Մեքսիկայի մայրաքաղաքի մոտակայքում գտնվող Տեոտիհուական բուրգերից մեկի մոտ տեղի ունեցած կրակոցների հետևանքով Կանադայի քաղաքացի է զոհվել։ Այս մասին ասվում է երկրի ՆԳՆ-ի՝ X-ում հրապարակված հայտարարության մեջ։
Նշվում է, որ վիրավորվել է 13 մարդ, իսկ հարձակվողը ինքնասպան է եղել։
Հրապարակված տեսանյութում երևում է, թե ինչպես է զինված տղամարդը կրակ բացում բուրգերից մեկի՝ հավանաբար Լունա բուրգի գագաթից։
Մեքսիկայի նախագահ Կլաուդիա Շեյնբաումը հանձնարարել է Անվտանգության կաբինետին մանրակրկիտ հետաքննել միջադեպը։