Nvidia-ի հիմնադիր Ջենսեն Հուանգը հեռացել է ընկերության նախագահի պաշտոնից

Nvidia-ի հիմնադիր Ջենսեն Հուանգը հեռացել է ընկերության նախագահի, գլխավոր տնօրենի և տնօրենների խորհրդի անդամի պաշտոններից։

Reuters-ի հաղորդմամբ՝ ընկերությունը հայտարարել է ղեկավարության փոփոխության և մշտական իրավահաջորդի որոնման մեկնարկի մասին։

Գլխավոր տնօրենի պարտականությունները ժամանակավորապես կկատարի ֆինանսական տնօրեն Կոլետ Կրեսը։ Տնօրենների խորհրդի նախագահ է նշանակվել Հարվի Ջոնսը։ Նշենք, որ Nvidia-ում այս պաշտոնը ստեղծվել է առաջին անգամ։

Տնօրենների խորհուրդը կքննարկի ինչպես ընկերության աշխատակիցների, այնպես էլ դրսից առաջադրված թեկնածուներին։

«ՀԱՊԿ-ն մեզ արդեն հետաքրքիր չէ, բայց պատմական իրադարձությունները պետք է ճիշտ ներկայացվեն». Ռուբեն Ռուբինյան (տեսանյութ)

«ՀԱՊԿ-ն մեզ արդեն հետաքրքիր չէ, բայց պատմական իրադարձությունները պետք է ճիշտ ներկայացվեն». Ռուբեն Ռուբինյան

ԱԺ նախագահ Ռուբեն Ռուբինյանը ֆեյսբուքյան իր էջում տեսաուղերձ է հրապարակել ու գրել. «Ճիշտ է՝ ՀԱՊԿ-ն մեզ արդեն հետաքրքիր չէ, բայց պատմական իրադարձությունները պետք է ճիշտ ներկայացվեն»։

Վաշինգտոնում՝ Սպիտակ տան մերձակայքում, անհայտ անձը կրակ է բացել. հինգ մարդ վիրավորվել է

Հինգշաբթի առավոտյան Վաշինգտոնի Լոգան Սըրքլ թաղամասում՝ Սպիտակ տնից մոտ մեկուկես կիլոմետր դեպի հյուսիս, հինգ մարդ հրազենային վիրավորում է ստացել։

Ոստիկանությունը որոնում է կրակողին և զննում դեպքի մի քանի վայրեր։

Մայրաքաղաքի ոստիկանության վարչության ներկայացուցիչ Նիկոլ Դիները հայտնել է, որ կասկածյալը դեռ չի ձերբակալվել, իսկ կրակոցների բոլոր վայրերի ճշգրիտ տեղադրությունը դեռ պարզվում է։ Ոստիկանությունը կատարվածի վերաբերյալ այլ մանրամասներ առայժմ չի հայտնել։

Իրավապահները բնակիչներին կոչ են արել խուսափել 15-րդ փողոցի տարածքից, մասնավորապես՝ թիվ 1500 շենքի շրջակայքի թաղամասից։ Այնտեղ են գտնվում VIDA ֆիթնես կենտրոնը, Սուրբ Ղուկասի եպիսկոպոսական եկեղեցին և բնակելի շենքեր, իսկ մոտակայքում՝ Whole Foods սուպերմարկետը։ Թաղամասի զգալի մասը շրջափակված է, հարակից փողոցներով երթևեկությունը՝ դադարեցված։

Միջադեպի պատճառով մոտակա դպրոցներում սահմանվել է մուտքի և ելքի արգելքի ռեժիմ։ Դեպքի վայր են ուղարկվել նաև Ալկոհոլի, ծխախոտի, հրազենի և պայթուցիկ նյութերի շրջանառության վերահսկման դաշնային բյուրոյի (ATF) աշխատակիցներ, որոնք աջակցում են ոստիկանությանը։

Լոգան Սըրքլը Վաշինգտոնի կենտրոնից ոչ հեռու գտնվող թաղամաս է։ 2025 թվականի օգոստոսին այստեղ մի խումբ դեռահասներ հարձակվել էին Դոնալդ Թրամփի վարչակազմի Պետական կառավարման արդյունավետության դեպարտամենտի (DOGE) նախկին աշխատակցի և մի կնոջ վրա՝ փորձելով առևանգել նրանց ավտոմեքենան։

Հարձակումից մի քանի օր անց Թրամփը հրահանգել էր ուժեղացնել դաշնային վերահսկողությունը Վաշինգտոնի նկատմամբ և հանցավորության դեմ պայքարելու համար քաղաք էր ուղարկել Ազգային գվարդիայի հարյուրավոր զինծառայողների։ Նրանց ներկայությունը քաղաքում շարունակվում է մինչ օրս։

Բաթումում ձերբակալել են, փաստաթղթերի կեղծման, կողոպուտի և թմրանյութերի համար Ինտերպոլից հետախուզվող Թուրքիայի քաղաքացու

Բաթումի ոստիկանության աշխատակիցները ձերբակալել են Թուրքիայի քաղաքացու, որը միջազգային հետախուզման մեջ էր Ինտերպոլի կարմիր ծանուցմամբ, հայտնում է «Գրուզիա Online»-ը՝ հղում անելով երկրի ՆԳՆ-ին։

Գերատեսչության տվյալներով՝ տղամարդը հետախուզվում էր Թուրքիայի իրավապահ մարմինների կողմից մի շարք հանցագործությունների, ներառյալ՝ կողոպուտի, թմրանյութերի ապօրինի շրջանառության և փաստաթղթերի կեղծման մեղադրանքով։

Կասկածյալին ձերբակալել են Բաթումում՝ Աջարիայի ոստիկանության դեպարտամենտի աշխատակիցների իրականացրած օպերատիվ-քննչական միջոցառումների արդյունքում։

Ներկայում ձերբակալվածի նկատմամբ իրականացվում են օրենքով նախատեսված ընթացակարգերը՝ նրան Թուրքիա արտահանձնելու համար։

ՀՀ ներկայիս ղեկավարները կրակի հետ են խաղում․ ՌԴ սենատոր


Հայաստանը ՀԱՊԿԻ–ի նկատմամբ իր քաղաքականության պատճառով կարող է կորցնել ամենահուսալի դաշնակիցներին՝ ի դեմս Ռուսաստանի և կազմակերպության անդամ մյուս պետություն…

Չլիներ ԵՄ աջակցությունը, Փաշինյանի ռեժիմը վաղուց հեռացված կլիներ իշխանությունից


«Ուժեղ Հայաստան» կուսակցությունը երեկ ակցիա էր անում ԵՄ գրասենյակի առաջ` «Արդարություն Արսեն Գեւորգյանի համար» կարգախոսով։ Արսեն Գեւորգյանին, որը փաշինյանակա…

Դուբլինում մեկնարկել է Եվրոպական քաղաքական համայնքի գագաթնաժողովի լիագումար նիստը

Իռլանդիայի մայրաքաղաք Դուբլինում մեկնարկել է Եվրոպական քաղաքական համայնքի (ԵՔՀ) 9-րդ գագաթնաժողովի լիագումար նիստը։ Հանդիպումն անցկացվում է նոյեմբերի 12-ին՝ «Ուժեղ, անվտանգ և փոխկապակցված Եվրոպա» կարգախոսով։

Գագաթնաժողովին մասնակցում են եվրոպական առաջնորդներ, ինչպես նաև միջազգային կազմակերպությունների ներկայացուցիչներ։ Ընդհանուր առմամբ հրավեր է ստացել պետությունների և կառավարությունների 48 ղեկավար, այդ թվում՝ Նիկոլ Փաշինյանը։

Քննարկումների առանցքում են Եվրոպայի անվտանգության և ժողովրդավարական դիմակայունության ամրապնդումը, մրցունակության բարձրացումը, նորարարությունների և տրանսպորտային փոխկապակցվածության զարգացումը, ինչպես նաև էներգառեսուրսների հասանելիությունը։ Առանձին ուշադրություն է դարձվում անվտանգության ոլորտում ընդհանուր մարտահրավերներին և Եվրամիության անդամ ու անդամ չհանդիսացող եվրոպական երկրների միջև համագործակցությանը։

Գագաթնաժողովը համանախագահում են Եվրոպական խորհրդի նախագահ Անտոնիու Կոշտան և Իռլանդիայի վարչապետ Միխոլ Մարտինը։ Հանդիպումն անցկացվում է նոյեմբերի 13-ին նախատեսված՝ Եվրամիության առաջնորդների ոչ պաշտոնական նիստի նախօրեին։

«Փոխոստիկանապետն ասաց՝ եթե ուզում ես ընտանիքդ ապահով լինի, պետք է ասես՝ դու ես արել». Վալոդյա Գրիգորյանի սպանության գործով մեղադրյալ

«Փոխոստիկանապետն ասաց՝ եթե ուզում ես ընտանիքդ ապահով լինի, պետք է ասես՝ դու ես արել». Վալոդյա Գրիգորյանի սպանության գործով մեղադրյալ

Փարաքար համայնքի ղեկավար Վալոդյա Գրիգորյանի սպանության գործով դատական նիստում մեղադրյալներից Գևորգ Հարությունյանը հայտարարեց, որ իրեն սպառնացել են՝ «եթե ուզում ես ընտանիքդ ապահով լինի, պետք է ասես, որ դու ես արել», այս մասին գրում է «Պանորամա»-ն:

