Ավելի քան մեկ տարի առաջ Ադրբեջանը և Հայաստանը վերջ դրեցին ավելի քան 30 տարի տևած հակամարտությանը՝ նախագծելով խաղաղության համաձայնագրի տեքստը, «ՇՀԿ+» ձևաչափով գագաթնաժողովի ժամանակ իր ելույթում ասել է Իլհամ Ալիևը:
Նա նշել է, որ Ադրբեջանն ու Հայաստանը աշխատում են փոխադարձ առևտրի ծավալների ավելացման ուղղությամբ:
«Ադրբեջանն արդեն նավթամթերք է մատակարարում Հայաստանին և ապահովում երրորդ երկրների բեռների տարանցումը։ Հայաստանի հետ համատեղ մենք աշխատում ենք փոխադարձ առևտրի ծավալների ավելացման, անվանացանկի ընդլայնման և ցամաքային տրանսպորտային նոր հաղորդակցությունների ստեղծման ուղղությամբ»,- ասաց Ադրբեջանի նախագահը։