Ապրիլի 1-ին նշվում է Թռչունների միջազգային օրը։ Թռչունները կարևոր դեր են խաղում էկոհամակարգերում, և նրանց պաշտպանությունը կենսաբազմազանության պահպանության կարևոր մաս է։ Թռչունները ծառայում են որպես շրջակա միջավայրի վիճակի ցուցիչներ։ Թռչունների թվաքանակի նվազումը հաճախ վկայում է բնության մեջ առկա խնդիրների մասին՝ աղտոտում, կլիմայական փոփոխություններ, կենսամիջավայրի ոչնչացում։
Թռչունների անհետացման պատճառներից են որսագողությունը, անտառային տարածքների կրճատումը, կերային բազայի կրճատումը, լճերի չորացումը, ուրբանիզացիան, շրջակա միջավայրի աղտոտվածությունը:
Հայաստանում հանդիպում է ավելի քան 350 թռչնատեսակ։ Տարբեր գործոններ ազդում են թռչունների պոպուլիացիայի վրա։ ՀՀ Կարմիր գրքում ներառված է 96 թռչնատեսակ:
Ապրիլ 01, 2026 at 16:37