
Հայաստանը ՀԱՊԿԻ–ի նկատմամբ իր քաղաքականության պատճառով կարող է կորցնել ամենահուսալի դաշնակիցներին՝ ի դեմս Ռուսաստանի և կազմակերպության անդամ մյուս պետություն…
Ամանորյա ձևավորման աշխատանքներ․ «Հաղթանակ» կամրջի երթևեկությունը ժամանակավորապես կդադարեցվի
Չլիներ ԵՄ աջակցությունը, Փաշինյանի ռեժիմը վաղուց հեռացված կլիներ իշխանությունից

«Ուժեղ Հայաստան» կուսակցությունը երեկ ակցիա էր անում ԵՄ գրասենյակի առաջ` «Արդարություն Արսեն Գեւորգյանի համար» կարգախոսով։ Արսեն Գեւորգյանին, որը փաշինյանակա…
Դուբլինում մեկնարկել է Եվրոպական քաղաքական համայնքի գագաթնաժողովի լիագումար նիստը
Իռլանդիայի մայրաքաղաք Դուբլինում մեկնարկել է Եվրոպական քաղաքական համայնքի (ԵՔՀ) 9-րդ գագաթնաժողովի լիագումար նիստը։ Հանդիպումն անցկացվում է նոյեմբերի 12-ին՝ «Ուժեղ, անվտանգ և փոխկապակցված Եվրոպա» կարգախոսով։
Գագաթնաժողովին մասնակցում են եվրոպական առաջնորդներ, ինչպես նաև միջազգային կազմակերպությունների ներկայացուցիչներ։ Ընդհանուր առմամբ հրավեր է ստացել պետությունների և կառավարությունների 48 ղեկավար, այդ թվում՝ Նիկոլ Փաշինյանը։
Քննարկումների առանցքում են Եվրոպայի անվտանգության և ժողովրդավարական դիմակայունության ամրապնդումը, մրցունակության բարձրացումը, նորարարությունների և տրանսպորտային փոխկապակցվածության զարգացումը, ինչպես նաև էներգառեսուրսների հասանելիությունը։ Առանձին ուշադրություն է դարձվում անվտանգության ոլորտում ընդհանուր մարտահրավերներին և Եվրամիության անդամ ու անդամ չհանդիսացող եվրոպական երկրների միջև համագործակցությանը։
Գագաթնաժողովը համանախագահում են Եվրոպական խորհրդի նախագահ Անտոնիու Կոշտան և Իռլանդիայի վարչապետ Միխոլ Մարտինը։ Հանդիպումն անցկացվում է նոյեմբերի 13-ին նախատեսված՝ Եվրամիության առաջնորդների ոչ պաշտոնական նիստի նախօրեին։
«Փոխոստիկանապետն ասաց՝ եթե ուզում ես ընտանիքդ ապահով լինի, պետք է ասես՝ դու ես արել». Վալոդյա Գրիգորյանի սպանության գործով մեղադրյալ
Երևանի խցանումների պատճառ #2467․ Կատակ չի

Երևանի խցանումների պատճառ #2467 Ամեն հինգշաբթի 15:00 Շենգավիթ դատարան գնում և 18:00 դատարանից դուրս են գալիս՝ – 18 մեղադրյալ – առնվազն 20 պաշտպան – 1 դատավոր…
Թուրքիան հերքում է Սոմալի զորք ուղարկելու մասին լուրերը
Թուրքիայի պաշտպանության նախարարությունը հերքել է Սոմալի 15 000 զինվոր ուղարկելու մասին տեղեկությունները՝ դրանք որակելով որպես իրականությանը չհամապատասխանող, փոխանցում է Ermenihaber.am-ը։
Ավելի վաղ տեղեկություններ էին տարածվել, թե Սոմալիի խնդրանքով Թուրքիան պատրաստվում է երկիր ուղարկել 15 000 զինվորական։
Թուրքիայի պաշտպանության նախարարության խոսնակ Զեքի Աքթյուրքը նշել է, որ Սոմալիում տեղակայված թուրք զինվորականները շարունակում են աջակցել երկրի անվտանգության ուժերին։ Աջակցությունը ներառում է ռազմական օգնություն, զինվորականների ուսուցում և խորհրդատվություն՝ ահաբեկչության դեմ պայքարի կարողությունները զարգացնելու նպատակով։
Հիշեցնենք, որ Թուրքիան Սոմալիում ռազմական ներկայություն ունի և աջակցում է երկրի զինված ուժերի պատրաստմանն ու անվտանգության կարողությունների զարգացմանը։
Հայաստանը՝ առանց ձայնի ՀԱՊԿ-ում. իշխանությունը կառույցը սպառված է համարում, ընդդիմությունն այլընտրանք է պահանջում
Մերցը Պուտինին կոչ է արել համաձայնել Եվրոպայի մասնակցությամբ Ուկրաինայի հարցով բանակցություններին
Գերմանիայի կանցլեր Ֆրիդրիխ Մերցը Ռուսաստանի նախագահ Վլադիմիր Պուտինին կոչ է արել համաձայնել եվրոպական երկրների մասնակցությամբ Ուկրաինայում հակամարտության կարգավորման շուրջ բանակցություններին, հաղորդում է dpa-ն։
