Արդեն հայտնել էինք, որ ԲՀԿ առաջնորդն այցելել է Գեղարքունիքի մարզ՝ Կարճաղբյուր, Ակունք և Գեղամասար համայնքներ։ «Էս ժողովուրդն աշխատող, արարող ժողովուրդ է, բայց աշխատատեղերի պակաս կա։ Մարդը փոքր բիզնես է ուզում դնի, բայց առևտրային բանկերի տոկոսները խեղդում են»,- դիմելով Գագիկ Ծառուկյանին՝ ասել է բնակիչներից մեկը։ «Ոչ միայն գյուղերում, քաղաքում էլ ամենքը վարկի տակ են»,- արձագանքել է Ծառուկյանն ու ներկայացրել իրենց առաջարկած ծրագիրը։