախ օգտագործվող «Your Friendly Neighborhood Spider-Man» («Ձեր բարեկամ հարևան Սարդ-մարդը») հայտնի արտահայտության նմանությամբ։ Հերոսը հաճախ է հումորով ինքն իրեն ներկայացնում որպես իր համայնքի սովորական մարդկանց օգնող և պաշտպանող տեղացի հերոս՝ ասելով․ «Եվս մեկ ծառայություն՝ ձեր բարեկամ հարևան Սարդ-մարդուց»։
Հրապարակումը համացանցում բացասական արձագանքների է արժանացել․ օգտատերերը պահանջում են հեռացնել այն, իսկ Marvel-ի երկրպագուները վրդովված են, որ իրենց սիրելի հերոսին օգտագործել են ICE-ի գործունեությունը խթանելու համար։ Շատերը Marvel ընկերությանը կոչ են անում իրավական քայլեր ձեռնարկել։
Դոնալդ Թրամփը և նրա վարչակազմը, սակայն, առաջին անգամը չէ, որ նման քայլի են դիմում․ նրանք հաճախ են օգտագործում փոփ մշակույթի տարրեր ու կերպարներ՝ որպես իրենց «մեմային պատերազմի» (memetic warfare) գործիք։ Վերջերս Սպիտակ տունը հայտնվել էր նաև երգչուհի Քեթի Փերիի քննադատության թիրախում, երբ TikTok-ի իր պաշտոնական էջում հրապարակած ռազմական հարվածների պատկերներով տեսանյութում որպես երաժշտական ուղեկցություն օգտագործել էր Փերիի «Firework» երգը։
