Անթալիայի օդանավակայանում ոստիկանության նախկին աշխատակիցը սպանել է իր նախկին զուգընկերուհուն՝ Վրաստանի 38-ամյա քաղաքացուն։ Այս մասին հայտնում է «Գրուզիա Online»-ը։
Կինը տեղում մահացել է ստացած վերքերից։
Թուրքական լրատվամիջոցների փոխանցմամբ՝ զոհվածը Էլինա Շենգունն էր։ Նա երկու երեխա ուներ։
Նախնական տվյալներով՝ ոստիկանության 51-ամյա նախկին աշխատակից Հուսեյն Դուրմազը որոշ ժամանակ սպառնացել է կնոջը։ Հերթական վեճից հետո տղամարդը կրակ է բացել նրա ուղղությամբ։
Դեպքի վայր ժամանած բժիշկներին չի հաջողվել փրկել կնոջ կյանքը։ Իրավապահները Դուրմազին ձերբակալել են անմիջապես օդանավակայանի տարածքում։
Պատահարի հանգամանքներն ու վեճի պատճառները պարզվում են։