Մադրիդի «Ռեալի» հարձակվող Կիլիան Մբապեն սոցիալական ցանցերի իր էջերում գրառում է կատարել Չեմպիոնների լիգայի քառորդ եզրափակիչ փուլից թիմի դուրս մնալուց հետո։
«Մենք պայքարեցինք մինչև ամենավերջ, սակայն դա բավարար չէր։ Շատ ցավալի է նման կարևոր մրցաշարից դուրս մնալը, բայց պետք է առաջ նայել։ Մենք պետք է ուշադիր վերլուծենք մեր սխալներն ու հետևություններ անենք՝ նման հիասթափությունից կրկին խուսափելու համար։ Մենք երբեք չենք հանձնվի։
«Ռեալում» անհաջողությունը երբեք ընդունելի տարբերակ չի եղել։ Սակայն ես ձեզ մի բան կարող եմ խոստանալ՝ մենք նորից սկսելու ենք հաղթել, ընդ որում՝ շատ շուտով»,- գրել է ֆրանսիացի ֆուտբոլիստը։
Հիշեցնենք, որ երկու խաղերի ընդհանուր արդյունքում «սերուցքայինները» 4։6 հաշվով զիջել են Մյունխենի «Բավարիային» և լքել պայքարը եվրոպական գլխավոր ակումբային մրցաշարում։
