Ռուսական զորքերը նախորդ գիշերվա լայնածավալ հարվածից հետո 24 ժամվա ընթացքում երկրորդ անգամ անօդաչու թռչող սարքերով թիրախավորել են Ուկրաինայի մայրաքաղաքը։
Ինչպես հայտնում է Meduza-ն, Կիևի քաղաքապետ Վիտալի Կլիչկոյի փոխանցմամբ՝ Գոլոսիևսկի շրջանում ԱԹՍ-ի հարվածի հետևանքով հրդեհ է բռնկվել բիզնես կենտրոնում և ոչ բնակելի տարածքներում, ինչի հետևանքով զոհվել է 2 մարդ, իսկ ևս 2-ը ստացել են վիրավորումներ։
Հրդեհների ու ավերածությունների պատճառով քաղաքային իշխանությունները զգուշացրել են Գոլոսիևսկի շրջանում օդի որակի կտրուկ վատթարացման մասին՝ բնակիչներին խորհուրդ տալով փակել պատուհանները և սահմանափակել դրսում գտնվելու ժամանակը։