Կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։ Բոլոր լրատվական հրապարակումները անհատական օգտագործման համար են։
Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։
Մինչ Պեկինում ընթանում է տարվա ամենասպասված գագաթնաժողովներից մեկը ԱՄՆ նախագահ Դոնալդ Թրամփի և Չինաստանի նախագահ Սի Ծինպինի միջև, Եվրոպան բանակցություններին հետևում է փաստացի կողքից և աճող տագնապով, գրում է Euronews-ը։
Բրյուսելի համար այս հանդիպումը վերաբերում է ոչ միայն ամերիկա-չինական հարաբերություններին, այլև հենց Եվրամիության ապագային, որը վտանգում է հայտնվելու երկու գերտերությունների արանքում, որոնք առևտրի, տեխնոլոգիաների, էներգետիկայի և անվտանգության ոլորտներում կնքում են ռազմավարական գործարքներ՝ առանց հաշվի առնելու եվրոպական շահերը։
Եվրոպայի գլխավոր վախը կապված է հազվագյուտ հողային մետաղների հետ, որոնք կրիտիկական նշանակության ռեսուրսներ են էլեկտրամոբիլների, կիսահաղորդիչների, կանաչ տեխնոլոգիաների և պաշտպանական արդյունաբերության համար։ Չինաստանը դեռևս վերահսկում է համաշխարհային մատակարարումների մեծ մասը, և Բրյուսելում երկյուղ ունեն, որ Վաշինգտոնի և Պեկինի միջև հնարավոր համաձայնությունը կարող է ԱՄՆ-ի համար ապահովել առաջնահերթ հասանելիություն այդ ռեսուրսներին՝ Եվրոպային թողնելով խոցելի վիճակում՝ դեֆիցիտի և արտահանման սահմանափակումների առջև։
Իրավիճակն առանձնակի սուր է ընկալվում Գերմանիայում, որտեղ արդյունաբերությունն արդեն իսկ բախվում է ծանր հազվագյուտ հողային տարրերի մատակարարումների նկատմամբ չինական վերահսկողության հետևանքներին։ Չնայած մատակարարման շղթաները դիվերսիֆիկացնելու ԵՄ փորձերին, փորձագետները խոստովանում են, որ Չինաստանին լիարժեք այլընտրանք գտնելը մնում է տարիների խնդիր։
Լրացուցիչ սպառնալիք է ԱՄՆ-ի և Չինաստանի միջև այսպես կոչված «կառավարվող առևտրային գործարքի» հնարավորությունը, որի դեպքում Եվրոպան կարող է դառնալ կողմնակի վնաս կրող: Այս սցենարում չինական ավելցուկային հզորությունները, հատկապես էլեկտրամոբիլների, մարտկոցների և արդյունաբերական արտադրանքի հատվածներում, կարող են վերաուղղորդվել դեպի եվրոպական շուկա՝ ուժեղացնելով ճնշումը ԵՄ արտադրողների վրա:
Արդեն իսկ չինական էլեկտրամոբիլները զգալիորեն էժան են եվրոպական նմանակներից, իսկ արտահանման հետագա աճը կարող է լուրջ կերպով հարվածել Եվրոպայի ավտոարդյունաբերության դիրքերին:
Փորձագետները նաև զգուշացնում են, որ Թրամփի և Սիի բանակցությունները դառնում են էլ ավելի երկկողմանի, որտեղ եվրոպական շահերը գործնականում ներկայացված չեն: Վերլուծաբանների գնահատմամբ՝ Թրամփը կենտրոնացած է բացառապես ամերիկյան օգուտների, այլ ոչ թե դաշնակիցների պաշտպանության վրա:
Միևնույն ժամանակ, ԱՄՆ-ի և Չինաստանի միջև հարաբերությունների վատթարացումը նույնպես ռիսկեր է պարունակում Եվրոպայի համար. նոր առևտրային պատերազմը կարող է հանգեցնել համաշխարհային պահանջարկի թուլացման, մատակարարման շղթաների խափանումների և ֆինանսական անկայունության աճի:
