Այն երկրները, որոնք շահագրգռված են կայունությամբ, անվտանգությամբ և համագործակցությամբ, քննարկումների համար մեր գործընկերներն են։ Այս մասին X-ի իր էջում գրել է Լեհաստանի փոխվարչապետ, ազգային պաշտպանության նախարար Վլադիսլավ Կոսինյակ-Կամիշը՝ կիսվելով Հայաստանի պաշտպանության նախարար Սուրեն Պապիկյանի հետ բանակցությունների արդյունքներով։
«Ուստի մենք հետաքրքրված ենք համատեղ զորավարժություններով, ռազմական ակադեմիաների միջև համագործակցությամբ և Հայաստանի հետ պաշտպանական արդյունաբերության ոլորտում փորձի փոխանակմամբ։ Այսօր ես դա քննարկեցի պաշտպանության նախարար Սուրեն Պապիկյանի հետ։ Շնորհակալություն այցի համար», — նշել է նա։
Կոսինյակ-Կամիշը ընդգծեց, որ ժամանակակից աշխարհում անվտանգությունը կառուցվում է ոչ միայն ռազմական ուժի, այլև պատասխանատու գործընկերության և տարածաշրջանի ապագայի մասին ռազմավարականորեն մտածող երկրների միջև երկարաժամկետ համագործակցության ցանցի վրա։
Państwa zainteresowane stabilnością, bezpieczeństwem i współpracą są dla nas partnerem do rozmów.
Dlatego jesteśmy zainteresowani wspólnymi ćwiczeniami wojskowymi, współpracą uczelni wojskowych i wymianą doświadczeń przemysłów obronnych z Armenią 🇵🇱🇦🇲 O tym rozmawiałem dziś z… pic.twitter.com/4qXPJ01Dh3
— Władysław Kosiniak-Kamysz (@KosiniakKamysz) May 6, 2026