Այսօրվա իշխանությունը մեզնից խլեց մեր եռատոնը, ուրացան այդ ամենն ու իրենց վարած դավաճանական քաղաքականության արդյունքում այսօր ո՛չ Շուշիի հաղթանակի օրն ենք նշում, ոչ էլ առհասարակ կարող ենք Արցախ այցելել:
Այս մասին լրագրողների հետ զրույցում ասաց «Մայր Հայաստան» կուսակցության նախագահ Անդրանիկ Թևանյանը: Նրանք այսօր՝ մայիսի 9-ին, հարգանքի տուրք են մատուցում նահատակների հիշատակին:
«Այսօր ամեն դեպքում պիտի հիշենք մեր հերոսներին և եթե կա պարտություն, պիտի լինի նաև վերածնունդ: Անցյալն ուրանալը վատ ճանապարհ է:
Այսօր մեր հանդեպ նեոֆաշիստական մոտեցում է կիրառվում, երբ նույն մակրոնները գալիս են ու ասում, որ Հայաստանը պետք է մանրադրամ դառնա աշխարհաքաղաքական խաղերում ու դրա արդյունքում մենք կարող ենք 3-րդ ցեղասպանությունը ստանալ՝ արցախահայերի էթնիկ զտումից հետո», – ասաց Թևանյանը: