julbaz.mediamonitoring.am

ՀԱԿ-ի այսօր հրավիրած 6-րդ արտահերթ համագումարում հաստատվեց ընտրական ցուցակը։

161 պատվիրակ կողմ քվեարկեց, 1-ը՝ դեմ, 1-ը՝ ձեռնպահ։

Առաջին հնգյակը հետևյալ տեսնք ունի․

1․ Լևոն Զուրաբյան
2․ Արամ Մանուկյան
3․ Տաթև Զորյան
4․ Սամվել Աբրահամյան
5․ Ավետիս Ավագյան

«Մենք չենք ներառել կշիռ ունեցող մի շարք գործիչների ցուցակի առաջին 60 տեղում։ Երիտասարդներին ճանապարհ հարթելու համար նրանք նախընտրել են ընգրկվել ցուցակի վերջում»,-ասաց Սամվել Աբրահամյանը՝ նշելով նրանց անունները՝ Վիկտոր Միրումյան, Միքայել Մարտիրոսյան, Աշոտ Սարգսյան, Արման Լուսինյան։

Կառավարության նիստից հետո Նիկոլ Փաշինյանը պատասխանել է լրագրողների հարցերին։ Ճեպազրույցի առանցքային որոշ կետեր ներկայացնում ենք ստորև․

• Իսկ ո՞վ է ասել, որ մարդը թոշակային տարիքում պետք է գամված լինի իր տանը, իր բակին, մարդիկ պետք է ճամփորդեն։ Պարզ է, որ այսօր թոշակառուները ճամփորդելու հնարավորությունները չունեն, մենք դեռ նոր-նոր նվազագույն սպառողական զամբյուղի շեմն ենք հաղթահարում, բայց համատեղ աշխատանքի արդյունքում մենք, իհարկե, համոզված եմ այդ խնդիրը  կլուծենք։
• Առաջիկայում կարող են ավիաչվերթեր իրականացվել նաև Ստամբուլ–Գյումրի և հակառակ ուղղությամբ։
• Երբ ասում էի, որ այդ ուժերի հաջողությունը նշանակում է պատերազմ, իրենք սկսեցին շատ ակտիվ հակադարձել։ Հիմա այդ մարդիկ բաց խոսում են պատերազմով Ղարաբաղը վերցնելու մասին։ Դա աղետի պոտենցիալ է ՀՀ-ի համար։
• Սամվել Կարապետյանից չեմ վախենում, Սամվել Կարապետյանի համար եմ վախենում, վախենում եմ բոմժ դառնա։ Ահավոր վախենում եմ նրա՝ բոմժ դառնալուց, ընդ որում՝ մինչև տարեվերջ։ 
• Ես էլի ուզում եմ իմ քաղաքական զգացողությունն ասել, որ երեք ուժերից ոչ մեկը չի հաղթահարելու խորհրդարան մտնելու անցողիկ շեմը, ես խոսում եմ պատերազմի եռագլուխ կուսակցության մասին։