Խորհրդարանում բյուջեի կատարողականի ժամանակ «Հայաստան» խմբակցության պատգամավոր Արթուր Խաչատրյանը, դիմելով Նիկոլ Փաշինյանին, ասել է, որ նա Մովսեսը չէ։
«Դուք ժողովրդին չբերեցի՛ք Ավետյաց երկիր․ Արթուր Խաչատրյան։ Դուք բերեցիք ողբ, ողբերգություն, Արցախի Հանրապետության կորուստ, Հայաստանի 3-րդ Հանրապետության կորուստ։ Դուք Իվան Սուսանինն ենք, այն տարբերությամբ, որ Իվան Սուսանինը կործանեց զավթիչների զորքը, Դուք փորձում եք կործանել սեփական ժողովրդին»,- նշել է պատգամավորը։
ՀՀ ԱԺ նախագահ Ալեն Սիմոնյանի ելույթ է ունեցել Միջխորհրդարանական միության 152-րդ վեհաժողովի ընդհանուր քննարկումներում։ Նա հայտարարել է, որ Հայաստանը պատրաստ է ամրապնդել խաղաղությունը, առաջ մղել երկխոսությունը և իրական հնարավորությունների վերածել այն, սակայն վստահության ամրապնդումը շարունակելու եւ իրական հաշտեցման հասնելու համար դեռեւս առկա են լուրջ մարդասիրական խնդիրներ, որոնք պետք է լուծվեն։
«Ինձ համար մեծ պատիվ է ընդունել Թուրքիայի հրավերը եւ Հայաստանի Հանրապետության Ազգային ժողովի անունից հանդես գալ Միջխորհրդարանական միության 152-րդ վեհաժողովում: Կցանկանայի նշել, որ քննարկվող՝ «Հույսի սերմանում, խաղաղության ապահովում եւ արդարության երաշխավորում ապագա սերունդների համար» թեմայի կարեւորությունը դժվար է գերագնահատել: Թույլ տվեք ասել մի ակնհայտ ճշմարտություն. ծաղկող ներկան եւ ապագան կառուցվում են հույսի, խաղաղության եւ արդարության հիմքերի վրա:
Հայաստանի դեպքում հենց այս գաղափարն է ձեւավորում մեր քաղաքականությունը եւ ուղղորդում մեր գործողությունները: Մենք ձգտում ենք այնպիսի ապագայի, որտեղ բոլորը կունենան սոցիալական եւ տնտեսական բարեկեցության հավասար հնարավորություններ:
Բայց ո՞վ է պարզապես երազում ավելի լավ ապագայի մասին եւ ո՞վ է իրականում այն կերտում: Ապագա սերունդները չեն կարող կառուցել այն աշխարհը, որը ժառանգելու են: Լավագույն դեպքում նրանք կարող են միայն վստահել մեզ, որ մենք խոհեմորեն գործենք իրենց անունից:
Հույսը պահպանում է արդարության հանդեպ մեր ձգտումը եւ վստահելու կարողությունը: Մեր այսօրվա գործողությունները պետք է ծառայեն այդ վստահության կառուցմանը: Գալիք սերունդները պետք է հավատան, որ խաղաղությունը, որը մենք այսօր կառուցում ենք, տեւական է:
Չսխալվեք. մեր աշխարհի ճեղքերը խոր ու լուրջ են: Մենք խորապես մտահոգված ենք Իրանում ստեղծված իրավիճակով, եւ իմ աղոթքներն ուղղված են Իրանի ժողովրդին: Լիբանանի ճգնաժամը եւս չի կարելի անտեսել: Անշուշտ, մեր առջեւ ծառացած փորձությունը ծանր է: Սակայն ո՞վ, եթե ոչ մենք, ունենք ուժ եւ բարոյական պարտավորություն՝ բուժելու մեր աշխարհը:
Հայաստանը լիովին ընդունում է իր այդ պատասխանատվությունը:
2025 թվականին Հայաստանի, Ադրբեջանի եւ ԱՄՆ-ի առաջնորդների կողմից ստորագրված համաձայնագրից հետո մեր տարածաշրջանում խաղաղություն է տիրում: Սա, իրապես, մեծագույն նվաճում է: Սակայն մեր տեսլականն ավելի լայն է: Մենք հրավիրում ենք Թուրքիային դառնալու գործընկեր եւ միանալու մեզ խաղաղության կտավը հյուսելու գործում: Այս նպատակով մենք պատրաստ ենք խորացնել մեր հարաբերությունները Թուրքիայի հետ:
Տասնամյակների անվստահությունից ու թշնամանքից հետո Հայաստանի եւ Ադրբեջանի միջեւ վստահության ձեւավորման նոր դարաշրջան է սկսվել: Այս առաջընթացն ամրապնդելու ջանքերն այժմ ուղղված են հաղորդակցությունների ամրապնդմանը եւ տեղում խաղաղությունն արդյունավետորեն իրականության վերածելու ապահովմանը:
«Թրամփի ուղի՝ հանուն միջազգային խաղաղության եւ բարգավաճման» (ԹՐԻՓՓ) նախագծի իրականացումը եւս մեկ կարեւոր հանգրվան է: Այս նախաձեռնությունը նպատակ ունի միաժամանակ զարգացնելու տարածաշրջանային կապերը եւ ընդլայնելու միջազգային առեւտրային ուղիները:
Հիմնված լինելով ինքնիշխանության, տարածքային ամբողջականության եւ իրավասության սկզբունքների վրա՝ ԹՐԻՓՓ-ն ունի Հարավայի Կովկասում եւ դրա սահմաններից դուրս կայունությունը, տնտեսական համագործակցությունը եւ բարգավաճումը խթանելու ներուժ:
Կարգավորման հուսադրող նշաններն անհերքելի են: Տարիների ընթացքում առաջին անգամ Հայաստանի եւ Ադրբեջանի միջեւ առեւտուրը սկսել է ձեւավորվել: Ադրբեջանական ապրանքների ներմուծումը Հայաստան խորհրդանշական եւ գործնական քայլ է տնտեսական կապերի վերականգնման տեսանկյունից: Սրանք խաղաղության արդյունքներն են՝ շոշափելի բարելավումներ, որոնք անմիջականորեն օգուտ են բերում մեր ժողովրդին:
Միեւնույն ժամանակ, դեռեւս առկա են լուրջ մարդասիրական խնդիրներ, որոնք պետք է լուծվեն: Վստահության ամրապնդումը շարունակելու եւ իրական հաշտեցման հասնելու համար Ադրբեջանում պահվող 19 հայերը պետք է ազատ արձակվեն եւ վերամիավորվեն իրենց ընտանիքների հետ, իսկ անհետ կորած մյուս անձանց ճակատագրերը պետք է պարզվեն:
Հարգելի՛ գործընկերներ,
Հիմա առաջնահերթությունները սահմանելու ժամանակն է, եւ ապագա սերունդների բարօրության համար մենք դրանք պետք է ընտրենք իմաստուն կերպով: Եվ ովքե՞ր են հաջորդ սերունդները: Նրանք մեր երեխաներն ու թոռներն են: Մեր սուրբ պարտականությունն է արժանի լինել նրանց՝ թողնելով ոչ թե պատերազմի, այլ խաղաղության ժառանգություն»:
Դեպի արդար, թափանցիկ և թվային ապագա․ հարկային ու մաքսային վարչարարության արմատական բարեփոխումների նոր փուլում, ինչպես նաև Հարկ վճարողի օրվա նախաշեմին՝ ՊԵԿ նախագահ Էդուարդ Հակոբյանը հանդիպել է խոշոր և միջին բիզնեսի ներկայացուցիչների հետ։ Այդ մասին հայտնում են ՊԵԿ-ից:
Ողջունելով հանդիպման մասնակիցներին՝ ՊԵԿ նախագահը կարևորել է տնտեսվարողների հետ գործընկերային հարաբերությունների ձևավորման և ամրապնդման անհրաժեշտությունը․ «Մեզ համար առաջնային է հարկ վճարողների հետ ձևավորել նոր որակի հարաբերություն՝ հիմնված վստահության, բաց երկխոսության, մարդակենտրոն մոտեցման և կամավոր կարգապահության վրա։ Այս սկզբունքներն են դրված ՊԵԿ առաքելության և տեսլականի հիմքում․ մեր նպատակն է ստեղծել այնպիսի միջավայր, որտեղ օրինապահությունը դառնում է գիտակցված ընտրություն՝ արժեք ստեղծելով թե՛ իրենց, թե՛ պետության համար»։ ՊԵԿ նախագահի խոսքով՝ այս ուղղությամբ առանցքային դեր ունեն թվայնացումը, վերլուծական գործիքների զարգացումը և արհեստական բանականության կիրառումը։ Փոփոխությունները նպաստում են արդար մրցակցության ձևավորմանը, բարձրացնում են վստահությունը և միտված են հանրային բարեկեցության աճին։