Հիշեցնենք՝ մեղադրյալ Գևորգ Հարությունյանն ավելի վաղ կայացած դատական նիստում խոստովանել էր, որ ինքն է սպանությունն իրականացրել՝ նկարագրելով սպանության ընթացքը. «Տան մոտի թփերի հետևում պախկվել եմ, հենց Վալոդյա Գրիգորյանենք դուրս են եկել, վազել եմ դեպի իրենց ու կրակել եմ։ Սաղ ես եմ արել․․․»։

Այսօրվա դատական նիստում Գևորգ Հարությունյանը պատմեց, որ սեպտեմբերի 27-ի առավոտյան զանգահարել են ոստիկանությունից ու կանչել ոստիկանություն, թեև մինչ այդ արդեն իրեն հարցաքննած եղել են։ Ոստիկաններին հանդիպել է Փարաքարի համայնքապետարանի մոտ, միասին գնացել են Էջմիածին՝ ոստիկանություն։

«Ես պատմեցին այդ օրը ուր եմ եղել, ինչով եմ զբաղվել։ Ինձ ուղեկցեցին մի այլ սենյակ, 1.5-2 ժամ մնացի այնտեղ։ Այնուհետև դուռը բացվեց, տարեն այլ սենյակ, ներսում նստած մարդիկ կային։ Հարցրեցին՝ ճանաչում եմ, ասացի՝ ոչ։

Մեր առաջվա ոստիկանապետն էր՝ Արամ… Ասացին հանրապետության ոստիկանապետն է։

Էլի հարցեր տվեցին այդ օրվա հետ կապված։ Նկարագրեցի։ Ասացին՝ տեղյա՞կ ես, որ Նարեկի հայաթից բարսետկա են գտել։ Հանեցին, նկար ցույց տվեցին՝ բարսետկա, կողքը բինոկլ։ Հարցրեցին՝ քոնն է։ Չպատասխանեցի։

Հարցրեցին՝ դո՞ւ ես տարել հայաթ, ինչո՞վ ես օգնել։ Ասացի՝ կապ չունեմ։ Ասացի՝ բարսետկան իմն է, բայց ես ոչ մի բանի հետ կապ չունեմ։

Կրկին տարան ուրիշ սենյակ, ժամերով սպասեցի։ Հետո էլի տարան նույն սենյակը»։

Ոստիկանները կանչել են Գևորգ Հարությունյանի ծնողներին, նրանք խոսել են որդու հետ. «Ասացի ծնողներիս՝ ոչ մի բանի հետ կապ չունեմ։

Ընտանիքիս անդամներին ճանապարհեցին, կես ժամ հետո եկան սենյակ, կանդալները ձեռքերիս գցեցին։

Ասացին՝ ի՞նչ կապ ունես, հեսա կալանավորելու ենք։ Ասում եմ՝ ինչու։ Իբր օժանդակել եմ Նարեկին։

Ասացի՝ բայց չեմ արել այդպիսի բան։

Այդ ժամանակ Վարդան Վարդանյանն էլ էր այդտեղ, եթե չեմ սխալվում՝ փոխոստիկանապետն էր։ Բոլորին ասաց՝ սենյակից դուրս եկեք։

Էլի հարցրեց՝ ի՞նչ կապ ունես այս ամենի հետ։ Ասացի՝ կապ չունեմ։ Ասաց՝ եթե ուզում ես ընտանիքդ ապահով լինի, պետք է ասես, որ դու ես արել։

Չգիտեի՝ ինչ ասեի, ծանր գործը վերցնեմ իմ վրա՞, թե՞ ոչ։ Սովորական գողութուն, խուլիգանություն չէր, էլի։

Ասացին՝ տանը փոքր քուր ունես, մեր, տարիքով պապ ու տատ … Անընդհատ դա էին առաջ բերում, ինձ ասում։ Այդ ամեն ինչից ելնելով՝ վերցրեցի այդ ամենն իմ վրա, քանի որ իմ ընտանիքի հետ կապված նման բաներ էին ասում։

Հետո դուրս եկանք ոստիկանությունից, նստեցինք մեքենան, գնացինք դեպի Մերձավան, Վարդան Վարդանյանն էլ կողքս նստած էր, գնացինք դաշտերը, հենց այն տեղը, որտեղ իբր ես զենքը թաքցրել եմ։ Ցույց տվեցին, այսինքն՝ պետք է ասեմ՝ այստեղ եմ զենքը թողել։ Հետո ճանապարհ ցույց տվեցին, որ պետք է ասեմ՝ այդ ճանապարհով եմ անցել։

Գնացինք Վաղարշապատի ոստիկանություն, ինքնախոստովանական ցուցմունքի պահը եկավ։

Ասացին՝ մի անհանգստացի, ինքնախոստովանական ցուցմունք գրես, 10-12 տարի կդատեն, եթե չգտնեն իրական մեղավորին, կօգնենք՝ վաղաժամկետ դուրս կգաս»։
     Առավել մանրամասն` սկզբնաղբյուրում: