Իրանը սպառնացել է պատասխան հարված հասցնել ԱՄՆ-ի կողմից իր ակտիվների վրա ցանկացած նոր հարձակման դեպքում՝ հայտարարելով, որ տարածաշրջանի էներգետիկ ենթակառուցվածքները և ամերիկյան նավթագազային ընկերությունները կարող են հայտնվել իրանական զինուժի թիրախում։
«Հարվածեք մեր ակտիվներին, և պատասխան հարձակման կենթարկվեք»,– հայտարարել է Իրանի խորհրդարանի խոսնակ Մոհամմադ Բաղեր Ղալիբաֆը։
Ինչպես հայտնում է Reuters-ը, նրա հայտարարությունը հնչել է այն բանից հետո, երբ շաբաթավերջին ԱՄՆ-ն և Իրանը հարվածներ են փոխանակել Հորմուզի նեղուցում։
Ղալիբաֆի խոսքով՝ տարածաշրջանում էներգիայի արտադրության շղթան հասանելի է իրանական զինուժի հարվածների համար և, հետևաբար, խոցելի է։
Հարվածների և տարածաշրջանում լարվածության աճի ֆոնին նավթի գինը հասել է վերջին վեց շաբաթվա առավելագույն մակարդակին։