ԱՄՆ նախագահ Դոնալդ Թրամփի այցի ընթացքում Չինաստանի իշխանությունները պատրաստ են ջանքեր գործադրել Վաշինգտոնի հետ առկա տարաձայնությունները վերացնելու համար։ Այս մասին հայտարարել է Չինաստանի ԱԳՆ պաշտոնական ներկայացուցիչ Գո Ցզյակունը։
«Բարձր մակարդակի դիվանագիտությունն անփոխարինելի ռազմավարական դեր ունի չին-ամերիկյան հարաբերությունների զարգացման ուղղությունը որոշելու հարցում։ Չինաստանը պատրաստ է ԱՄՆ-ի հետ միասին, առաջնորդվելով հավասարության, հարգանքի և փոխշահավետության սկզբունքներով, ընդլայնել համագործակցությունը և կարգավորել տարաձայնությունները: Դա արվում է հակասություններով ու անկայունությամբ լի աշխարհում ավելի մեծ կայունություն և որոշակիություն հաստատելու համար», – հայտնել է նա ճեպազրույցի ժամանակ։