ՀԱՊԿ անդամ պետությունները Հայաստանին համարում են դաշնակից. РИА Новости-ի հետ զրույցում նշել է կառույցի գլխավոր քարտուղար Թաալատբեկ Մասադիկովը։
«Հենց սկզբից Հայաստանը եղել է ակտիվ և ներդաշնակ անդամ պետություն, որն արժանի ներդրում է ունեցել հավաքական ներուժի ամրապնդման գործում, և ՀԱՊԿ անդամ պետությունները շարունակում են այս երկիրը դիտարկել որպես դաշնակից», – հայտարարել է Մասադիկովը։
Օգոստոսի սկզբին ՀԱՊԿ-ում Ռուսաստանի մշտական ներկայացուցիչ Վիկտոր Վասիլևը գործակալության հետ զրույցում նշել է, որ Հայաստանին ՀԱՊԿ մարմիններում քվեարկության իրավունքից զրկելու համար անհրաժեշտ է կոնսենսուս։ Նրա խոսքով՝ ՀԱՊԿ Հավաքական անվտանգության խորհրդի հաջորդ նիստը կկայանա Մոսկվայում նոյեմբերի 11-ին, և առաջնորդները, հավանաբար, կքննարկեն այդ հարցը։