Վերջին 24 ժամվա ընթացքում Հորմուզի նեղուցում նոր միջադեպեր չեն արձանագրվել, մինչդեռ Իրանը շարունակում է քայլեր ձեռնարկել այդ կարևորագույն ջրային ուղու նկատմամբ իր իշխանությունն ամրապնդելու ուղղությամբ, հայտնում են Միացյալ Թագավորության ծովային առևտրային գործառնությունների կենտրոնից (UKMTO):
Թեև տարածաշրջանում անվտանգության իրավիճակը մնում է «անկայուն»՝ առևտրային նավագնացության համար մշտական սպառնալիքներով, Գրինվիչի ժամանակով երեկվա 16:00-ից ի վեր Պարսից և Օմանի ծոցերում ոչ մի միջադեպ չի գրանցվել:
Հիշեցնենք, որ շաբաթվա սկզբին ԱՄՆ նախագահ Դոնալդ Թրամփը հայտարարել էր նեղուցով նավերի ուղեկցման «Ազատություն» գործողության մեկնարկի մասին, սակայն 48 ժամ անց կասեցրել էր այն՝ պակիստանցի միջնորդների խնդրանքով։
Չնայած միջադեպերի մասին հաղորդումների դադարին, Թեհրանը չի դադարեցրել նավատերերին ստիպելու փորձերը՝ պահպանել նեղուցով տարանցման նոր արձանագրությունը, որով սովորաբար անցնում է նավթի և հեղուկացված բնական գազի համաշխարհային մատակարարումների մեկ հինգերորդ մասը:
Ըստ CNN-ի տրամադրության տակ հայտնված փաստաթղթի՝ Իրանը մշակել է մի շարք նոր կանոններ այն նավերի համար, որոնք ցանկանում են անցնել այս ջրային ուղով։