Թուրքիայի կենտրոնում՝ Մանիա քաղաքի Ինջի Ուզմեզի անվան մասնագիտական-տեխնիկական ավագ դպրոցում աշակերտներից մեկը որսորդական հրացանով եկել է դպրոց եւ կրակ բացել իր դասընկերների ուղղությամբ։ Sözcü- ի տվյալներով՝ հինգ աշակերտ վիրավորվել է։
Կրակոցներից հետո հարձակվողը դուրս է վազել դպրոցից եւ փախել։ Ոստիկանությունը սկսել է նրա որոնումները, դպրոց են ուղարկվել մեծ թվով ոստիկաններ եւ բուժաշխատողներ։ Տուժածներին տեղափոխել են Թուրգութլուի պետական հիվանդանոց։
Մանիսայի իշխանությունները հաստատել են, որ դպրոցին հարակից տարածքում կրակոցների մասին հաղորդում են ստացել, որից հետո դեպքի վայր են ուղարկվել շտապ ծառայությունները։ Դեպքի մանրամասները պարզվում են։