Այս ֆոնին Եվրամիությունն արդեն պատրաստվում է հնարավոր բացասական սցենարներին: Բրյուսելում ընդգծում են արդյունաբերական քաղաքականությունն ուժեղացնելու և եվրոպական ընկերություններն անարդար մրցակցությունից պաշտպանելու պատրաստակամությունը:
Այնուամենայնիվ, Պեկինի գագաթնաժողովը հստակ ցույց է տալիս ժամանակակից Եվրոպայի առանցքային խնդիրը. շատ ռազմավարական որոշումներ, որոնք կարող են սահմանել Եվրոպայի տնտեսական ապագան, ավելի ու ավելի հաճախ ընդունվում են առանց նրա մասնակցության՝ Վաշինգտոնի և Պեկինի միջև երկխոսության ընթացքում:
ԵՐԵՎԱՆ, 13 մայիսի․/ԱՌԿԱ/․Հայաստանի վարկային կազմակերպությունների համախառն ակտիվները 2026 թ․-ի մարտի 31-ի դրությամբ կազմել են 882,4 մլրդ դրամ՝ 2025 թվականի մարտի 31-ի համեմատ աճելով 11,87%-ով։
Այս մասին են վկայում Հայաստանի վարկային կազմակերպությունների ամփոփ ֆինանսական հաշվետվության տվյալները։
Նախորդ եռամսյակի վերջի (31.12.2025) ցուցանիշի համեմատ ոլորտի ակտիվների աճը կազմել է 2,47%։
Ակտիվների կառուցվածքում զգալի մասը (76,2%) զբաղեցնում են հաճախորդներին տրամադրված վարկերը և այլ փոխառությունները, լիզինգային գործառնությունները, որոնց ծավալը 2026 թ․-ի մարտի վերջին կազմել է 670,8 մլրդ դրամ։
Վարկանիշային աղյուսակի կազմման աղբյուրը «ԱՌԿԱ» գործակալության «Հայաստանի վարկային կազմակերպությունները. 2026 թ. I եռամսյակի օպերատիվ տվյալներ» տեղեկագիրն է, որը պատրաստվել է վարկային կազմակերպությունների պաշտոնական հաշվետվությունների հիման վրա։
Տվյալ տեղեկագիրը և գործակալության այլ տեղեկատվական պրոդուկտները ձեռք բերելու համար խնդրում ենք դիմել մարքեթինգի բաժին (էլ. փոստ՝ [email protected])։
ԵՐԵՎԱՆ, 13 մայիսի․/ԱՌԿԱ/․Հայաստանի վարկային կազմակերպությունների համախառն ակտիվները 2026 թ․-ի մարտի 31-ի դրությամբ կազմել են 882,4 մլրդ դրամ՝ 2025 թվականի մարտի 31-ի համեմատ աճելով 11,87%-ով։
Այս մասին են վկայում Հայաստանի վարկային կազմակերպությունների ամփոփ ֆինանսական հաշվետվության տվյալները։
Նախորդ եռամսյակի վերջի (31.12.2025) ցուցանիշի համեմատ ոլորտի ակտիվների աճը կազմել է 2,47%։
Ակտիվների կառուցվածքում զգալի մասը (76,2%) զբաղեցնում են հաճախորդներին տրամադրված վարկերը և այլ փոխառությունները, լիզինգային գործառնությունները, որոնց ծավալը 2026 թ․-ի մարտի վերջին կազմել է 670,8 մլրդ դրամ։
Վարկանիշային աղյուսակի կազմման աղբյուրը «ԱՌԿԱ» գործակալության «Հայաստանի վարկային կազմակերպությունները. 2026 թ. I եռամսյակի օպերատիվ տվյալներ» տեղեկագիրն է, որը պատրաստվել է վարկային կազմակերպությունների պաշտոնական հաշվետվությունների հիման վրա։
Տվյալ տեղեկագիրը և գործակալության այլ տեղեկատվական պրոդուկտները ձեռք բերելու համար խնդրում ենք դիմել մարքեթինգի բաժին (էլ. փոստ՝ [email protected])։
