Լրագրող Էլիզաբեթ Պետրոսյանի ֆեյսբուքյան գրառումը՝ կից տեսանյութով. «Աննան ասում է, որ Նիկոլի հետ չի ասոցացվում։ Ես հասկանում եմ նրա ցանկությունը․ դա իսկապես բարդ իրավիճակ է։ Բայց ինչ-որ ձև պետք է ընդունել իրականությունը։ Ընտրակաշա՞ռք, թե՞ բարեգործություն:
Աննան ասում է՝ գնանք դատարան, այնտեղ կտեսնենք՝ ով է ճիշտ, ով՝ մեղավոր։ Բայց մինչ դատերը գնում են ու բարձրագոչ հայտարարություններ են հնչում, նա շարունակում է զբաղվել «Իմ քայլը» հիմնադրամի բարեգործությամբ, որը, ինչպես պարզվեց, Նիկոլի հետ կապ չունի։
Տարօրինակ զուգադիպություն է՝ մի առանձնատանը ապրում են, համատեղ 4 երեխա ունեն, իշխանության բարիքներից օգտվում են, բայց կապ, պարզվում է, չկա։
Ու հենց այս ֆոնին սկսվում է ակտիվ բարեգործությունը։ Բայց երբ նման քայլերը լինում են ընտրություններից առաջ, մարդկանց մոտ բնական հարց է առաջանում՝ սա օգնությո՞ւն է, թե՞ քողարկված ընտրակաշառք»։