Ամանսիո Օրտեգաը՝ Zara բրենդի հիմնադիրը, այսօր համարվում է աշխարհի ամենախոշոր անշարժ գույքի սեփականատերերից մեկը՝ մոտ 25 միլիարդ դոլար արժողությամբ պորտֆելով։
Վերջին 25 տարիների ընթացքում Օրտեգան՝
- ներդրել է մոտ 24 միլիարդ դոլար,
- ձեռք բերել 216 անշարժ գույք՝ աշխարհի գրեթե 100 քաղաքներում,
- վաճառել դրանցից միայն 10-ը։
Միայն 2025 թվականին նա իրականացրել է 13 գործարք՝ ավելի քան 3 միլիարդ դոլարի ներդրումներով։
Ամենանշանակալի գործարքներից մեկը եղել է Amazonի գրասենյակային համալիրի գնումը Վանկուվերում՝ շուրջ 850 միլիոն դոլարով։
Օրտեգայի ռազմավարությունը հիմնված է ոչ միայն մասշտաբի, այլև հարկային արդյունավետության վրա։ Նա՝
- Inditexից ստացված դիվիդենտները վերաներդրում է անշարժ գույքում,
- այս կերպ խնայել է մոտ 800 միլիոն դոլար գույքահարկից,
- օգտվել է ընտանեկան բիզնեսների համար նախատեսված արտոնություններից՝ վճարելով ընդամենը 1.25% հարկ՝ 30%-ի փոխարեն։
Forbesի գնահատմամբ՝ ընդհանուր հարկային խնայողությունները հասել են մոտ 7 միլիարդ դոլարի։
Մասնագետների խոսքով՝ Օրտեգան գնում է լավագույն որակի, «հավաքածուային» ակտիվներ՝ մոտեցմամբ, որը հիշեցնում է բարձրակարգ արվեստի գործերի հավաքում։
Անշարժ գույքը երկարաժամկետ ներդրումների ամենակայուն ուղղություններից է։ Օրտեգայի օրինակը ցույց է տալիս, թե ինչպես կարելի է համադրել ռազմավարական գնումները և հարկային պլանավորումը՝ ստեղծելով գլոբալ մասշտաբի ակտիվների կայուն պորտֆել։