Պակիստանի բանակի հրամանատար, ֆելդմարշալ Ասիմ Մունիրը երկուշաբթի կայցելի Թեհրան, որտեղ կհանդիպի Իրանի բարձրաստիճան ներկայացուցիչների հետ։ Այս մասին հայտնել է Իրանի ԱԳՆ պաշտոնական ներկայացուցիչ Էսմայիլ Բաղային։
Մունիրը կգլխավորի Պակիստանի պաշտոնական պատվիրակությունը։ Բաղային նշել է, որ այցը կոչված է ամրապնդելու երկու երկրների միջև երկկողմ համագործակցությունը և շարունակելու տարածաշրջանում խաղաղության և անվտանգության խթանմանն ուղղված Իսլամաբադի ջանքերը։
Այցի ընթացքում Պակիստանի բանակի հրամանատարը բանակցություններ կվարի իրանցի բարձրաստիճան ներկայացուցիչների հետ։
Այցի ծրագրի այլ մանրամասներ և բանակցությունների մասնակիցների կազմը Իրանի ԱԳՆ-ն չի բացահայտել։