Այսօր, չբավարարվելով նրանով, որ սխալ քաղաքականության հետևանքով կորցրին Արցախը, իշխանությունները սկսել են մեզ ներքաշել նոր արկածախնդրության մեջ։ Նրանք անցկացրին Եվրոպական քաղաքական համայնքի գագաթնաժողովը և հրավիրեցին Զելենսկուն, որը հանդես եկավ սադրիչ հայտարարություններով։ Այդ մասին մայիսի 8-ին Էջմիածնում նախընտրական քարոզարշավի հանրահավաքի ժամանակ հայտարարել է «Հայաստան» դաշինքի վարչապետի թեկնածու Ռոբերտ Քոչարյանը։
«Մեզ նորից փորձում են ներքաշել նոր արկածախնդրության մեջ։ Ինչի՞ համար։ Մակրոնին դուր գալո՞ւ համար, թե՞ այլ պատճառներ կան։
Առաջին պատճառն այն է, որ նրանք ասելիք չունեն, քանի որ ձախողել են բոլոր ուղղությունները և հիմա փորձում են պատերազմի սպառնալիքով համոզել ժողովրդին, որ իրենք պետք է վերընտրվեն։
Իշխանությունների երկրորդ մոտիվացիան այն է, որ եվրոպացիներն աչք փակեն այն ամենի վրա, ինչ այսօր կատարվում է Հայաստանում։ Դա վկայում է այն մասին, որ Փաշինյանի անձնական շահերը ոչ մի ընդհանուր բան չունեն Հայաստանի շահերի հետ։ Մենք այդ ամենին ասում ենք «ոչ»»,- նշել է Քոչարյանը։