Դուբլինում Ալիևը հանդպել է Զելենսկիի հետ

Դուբլինում Ալիևը հանդպել է Զելենսկիի հետ

Ադրբեջանի նախագահ Իլհամ Ալիևը Դուբլինում, որտեղ ընթանում է Եվրոպական քաղաքական հանրության (ԵՔՀ) գագաթնաժողովը, հանդիպել է Ուկրաինայի նախագահ Վլադիմիր Զելենսկիի հետ, հաղորդում է Report լրատվական գործակալությունը։

«Հանդիպման ժամանակ գոհունակությամբ նշվեց նախագահ Վլադիմիր Զելենսկու այցը Ադրբեջան և դրա ընթացքում տեղի ունեցած քննարկումները», – ասվում է հայտարարության մեջ։

Հանդիպման ընթացքում կողմերը քննարկել են առևտրատնտեսական կապերի զարգացումը և պատվիրակությունների միջև փոխադարձ այցելությունների հեռանկարները։ Զելենսկին նաև շնորհակալություն է հայտնել Ադրբեջանին Ուկրաինային ցուցաբերած մարդասիրական օգնության համար, մասնավորապես՝ էլեկտրական սարքավորումների մատակարարման հարցում ցուցաբերած աջակցության համար։

Ուկրաինայում օտարերկրյա զորքերի տեղակայումը կնշանակի պատերազմի շարունակություն․ Պուտինը՝ ԱՄՆ հատուկ բանագնացներին

Ռուսաստանի նախագահ Վլադիմիր Պուտինը ԱՄՆ հատուկ բանագնացներ Սթիվ Ուիթքոֆի և Ջարեդ Քուշների հետ հանդիպման ժամանակ հայտարարել է, որ Ուկրաինայի տարածքում օտարերկրյա զորքերի տեղակայումը կնշանակի պատերազմի շարունակություն։ Այս մասին հաղորդում է ՌԻԱ Նովոստին։

ՌԴ ղեկավարի խոսքով՝ եվրոպական երկրները տեղյակ են Մոսկվայի դիրքորոշմանը, ըստ որի՝ Ուկրաինայում օտարերկրյա զորքերի ներկայությունը Ռուսաստանի համար անընդունելի է։

Պուտինը նաև նախազգուշացրել է, որ «գորշ գոտիների» պահպանումը կխաթարի ձեռք բերված ցանկացած պայմանավորվածության կայունությունը և թույլ չի տա ապահովել երկարաժամկետ խաղաղություն։

Պատերա՞զմ, թե՞ խաղաղություն․ Պուտինը հորդորել է ԱՄՆ-ին աշխատել եվրոպական երկրների հետ՝ որոշելու՝ նրանք ինչ են ցանկանում

Ռուսաստանը կցանկանար, որ Միացյալ Նահանգներն աշխատեր եվրոպական երկրների հետ՝ որոշելու, թե արդյոք նրանք ցանկանում են խաղաղությո՞ւն, թե՞ պատերազմ: Այս մասին հայտարարել է Ռուսաստանի նախագահ Վլադիմիր Պուտինը Կրեմլում ամերիկացի բանագնացների հետ հանդիպման ժամանակ․ գրում է rosbalt.ru-ն։

ԱՄՆ նախագահի հատուկ դեսպանորդ Ջարեդ Քուշները նույնպես բարձրացրել է ուկրաինական հարցի կարգավորմանը Եվրոպայի մասնակցության թեման։ Նա նշել է, որ Վաշինգտոնը տեսնում է եվրոպացիների ցանկությունը՝ միանալ բանակցություններին և վերջ դնել Ուկրաինայի հակամարտությանը:

Քուշները նաև հայտարարել է, որ Միացյալ Նահանգները քննարկումներ է սկսել եվրոպացիների հետ մայրցամաքի անվտանգության ճարտարապետության վերաբերյալ: Նա հույս է հայտնել, որ Կրեմլում կայանալիք հանդիպումը թույլ կտա նրանց քննարկել ուկրաինական հակամարտությանը վերջ դնելու ուղիները:

Ավելի վաղ բանակցությունների ժամանակ Պուտինը հայտարարել էր, որ Ուկրաինայում գտնվող օտարերկրյա զորքն օրինական թիրախ կլինի Ռուսաստանի զինված ուժերի համար:

Քիմ Քարդաշյանը հանուն երեխաների պատրաստ է ներել Քանյեի վիրավորանքները

Քիմ Քարդաշյանը պատրաստ է մի կողմ դնել նախկին ամուսնու հետ ունեցած տարաձայնությունները, միայն թե իրենց չորս երեխաները չկորցնեն կապը հոր հետ։ Ռեալիթի աստղը խոստովանել է, որ նույնիսկ ընտանեկան տոներին հրավիրում է Քանյե Ուեսթին և նրա ներկայիս կնոջը՝ Բիանկա Սենսորիին։

