Իսրայելի պաշտպանության բանակը (ՑԱՀԱԼ) Լիբանանի հարավի 16 բնակավայրերի բնակիչներին խորհուրդ է տվել տարհանվել՝ «Հեզբոլլահ» շարժման ենթակառուցվածքների վրա ավիահարվածներից առաջ, հաղորդում է The Times of Israel-ը։
«Քանի որ «Հեզբոլլահը» խախտել է հրադադարի մասին համաձայնությունը, Իսրայելի պաշտպանության բանակը ստիպված է ուժի միջոցով գործել դրա դեմ»,- լրատվամիջոցը մեջբերում է բանակի մամուլի քարտուղար Ավիխայ Ադրայի հայտարարությունը։
Զգուշացումը վերաբերում է Լիտանի գետից դեպի հարավ ընկած շրջանին, որտեղ արդեն գործում է տարհանման մասին ընդհանուր նախազգուշացումը։ Քաղաքացիական բնակչությանը հրահանգվել է տեղափոխվել Լիտանի գետից դեպի հյուսիս գտնվող ափամերձ Սիդոնի շրջան։