Մայիսի 11-ին Համայնքային ոստիկանության Աշտարակի բաժնում տեղեկություն է ստացվել, որ Կարբի բնակավայրի դպրոցներից մեկում 13-ամյա անչափահասը դասընկերների կողմից պարբերաբար բռնության է ենթարկվում։
Միջադեպի վերաբերյալ ո՛չ ուսումնական հաստատությունը, ո՛չ անչափահասի ծնողները ՆԳՆ ոստիկանություն հաղորդում չեն ներկայացրել։
Աշտարակի համայնքային ոստիկանների տեղեկություններով պարզվել է, որ ապրիլի 17-ին անչափահասի և համադասարանցիների միջև տեղի է ունեցել հրմշտոց, որին միջամտել են դասընկերները, այնուհետև տեղեկացրել են դասղեկին։
Անչափահասի մայրը մայիսի 11-ին հրավիրվել է Համայնքային ոստիկանության Աշտարակի բաժին, որտեղ հաղորդում է ներկայացրել, որ հրմշտոցի ընթացքում հարվածել են որդու գլխին, ինչի հետևանքով նա ուշագնաց է եղել և բուժօգնության տեղափոխվել Կարբիի բուժամբուլատորիա, այնուհետև «Սուրբ Աստվածամայր» բժշկական կենտրոն։
Համայնքային ոստիկանները ձեռնարկած միջոցառումներով պարզել են վիճաբանության մասնակիցների ինքնությունը։
ՆԳ նախարարի անունից դեպքի վերաբերյալ միջնորդագիր է ներկայացվել ԿԳՄՍ նախարարին։
Կազմված փաստաթղթերը ներկայացվել են Արագածոտնի մարզային քննչական վարչություն:
Ռուսաստանի և Հնդկաստանի արտաքին գործերի նախարարները քննարկել են տարբեր ոլորտներում, այդ թվում՝ առևտրի, էներգետիկայի և տեխնոլոգիաների ոլորտում համագործակցությունը․ սոցիալական ցանցերում հայտնել է Հնդկաստանի արտաքին գործերի նախարար Սուբրամանյամ Ջայշանկարը։
«Զրույցը շոշափել է մեր հատուկ և արտոնյալ ռազմավարական գործընկերության մի քանի ոլորտ, այդ թվում՝ առևտուրն ու ներդրումները, էներգետիկ և տրանսպորտային ենթակառուցվածքները, գիտությունն ու տեխնոլոգիաները», – գրել է Հնդկաստանի արտաքին գործերի նախարարը։
Նրա խոսքով՝ հանդիպմանը քննարկվել են նաև փոխադարձ հետաքրքրություն ներկայացնող այլ հարցեր։
Հայաստանն ավելի ու ավելի է դառնում հոգևոր պետություն, քանի որ պետության հոգածության շնորհիվ այսօր հազարավոր քաղաքացիներ ստանում են բժշկական ծառայություններ, որոնք այլ պայմաններում նրանց համար անհասանելի կլինեին։ Դրա մասին մայիսի 13-ին Հայաստանի Արագածոտնի մարզի Աշտարակ քաղաքում նախընտրական քարոզարշավի ժամանակ տեղի ունեցած հանրահավաքում հայտարարել է արձակուրդում գտնվող ՀՀ վարչապետ Նիկոլ Փաշինյանը, որը գլխավորում է երկրում ներկայումս իշխող «ՔՊ» կուսակցության պատգամավորների թեկնածուների համամասնական ցուցակը։
Նրա խոսքով՝ հենց դա է հոգևորը, երբ պետությունը կանգնում է մարդու կողքին, այլ ոչ թե երբ մարդուն օգտագործում են հանուն որոշակի խմբի նեղ շահերի։
«Այսօր Հայաստանը, լինելով աշխարհիկ պետություն, որտեղ պաշտպանված է նաև դավանանքի իրավունքը, միաժամանակ հոգևոր պետություն է, որը սիրում է իր քաղաքացիներին»,- ընդգծել է Փաշինյանը։
Նա անհիմն է անվանել այն մեղադրանքները, թե իշխանությունները երկրում հակահոգևորական արշավ են իրականացնում։