Քիմի խոսքով՝ համատեղ ծնողությունը հեշտ չէ․ ռեփերը երբեմն ամիսներով չի այցելում երեխաներին, և նա ստիպված է լինում բացատրել հոր բացակայությունը՝ չվնասելով նրա կերպարը երեխաների աչքում։

«Ես կփակեմ աչքերս այն բոլոր սարսափելի բաների վրա, որոնք նա ասել է իմ մասին, միայն թե երեխաները կարողանան տեսնել իրենց հորը»,- խոստովանել է Քարդաշյանը։

Նա նույնիսկ առաջարկել է Քանյեին Սուրբ Ծնունդն անցկացնել իրենց տանը՝ Բիանկա Սենսորիի հետ միասին։

Քիմի և Քանյեի հարաբերությունների մասին այս մանրամասները ներկայացվել են աստղի նոր կենսագրականում՝ Citizen Kim: The Woman Who Created the Future։ Գրքի հեղինակ, լրագրող Ջոնաթան Վան Մետերի խոսքով՝ վերջին շրջանում Քանյեն սկսել է ավելի ակտիվ մասնակցություն ունենալ երեխաների կյանքում։

Ադրբեջանում հայտնի գեներալի դուստր է ձերբակալվել․ սկանդալ է


Ադրբեջանում ձերբակալվել է մեդիատոր, իրավական միջնորդ Թուրքյար Ալիևան՝ գեներալ-մայոր Նաթիգ Ալիևի դուստրը, որը նախկինում բարձր պաշտոններ է զբաղեցրել Պաշտպանութ…

Rate.Trading․ Խոշոր գործարքներ՝ փոխարժեքի ռիսկերի թվային կառավարմամբ (ՎԻԴԵՈ)

ԵՐԵՎԱՆ, 12 նոյեմբերի․ /ԱՌԿԱ/․  Անշարժ գույքի ձեռքբերումը հաճախ ուղեկցվում է բազմաթիվ կազմակերպչական հարցերով։ Սակայն խոշոր գործարքների դեպքում կարևոր է հաշվի առնել նաև փոխարժեքի տատանումները, որոնք նույնիսկ փոքր փոփոխության դեպքում կարող են էականորեն ազդել գործարքի վերջնական արժեքի վրա։

Իսկ ինչպե՞ս փոխարժեքի տատանումը խնդրից վերածել օգտակար գործիքի․ ահա 3 պարզ քայլ, որոնք կօգնեն ձեր միջոցներն օգտագործել հնարավորինս արդյունավետ:

  1. Մի՛ շտապեք․ խոշոր գումար փոխանակելիս կարևոր է հետևել փոխարժեքի փոփոխություններին և գործարքը կատարել՝ հաշվի առնելով ձեր ֆինանսական նպատակներն ու նախընտրած պայմանները։
  2. Խնայե՛ք ժամանակը․ խոշոր գումարների փոխանակման համար տարբեր մասնաճյուղեր այցելելու անհրաժեշտություն այլևս չկա։ Թվային հարթակների միջոցով կարող եք կառավարել արժութային գործարքները՝ առանց մասնաճյուղ այցելելու։
  3. Ուշադրությո՛ւն դարձրեք պայմաններին․ խոշոր գումարների փոխանակման դեպքում կարևոր է հաշվի առնել ոչ միայն փոխարժեքը, այլև գործարքի պայմաններն ու սպասարկման վճարները։

            Այս բոլոր մոտեցումները գործնականում կիրառելու և խոշոր գործարքները շահավետ դարձնելու համար Rate.am-ն ու IDBank-ը համատեղ ստեղծել են Rate.Trading հարթակը․ հատուկ մշակված թվային միջավայր, որը լիովին փոխում է խոշոր ծավալի արտարժույթ փոխանակելու պատկերացումները։

Հարթակը թույլ է տալիս առաջարկել ձեր նախընտրած փոխարժեքը՝ ներկայացնելով արտարժույթի գնման կամ վաճառքի համապատասխան հայտ։  IDBank-ի կողմից հայտի հաստատման դեպքում գործարքը կատարվում է անմիջապես բանկի հետ։

Rate.Trading հարթակը հասանելի է Idram&IDBank հավելվածից կամ rate.am կայքից։  Բոլոր առևտրային հաշիվները բացվում և սպասարկվում են IDBank-ի կողմից։

Օգտվե՛ք Rate.Trading-ի հնարավորություններից՝ արժութային գործարքներն առցանց իրականացնելու և փոխարժեքի ռիսկերն ավելի արդյունավետ կառավարելու համար։