Կոմիտեի ղեկավարը կարևոր ձեռքբերում է համարել նաև այն, որ 2017 թվականից ի վեր հարկային եկամուտներն աճել են շուրջ 2.4 անգամ․ «Մեր համատեղ ստեղծված արդյունքի (ՀՆԱ-ի) մոտ 24 տոկոսը հարկերի տեսքով վերադառնում է պետական բյուջե՝ ուղղվելով հանրային կարևոր ծրագրերի և նախաձեռնությունների իրականացմանը, որոնք այլ պայմաններում հնարավոր չէին լինի»։
Հանդիպման ընթացքում կարևորվել է բիզնեսի հետ բաց և շարունակական հաղորդակցությունը, որը հնարավորություն է տալիս ոչ միայն բարձրաձայնել խնդիրները, այլև համատեղ գտնել դրանց լուծումները՝ նոր գաղափարների և գործնական նախաձեռնությունների միջոցով։ «Վստահ եմ՝ միասին շարունակելու ենք զարգացնել հարկ վճարելու մշակույթը, որը գնալով ամրապնդվում է՝ մարդկանց կողմից իրենց վճարած հարկերի արդյունքը տեսնելու շնորհիվ»,- ասել է Էդուարդ Հակոբյանը։
Հանդիպման ընթացքում ներկայացվել են նաև հարկային և մաքսային վարչարարության բարեփոխումների ընթացքը և նոր նախաձեռնությունները, ինչպես նաև զարգացման հեռանկարները։ Հանդիպումն անցկացվել է բաց և կառուցողական մթնոլորտում՝ հարցուպատասխան ձևաչափով։ Կողմերը վերահաստատել են պատրաստակամությունը շարունակելու համագործակցությունը և նման ձևաչափով հանդիպումները։
Հայաստանի համար լավագույն ռազմավարական տարբերակը Ռուսաստանից կախվածության վերականգնումը կամ Արևմուտքի հետ լիակատար գործակցությունը չէ, այլ ինքնապաշտպանության, հավասարակշռված դիվանագիտության և ինստիտուցիոնալ ուժի աջակցությամբ` հավաստի չեզոքության դոկտրինը. գրում է Modern Diplomacy-ն։
Քանի որ Իրանի դեմ ԱՄՆ-Իսրայել պատերազմը վերաձևավորում է տարածաշրջանը, և Հայաստանը շարունակում է ենթարկվել տարածաշրջանային տերությունների ճնշումներին, որևէ դաշինքի հետ բացառիկ գործակցությունը կմեծացնի նրա խոցելիությունը, այլ ոչ թե կնվազեցնի այն։
Ինչպես նշվում է, Իրանի դեմ ընդլայնվող պատերազմը պարզապես ևս մի մերձավորարևելյան ճգնաժամ չէ։ Այն վերաձևավորում է Հարավային Կովկասի շուրջ ռազմավարական միջավայրը և բացահայտում, թե որքան խոցելի են փոքր պետությունները, երբ տարածաշրջանային կարգը փոխվում է։ Իրանին սահմանակից և դեռևս անվտանգության ռիսկերի առաջ կանգնած Հայաստանն անմիջականորեն ենթարկվում է հետևանքներին։
Հայաստանը չի կարող թույլ տալ իրեն մեկուսանալ Արևմուտքից, բայց նաև չի կարող գոյատևել՝ յուրաքանչյուր տարածաշրջանային հարաբերություն վերածելով այս կամ այն դաշինքի նկատմամբ հավատարմության փորձության:
2020 թվականից ի վեր Հայաստանն ապրել է պատերազմ, զանգվածային տեղահանություններ, ռուսական անվտանգության հովանոցի ձախողում և հակամարտությունների հետևանքների տարածում Հարավային Կովկասից շատ ավելի հեռու: Այժմ ԱՄՆ-ի պատերազմն Իրանի դեմ ավելացնում է անորոշության ևս մի շերտ:
Ըստ հոդվածի՝ ավելի չեզոք Հայաստանը կարող է ավելի լավ ծառայել ԱՄՆ-ի և Եվրոպայի շահերին՝ ավելի կայուն սահմանային պետություն, կամուրջ Արևմուտքի և Արևելքի միջև, ավելի բաց բազմազան տնտեսական կապերի համար։
ԱՄՆ-ն իր եվրոպացի գործընկերներին տեղեկացրել է, որ ավելի վաղ կնքված պայմանագրերով որոշ զենքերի մատակարարումները կարող են հետաձգվել, քանի որ Մերձավոր Արևելքում…
