Author: Julbaz

Իսրայելի հետ բանակցություններ վարելու Լիբանանի իշխանությունների որոշումը չի նշանակում ո՛չ զիջում, ո՛չ էլ կապիտուլյացիա, այլ ուղղված է սեփական ինքնիշխանությունը պաշտպանելու պետության բացառիկ իրավունքին։ Այս մասին 2000 թվականին իսրայելական բանակի դուրսբերումից հետո Հարավային Լիբանանի ազատագրման տարեդարձի առթիվ հայտարարել է Լիբանանի նախագահ Ջոզեֆ Աունը:

1978 թվականին Իսրայելը սկսել է «Լիտանի» գործողությունը, ինչից հետո Լիբանանի հարավը գտնվել է իսրայելական օկուպացիայի տակ, իսկ ավելի ուշ՝ 1982 թվականի ներխուժումից հետո, Իսրայելն իր ռազմական ներկայությունն է ամրապնդել տարածաշրջանում և Հարավային Լիբանանի բանակի աջակցությամբ ստեղծել այսպես կոչված «անվտանգության գոտին»։ 2000 թվականի մայիսի 25-ին իսրայելական զորքերն ավարտել են երկրի հարավային շրջաններից դուրսբերումը, ինչը Լիբանանում նշվում է որպես Դիմադրության և ազատագրման օր։

Իսրայելի հետ բանակցություններ վարելու Լիբանանի իշխանությունների որոշումը չի նշանակում ո՛չ զիջում, ո՛չ էլ կապիտուլյացիա, այլ ուղղված է սեփական ինքնիշխանությունը պաշտպանելու պետության բացառիկ իրավունքին։ Այս մասին 2000 թվականին իսրայելական բանակի դուրսբերումից հետո Հարավային Լիբանանի ազատագրման տարեդարձի առթիվ հայտարարել է Լիբանանի նախագահ Ջոզեֆ Աունը:

1978 թվականին Իսրայելը սկսել է «Լիտանի» գործողությունը, ինչից հետո Լիբանանի հարավը գտնվել է իսրայելական օկուպացիայի տակ, իսկ ավելի ուշ՝ 1982 թվականի ներխուժումից հետո, Իսրայելն իր ռազմական ներկայությունն է ամրապնդել տարածաշրջանում և Հարավային Լիբանանի բանակի աջակցությամբ ստեղծել այսպես կոչված «անվտանգության գոտին»։ 2000 թվականի մայիսի 25-ին իսրայելական զորքերն ավարտել են երկրի հարավային շրջաններից դուրսբերումը, ինչը Լիբանանում նշվում է որպես Դիմադրության և ազատագրման օր։

Ամերիաբանկը և Ասիական զարգացման բանկը (ԱԶԲ) կնքել են մինչև 100 միլիոն ԱՄՆ դոլարի վարկային պայմանագիր՝ Հայաստանում միկրո, փոքր և միջին ձեռնարկությունների (ՄՓՄՁ), այդ թվում՝ կանանց կողմից ղեկավարվող բիզնեսների ֆինանսավորման հասանելիությունն ընդլայնելու և կանաչ ներդրումների ծավալն ավելացնելու նպատակով։

Ֆինանսավորումը կաջակցի ՄՓՄՁ-ներին ամբողջ երկրում՝ օգնելով կատարել աճին միտված ներդրումներ, բարելավել մրցունակությունը և որդեգրել ավելի կայուն գործելակերպ։ Տվյալ նախագիծը ԱԶԲ-ի կողմից Հայաստանի մասնավոր հատվածում մինչև օրս կնքված ամենախոշոր գործարքն է։

«Այս նախագիծը կընդլայնի ֆինանսավորման հասանելիությունը ՄՓՄՁ-ների, հատկապես կանանց կողմից ղեկավարվող ձեռնարկությունների համար` միաժամանակ խթանելով կանաչ ներդրումները Հայաստանում», – ասել է ԱԶԲ հայաստանյան մշտական առաքելության տնօրեն Լյազիզա Սաբիրովան։ «Երկարաժամկետ ֆինանսավորում տրամադրելով՝ մենք օգնում ենք բիզնեսներին աճել, աշխատատեղեր ստեղծել և նպաստել ավելի ներառական և կլիմայական փոփոխություններին դիմակայուն տնտեսության ձևավորմանը»։

Նախագիծը ներառում է մինչև 100 միլիոն ԱՄՆ դոլարի վարկ, որի մինչև 75%-ը նախատեսված է միկրո, փոքր և միջին ձեռնարկությունների վարկավորման համար, իսկ առնվազն 25%-ը՝ կանաչ ֆինանսավորման, այդ թվում` վերականգնվող էներգետիկայի և էներգաարդյունավետության համար։ Ֆինանսավորման առնվազն 10%-ը կուղղվի կանանց կողմից ղեկավարվող ՄՓՄՁ-ների ֆինանսավորմանը։

Ամերիաբանկի Ֆինանսական գծով տնօրեն Հովհաննես Թորոյանը նշել է. «Մենք ուրախ ենք ամրապնդել մեր գործընկերությունն ԱԶԲ-ի հետ՝ աջակցելով Հայաստանի միկրո, փոքր և միջին ձեռնարկություններին մատչելի ֆինանսավորումն ավելի հասանելի դարձնելու միջոցով։ Որպես Հայաստանի ամենախոշոր վարկատու, որն առանձնահատուկ ուշադրություն է դարձնում կանաչ և կայուն ֆինանսավորմանը, մենք շարունակում ենք հավատարիմ մնալ ներառական աճի խթանմանը և երկրի երկարաժամկետ տնտեսական զարգացմանն աջակցելուն»։

ՄՓՄՁ-ներն առանցքային դեր են խաղում Հայաստանի տնտեսության համար՝ ապահովելով զբաղվածության գրեթե 70%-ը և համախառն ներքին արդյունքի ավելի քան 65%-ը, սակայն ֆինանսավորման կարիքը շարունակում է բարձր մնալ։

ԱԶԲ-ն նաև կտրամադրի մինչև 125 հազար ԱՄՆ դոլարի տեխնիկական աջակցություն Ամերիաբանկի կարողությունները հզորացնելու համար` ներառյալ ֆինանսական բարեվարքության համակարգերի և կայուն զարգացման կոմպետենցիաների կենտրոնի ստեղծումը:

Նախագիծը աջակցում է Հայաստանի ջանքերին՝ խթանելու մասնավոր հատվածի զարգացումը, ընդլայնելու ֆինանսավորման հասանելիությունը և նպաստելու կլիմայական ազդեցություններին դիմակայուն աճին։