Լեհաստանի Կրակով քաղաքում տեղի ունեցած զանգվածային հրաձգության միջադեպը, որի հետևանքով զոհվել է ինը մարդ, դատախազների կողմից դասակարգվել են որպես ահաբեկչական…
Գերմանիայի հարավում կանոնավոր երթուղով ընթացող ավտոբուսը բախվել է ուղտի, որը երկու այլ կենդանիների հետ փախել էր ցանկապատված արոտավայրից, հայտնում է dpa-ն։
Ուղտը չի տուժել, սակայն ավտոբուսը վնասվել է, կիրակի հայտնել է ոստիկանությունը։
Միջադեպը տեղի է ունեցել շաբաթ առավոտյան՝ ժամը 8:00-ի սահմաններում, Մյունխենից հարավարևելք գտնվող Ռիդերինգ քաղաքի գյուղական ճանապարհներից մեկում։ Ոստիկանության տվյալներով, երեք ուղտ դուրս էին եկել փարախից և հայտնվել ճանապարհի երթևեկելի մասում։ Նրանցից մեկը հայտնվել է ավտոբուսի հարվածի տակ։
Կենդանին վնասվածքներ չի ստացել և վերադարձվել է տերերին՝ շրջիկ տոնավաճառներ կազմակերպող ընկերությանը։
Ավտոբուսի բախտն ավելի քիչ է բերել․ դրա դիմապակին կոտրվել է, իսկ կողային հայելին՝ վնասվել։ Վնասը գնահատվում է մոտ 500 եվրո։
Ոստիկանության նախնական վարկածով, ուղտերը կարող էին փախչել այն պատճառով, որ արոտավայրի էլեկտրական ցանկապատը պատշաճ կերպով տեղադրված չէր։
Ֆրանսիայում երեկ՝ նոյեմբերի 7-ին, կրկին փողոց են դուրս եկել գնաճի ու հանրային ծառայությունների թանկացման դեմ բողոքող քաղաքացիները։ Ցույցերի ընթացքում ոստիկանությունը բերման է ենթարկել 360 ցուցարարի։
Ֆրանսիայի տարբեր քաղաքներում՝ Փարիզ, Մարսել և այլն, փողոց է դուրս եկել, ըստ շուրջ 146․000 մարդ, իսկ ակցիայի կազմակերպիչների հաշվարկներով՝ մասնակիցների թիվը հասել է 250․000-ի:
Չնայած ցույցերի մեծ մասն անցել է համեմատաբար խաղաղ մթնոլորտում, մի շարք հատվածներում և հատկապես չարտոնված երթերի ընթացքում արձանագրվել են բախումներ ցուցարարների և իրավապահ մարմինների միջև: Ոստիկանությունն իրականացրել է ավելի քան 15․000 կանխարգելիչ ստուգումներ և ձերբակալություններ՝ կարգուկանոնը խախտելու ու ոստիկանների վրա հարձակվելու փորձերի համար:
Թուրքիայի նախագահ Ռեջեփ Թայիփ Էրդողանը և նրա ադրբեջանցի գործընկեր Իլհամ Ալիևը համատեղ մամուլի ասուլիսում հայտարարել են Թուրքիայի և Ադրբեջանի «անսասան դաշինքի» և «Հարավային Կովկասում կայուն խաղաղութ…
Մոսկվայի Տվերսկոյ շրջանային դատարանը մայրաքաղաքի խոշոր առևտրի կենտրոնների՝ Columbus-ի, «Պրաժսկի պասաժի» և «Արմադա» կահույքի կենտրոնի նախկին համասեփականատեր Սոլոմոն Մանաշիրովին հեռակա կարգով դատապարտել է 12 տարվա ազատազրկման՝ խիստ ռեժիմի ուղղիչ գաղութում։ Միջազգային հետախուզման մեջ գտնվող գործարարը մեղավոր է ճանաչվել շորթման, հարկերի վճարումից խուսափելու և հանցավոր ճանապարհով ստացված եկամուտների օրինականացման համար, հայտնում է «Коммерсантъ»-ը։