            ԲԱՆԿԸ ՎԵՐԱՀՍԿՎՈՒՄ Է ՀՀ ԿԲ ԿՈՂՄԻՑ

Նյու Յորքում շենքի փլուզման հետևանքով զոհերի թիվը հասել է հինգի․ AP

Նյու Յորքի Բրուքլին թաղամասում եռահարկ շենքի փլուզման հետևանքով զոհերի թիվը հասել է հինգի։ Այս մասին հայտնել է Associated Press (AP) գործակալությունը։ Ավելի վաղ Նյու Յորքի քաղաքապետ Զոհրան Մամդանին հայտնել էր երկու զոհի մասին։

AP-ի տեղեկություններով՝ հրշեջները փլատակների տակից դուրս են բերել ևս երեք մարդու դի։ Առնվազն 17 մարդ տարբեր վնասվածքներով հոսպիտալացվել է, նրանցից չորսը ծայրահեղ ծանր վիճակում են։

Հրշեջ ծառայությունն ահազանգը ստացել է տեղական ժամանակով ժամը 16:01-ին։

Անտարկտիդայի վրա օզոնային խոռոչը հասել է վերջին 10 տարվա ամենամեծ չափերին․ Լևոն Ազիզյան

Անտարկտիդայի վրա օզոնային խոռոչը հասել է վերջին 10 տարվա ամենամեծ չափերին, այս մասին գրել է ՇՄՆ «Հիդրոօդերևութաբանության և մոնիթորինգի կենտրոն» ՊՈԱԿ-ի տնօրեն Լևոն Ազիզյանը։

«2026 թվականին Անտարկտիդայի օզոնային խոռոչը դարձել է արբանյակային դիտարկումների ողջ պատմության ընթացքում ամենախոշորներից մեկը՝ NASA-ի և NOAA-ի չափումների 48-ամյա շարքում զբաղեցնելով յոթերորդ տեղը։

Սեզոնային առավելագույնի ժամանակահատվածում՝ սեպտեմբերի 7-ից հոկտեմբերի 13-ը, վերջինիս միջին մակերեսը կազմել է շուրջ 25 մլն կմ²։ Առավելագույն մակերեսը գրանցվել է սեպտեմբերի 18-ին՝ 27,1 մլն կմ²։

Հիմնական պատճառներից մեկը եղել է անտարկտիկական անսովոր խոր և կայուն բևեռային մրրիկը։ Մոլորակային մթնոլորտային ալիքները, որոնք սովորաբար թուլացնում են այն, օգոստոսին և սեպտեմբերին չափազանց թույլ են եղել։ Արդյունքում սառը օդն ավելի երկար է պահպանվել Անտարկտիդայի վերևում՝ նպաստավոր պայմաններ ստեղծելով օզոնի քիմիական քայքայման համար։

Խոր և ցուրտ բևեռային մրրիկը նպաստում է բևեռային ստրատոսֆերային՝ սադափափայլ ամպերի ձևավորմանը։ Այդ ամպերի մասնիկների մակերևույթին տեղի են ունենում քիմիական ռեակցիաներ՝ մարդու գործունեության հետևանքով մթնոլորտ արտանետված քլորի և բրոմի միացությունների մասնակցությամբ։ Երբ գարնանը վերադառնում է արևի լույսը, այդ տարրերի ակտիվ ձևերը սկսում են ինտենսիվորեն քայքայել օզոնը»,-գրել է նա։

Գողական ես դու ա՛յ տղա, ա՛յ խուժան. Բագրատ Սրբազանի գործով թեժ իրավիճակ դատարանում․ ՏԵՍԱՆՅՈՒԹ

Դիտել YouTube-ում

Երևանի ընդհանուր իրավասության դատարանի Շենգավիթի նստավայրում «18 արդարների գործով» հերթական դատական նիստն անցել է լարված մթնոլորտում։

Լարվածության պատճառ է դարձել հանրային մեղադրող Հայկ Հովհաննիսյանի օգտագործած «մերկապարանոց» արտահայտությունը, որն առաջացրել է Բագրատ Սրբազանի զայրույթը։

«Մերկապարանոցը ձեր արածն է, գողակա՛ն ես, այ տղա, թե խուժան»,- արձագանքել է Սրբազանը։

Դրանից հետո դատական նիստերի դահլիճում իրավիճակը սրվել է։ Կարգուկանոնը վերականգնելու և ներկաներին հանդարտեցնելու նպատակով ստիպված են եղել միջամտել դատական կարգադրիչները։

Չէինք կարող պատկերացնել, որ Ստեփանավանի «Ուժեղ Հայաստանի» թեկնածուն հանկարծամահ կլինի և չեն գա


Չէինք կարող պատկերացնել, որ Ստեփանավանի «Ուժեղ Հայաստանի» թեկնածուն հանկարծամահ կլինի և չեն գա