«Ես ակնկալում եմ, որ Ռուսաստանի կառավարությունն ու նախագահը վերջապես կհամաձայնեն համատեղ բանակցություններ անցկացնել»,- հայտարարել է Մերցը լրագրողներին հինգշաբթի՝ Դուբլինում եվրոպական առաջնորդների գագաթնաժողովին ժամանելիս։
Երեքշաբթի և չորեքշաբթի Ուկրաինան ու Ռուսաստանը ԱՄՆ-ի միջնորդությամբ վերսկսել են պատերազմի ավարտի շուրջ ուղիղ բանակցությունները։ Հանդիպումները տեղի են ունեցել Աբու Դաբիում՝ վերջին մի քանի ամսվա ընթացքում առաջին անգամ։
ԱՄՆ-ի հատուկ բանագնացներ Սթիվ Ուիթքոֆն ու Ջարեդ Քուշները հինգշաբթի Մոսկվայում հանդիպել են Պուտինի հետ՝ նրան համոզելու համաձայնել ապագա խաղաղ բանակցություններին եվրոպական երկրների մասնակցությանը։
Ռուսաստանի և Ուկրաինայի հետ բանակցություններում Եվրամիությունը ներկայացնողի հարցի շուրջ վերսկսված քննարկումների հետնապատկերին Մերցը որպես եվրոպական հիմնական մասնակիցներ նշել է Գերմանիան, Ֆրանսիան և Մեծ Բրիտանիան։
Այդ երեք երկրները, որոնք հայտնի են որպես E3 ձևաչափ, մինչ այժմ համակարգել են Եվրոպայի հիմնական դիվանագիտական ջանքերը։ Որոշ դեպքերում նրանց միացել են Լեհաստանի կամ Իտալիայի ներկայացուցիչները։
«Ես բացարձակապես որևէ խնդիր չեմ տեսնում ներկայիս ձևաչափը պահպանելու հարցում»,- ասել է կանցլերը։
«Գլխավորն այն է, որ Ռուսաստանը նստի բանակցությունների սեղանի շուրջ և պատրաստ լինի երկխոսության։ Մնացած ամեն ինչ այդ ժամանակ իր տեղը կընկնի»,- հավելել է Մերցը։
Վալոդյա Գրիգորյանի սպանության համար մեղադրվողը սկանդալային հայտարարություններ է արել
Փարաքարի համայնքապետ Վալոդյա Գրիգորյանի սպանության համար մեղադրվող Գևորգ Հարությունյանն այսօր դատարանի դահլիճում հայտարարել է, թե իրեն սպառնացել են, ստիպել են խոստովանել, թե ինքն է սպանել Վալոդյա Գրիգորյանին։
Նա պնդել է, որ սպանության հետ կապ չունի։ Գևորգ Հարությունյանի խոսքով՝ Էջմիածնի ոստիկանությունում հարցաքննության ժամանակ ներկա են եղել բարձրաստիճան ոստիկաններ։
«Ոստիկանության շենքում Վարդան Վարդանյանը, չեմ հիշում՝ այդ ժամանակ ինչ պաշտոն ուներ, եթե չեմ սխալվում՝ փոխոստիկանապետն էր, բոլորին ասաց՝ դուրս գան սենյակից: Մոտեցավ, ասաց՝ «արի նստենք, խոսենք, ասա, թե ինչ կապ ունես այս ամենի հետ», ես էլ ասացի, որ կապ չունեմ, ի՞նչ պետք է ասեմ: Ասաց՝ «եթե ուզում ես, որ ընտանիքդ ապահով լինի, պիտի ասես, որ այս ամեն ինչը դու ես արել»»,- նշել է Գևորգ Հարությունյանը։
Նրա խոսքով՝ ծանր վիճակում է հայտնվել, չէր ուզում վտանգել ընտանիքին, և իր վրա է վերցրել Վալոդյա Գրիգորյանին սպանելու մեղադրանքը։
Նիստից հետո «Ապրելու երկիր» կուսակցության համահիմնադիր Մանե Թանդիլյանը, անդրադառնալով մեղադրյալի սկանդալային հայտարարություններին, ասել է, թե տպավորություն է, թե լավ պարապած ելույթ էր ունենում սպանության համար մեղադրվողը։
«Նրան պատրաստել էին, թե տարաբնույթ հարցերին ինչպես պիտի պատասխանի, և ուղղորդված սցենարով, ըստ որի՝ ինքը պիտի խուսափի պատժից։ Նա այսօր փաստացի ցուցմունք տվեց ոստիկանական համակարգում աշխատող երկու բարձրաստիճան անձանց վերաբերյալ՝ Վարդան Վարդանյանի և Արամ Հովհաննիսյանի։ Այդ երկու անձինք ազատվել են աշխատանքից, հետո վերականգնվել, տարբեր պաշտոններ են զբաղեցրել։ Փաստ է, որ այսօր Գևորգ Հարությունյանը մեղադրեց Վարդան Վարդանյանին ապացույցները կեղծելու, իրեն ահաբեկելու, վախեցնելու համար»,- նշել է Մանե Թանդիլյանը։
Վալոդյա Գրիգորյանի համակուսակիցը ենթադրում է, որ մեղադրյալին ուղղորդել են իր վրա վերցնել մեղքը, ինչը ևս հանցագործություն է։ Բայց այդպիսով մեղադրվողը խոչընդոտել է իրական հանցագործին գտնելու գործընթացին։
Հիշեցնենք՝ 2025-ի սեպտեմբերի 23-ին տան բակում սպանվել է Փարաքարի համայնքապետ Վալոդյա Գրիգորյանը։
Անի Աբաղյան