Դատարանը նաև որոշել է բռնագանձել Մանաշիրովի՝ քննության ընթացքում կալանքի տակ դրված 141 մլն ռուբլի արժողությամբ գույքը և բավարարել տուժող կողմի՝ 530 մլն ռուբլու քաղաքացիական հայցը։ Դատավճիռը համապատասխանում է պետական մեղադրողի պահանջած պատժին։
Պարբերականի տվյալներով, Ադրբեջանի Կրասնայա Սլոբոդա ավանում ծնված 55-ամյա Մանաշիրովի նկատմամբ քրեական հետապնդում է սկսվել 2016 թվականի մարտին։ Նրան մեղադրանք է առաջադրվել Մոսկվայի Կիրովոգրադսկայա փողոցում գտնվող առևտրի կենտրոնի սեփականատեր «Կարենֆոր» ընկերության կողմից հարկերի վճարումից խուսափելու համար։
Քննությամբ պարզվել է, որ 2012–2014 թվականներին ընկերությունը չի վճարել շուրջ 978 մլն ռուբլու ավելացված արժեքի հարկ։ Ըստ մեղադրանքի, հետագայում այդ միջոցները լվացվել են 18 փոխկապակցված կազմակերպությունների միջոցով։
Ավելի ուշ գործին ավելացել է շորթման դրվագը։ Ըստ քննության և դատարանի, Սոլոմոն Մանաշիրովն ավագ եղբոր՝ Գենադիի հետ գործարար Ժանուկո Ռաֆայիլովից և նրա եղբորից՝ Դոնից, պահանջել է 5 մլն դոլար՝ նրանց նկատմամբ քրեական հետապնդումը դադարեցնելու դիմաց։ Հարցը լուծելու համար եղբայրները մտադիր էին օգտագործել մայրաքաղաքի ոստիկանների հետ իրենց կապերը։
2015 թվականի նոյեմբերին Ռաֆայիլովի՝ ԱԴԾ-ին դիմելուց հետո, 2 մլն ռուբլու առաջին մասնաբաժինը փոխանցելիս ձերբակալվել են երկու քննիչ և որպես միջնորդ հանդես եկող Գենադի Մանաշիրովը։ 2018 թվականին սխեմայի մասնակիցները դատապարտվել են կոռուպցիոն հանցագործությունների համար։
Գենադի Մանաշիրովը հետագայում կաշառակերությանը միջնորդելու և շորթման համար դատապարտվել է ընդհանուր առմամբ 15 տարվա ազատազրկման՝ խիստ ռեժիմի ուղղիչ գաղութում։ 2026 թվականի սեպտեմբերին սկսվել է նաև նրա դատավարությունը սպանության մեղադրանքով, որը, ըստ քննության, կատարվել է շուրջ 24 տարի առաջ՝ արյան վրեժի շարժառիթով։
Սոլոմոն Մանաշիրովը Ռուսաստանից հեռացել է 2016 թվականին և այդ ժամանակվանից գտնվում է արտերկրում։ Նա ունի իսրայելական անձնագիր։ Նրա նկատմամբ հարուցված քրեական գործը քննվել է ամբաստանյալի բացակայությամբ։
Նոյեմբերի 9-ին ՀՀ արտաքին գործերի և միջազգային առևտրի նախարար Արարատ Միրզոյանն աշխատանքային այցով կգտնվի Էստոնիայի Հանրապետությունում։
Էստոնիայի ԱԳ նախարար Մարգուս Ցահքնա հրավերով՝ նախարար Միրզոյանը պատվո հյուրի կարգավիճակով կմասնակցի Էստոնիայի արտաքին գործերի նախարարության հիմնադրման 108-ամյակին նվիրված հանդիսավոր միջոցառմանը։
