ԵՊՀ-ում ռեկտորի ընտրությունը կրկին ավարտվեց նույն անունով․ Հովհաննես Հովհաննիսյանը ևս հինգ տարի կղեկավարի համալսարանը։ Նրա պաշտոնավարումն ուղեկցվել է դասախոսների ազատմամբ ու պայմանագրերի չերկարաձգման շուրջ աղմկահարույց պատմություններով, որոնց մի մասը դասախոսներն ու լրատվամիջոցները կապել են քաղաքական դիրքորոշման հետ, իսկ ԵՊՀ-ն՝ աշխատանքային կամ կառուցվածքային պատճառների։ Այս ֆոնին ուշագրավ է նաև Հոգաբարձուների խորհրդի կազմը, որի նախագահը ՊՆ նախարար Սուրեն Պապիկյանն է, իսկ անդամների թվում են պետական բարձրաստիճան պաշտոնյաներ։