Իրանի գերագույն առաջնորդ Մոջթաբա Խամենեին հայտարարել է, որ երկիրը պատրաստվում է Հորմուզի նեղուցի կառավարման քաղաքականության «նոր փուլին»։
Պետական հեռուստատեսությամբ տարածված հայտարարության մեջ նա ընդգծել է, որ Իրանը պահանջում է փոխհատուցում իր կրած կորուստների համար և չի հրաժարվի իր իրավունքներից։
«Իրանը կփորձի վրեժ լուծել իր վրա հարձակումների համար և Հորմուզի նեղուցի կառավարումը կտեղափոխի նոր փուլ»,-ասված է հայտարարության մեջ։
Հայաստանը շարժվում է դեպի վճռորոշ խորհրդարանական ընտրություններ՝ հունիսի 7-ին, և դրանց նշանակությունը դժվար է գերագնահատել. գրել է ԱԳ նախկին նախարար Վարդան Օսկանյանը։
«Երկրի ողջ տարածքում զգացվում է հոգնածություն, հիասթափություն և դժգոհություն՝ ութ տարվա ընթացքում կուտակված ազգային ցնցումների, կորուստների, բոլոր տեսակի ձախողումների և ապագայի անորոշության հետևանքով։
Միևնույն ժամանակ, այս ընտրությունները տեղի են ունենում նոր քաղաքական միջավայրում, որտեղ արդեն ձևավորվել են մի շարք լուրջ և վստահելի ընդդիմադիր քաղաքական դաշինքներ, որոնք աչքի են ընկնում իրենց ծրագրերով, փորձով և կառավարման կարողությամբ։ Առանձին թե միասին՝ այս դաշինքները կարող են ապահովել խորհրդարանական հստակ մեծամասնություն։
Համենայնդեպս, այս իրականության պայմաններում ընդդիմության և հայ հասարակության նպատակը չպետք է լինի միայն այն, որ թույլ չտան, որպեսզի Փաշինյանը ստանա պարզ մեծամասնություն, այլ նաև այն, որ նրա կուսակցությունը չհաղթահարի նույնիսկ խորհրդարան մուտք գործելու նվազագույն շեմը։
Վերջիվերջո, այս ընտրությունները վերաբերում են հայ հասարակության իրական տրամադրությունները հստակ քաղաքական արդյունքի վերածելուն։ Պայմանները առկա են՝ դժգոհ ընտրազանգված, հիասթափված, հուսալքված ու նվաստացած հասարակություն, վստահելի ու հեռանկարային խաղաղության և զարգացման ծրագրեր, ինչպես նաև ընդհանուր գիտակցում, որ ներկա ընթացքը անընդունելի է։
Եթե հավաքական ընդդիմությունը և ընտրողները գործեն հստակությամբ և նպատակասլացությամբ, արդյունքը կարող է լինել ոչ միայն պարզ իշխանափոխություն, այլև արմատական ու լիարժեք քաղաքական վերակառուցում։
Իրոք, մեծ հնարավորություն կա ոչ միայն փոխել իշխանությունը, այլև մեկընդմիշտ փակել և հիշողությունից ջնջել մի փուլ, որը արդեն համարվում է երկրի ամենածանր և նվաստացուցիչ ժամանակը, և բացել նորը՝ հիմնված արժանապատվության, պատասխանատվության, կարողության և ազգային վերականգնման վրա»,- գրել է նա։
Մեր տեղեկություններով՝ առողջապահության նախարար Անահիտ Ավանեսյանն այսօր Ազգային ժողովում առողջապահության պարտադիր ապահովագրության թեմայով փակ քննարկման է մասն…
Իսրայելը և Լիբանանը պաշտոնապես սկսում են բանակցություններ հրադադարի և երկարատև խաղաղության համար։ Այս մասին հաղորդում են իսրայելական լրատվամիջոցները՝ վկայակո…
2025 թվականին Կովկասում ամենավատ օդի որակն ունեցել է Հայաստանը։ Երկիրը «Համաշխարհային օդի որակի զեկույցում» 2025 թվականին զբաղեցրել է 24-րդ տեղը՝ գրանցելով 26.9 միկրոգրամ PM2.5 մասնիկներ 1 խորանարդ մետրում, ինչը գերազանցում է թույլատրելի չափը 5-7 անգամ։
Կովկասում Ադրբեջանը միակ պետությունն է, որը ցույց է տվել օդի որակի աննշան բարելավում: Երկիրը 2025 թվականի IQAir վարկանիշային աղյուսակում հայտնվել է 59-րդ հորիզոնականում՝ նախորդ տարվա 49-րդ տեղից հետո:
Վրաստանը 2025 թվականի ցուցակում զբաղեցրել է 56-րդ տեղը։
PM2.5-ը սահմանվում է որպես մանր աէրոզոլային մասնիկներ, որոնց տրամագիծը մինչև 2.5 միկրոն է։ PM2.5-ն առաջանում է տրանսպորտային միջոցների արտանետումներից, ծանր արդյունաբերական գործընթացներից, էլեկտրաէներգիայի արտադրությունից, գյուղատնտեսությունից, շինարարությունից, ինչպես նաև ածխի և փայտի այրումից։
PM2.5-ի բնական աղբյուրներից են ավազամրրիկները, անտառային հրդեհները և հրաբխային ժայթքումները։
